କେନ୍ଦ୍ରର ବଡ଼ ନିଷ୍ପତ୍ତି: ଅଗ୍ନିବୀରଙ୍କୁ BSFରେ ମିଳିବ ୧୦% ସଂରକ୍ଷଣ

ନୂଆଦିଲ୍ଲୀ: କେନ୍ଦ୍ର ସରକାରଙ୍କ ପକ୍ଷରୁ ଆରମ୍ଭ ହୋଇଥିବା ଅଗ୍ନିବୀର ଯୋଜନାକୁ ନେଇ ଏକ ବଡ଼ ଘୋଷଣା ହୋଇଛି । ଅଗ୍ନିପଥ ଯୋଜନାକୁ ପ୍ରୋତ୍ସାହିତ କରିବା ପାଇଁ ସୀମା ସୁରକ୍ଷା ବଳ (ବିଏସଏଫ୍) ରେ ସର୍ବାଧିକ ବୟସ ସୀମା ମଧ୍ୟରେ ଆରାମ ସହିତ କେନ୍ଦ୍ର ସରକାର ୧୦ ପ୍ରତିଶତ ସଂରକ୍ଷଣ ଘୋଷଣା କରିଛନ୍ତି । କେନ୍ଦ୍ର ଗୃହ ମନ୍ତ୍ରଣାଳୟ ଦ୍ୱାରା ଜାରି ବିଜ୍ଞପ୍ତି ଅନୁଯାୟୀ ସୀମା ସୁରକ୍ଷା ବଳ, ଜେନେରାଲ ଡ୍ୟୁଟି କ୍ୟାଡର ନିଯୁକ୍ତି ନିୟମ, ୨୦୧୫ ରେ ସଂଶୋଧନ କରିବା ପରେ ବିଜ୍ଞପ୍ତି ମାଧ୍ୟମରେ ଏହି ଘୋଷଣା କରାଯାଇଛି ଏବଂ ଏହା ମାର୍ଚ୍ଚ ୯ ରୁ କାର୍ଯ୍ୟକାରୀ ହେବ ।

ମନ୍ତ୍ରଣାଳୟ କହିଛି ଯେ ପ୍ରଥମ ବ୍ୟାଚ୍ ପୂର୍ବ ଅଗ୍ନିବୀରଙ୍କ ପାଇଁ ପ୍ରଥମ ବ୍ୟାଚର ପ୍ରାର୍ଥୀଙ୍କ ଉପର ବୟସ ସୀମା ୦୫ ବର୍ଷ ପର୍ଯ୍ୟନ୍ତ ଆରାମ ଦିଆଯିବ ଏବଂ ଅନ୍ୟ ବ୍ୟାଚ୍ ପ୍ରାର୍ଥୀଙ୍କ ପାଇଁ ଏହି ସୀମା ତିନି ବର୍ଷ ପର୍ଯ୍ୟନ୍ତ ଆରାମ ପାଇବ । ବିଜ୍ଞପ୍ତିରେ କୁହାଯାଇଛି ଯେ, ପୂର୍ବତନ ଅଗ୍ନିବୀର କର୍ମଚାରୀଙ୍କୁ ମଧ୍ୟ ଶାରୀରିକ ଦକ୍ଷତା ପରୀକ୍ଷଣରୁ ମୁକ୍ତ କରାଯିବ ।

ତେବେ ଗତ ବର୍ଷ ଜୁନରେ ସେନା, ନୌସେନା ଏବଂ ବାୟୁସେନାରେ ୧୭ରୁ ୨୧ ବର୍ଷ ବୟସର ଯୁବକମାନଙ୍କୁ ନିଯୁକ୍ତି ଦେବା ପାଇଁ ଅଗ୍ନିପଥ ଯୋଜନା ଆରମ୍ଭ କରିଥିଲା କେନ୍ଦ୍ର । ଏହା ମୁଖ୍ୟତଃ ଚାରି ବର୍ଷ ପାଇଁ ସ୍ୱଳ୍ପକାଳୀନ ଚୁକ୍ତିନାମା ଆଧାରରେ ଥିଲା । ଏହି ଯୋଜନା ଅଧୀନରେ ନିଯୁକ୍ତ ବ୍ୟକ୍ତିମାନେ ‘ଅଗ୍ନିବୀର’ ଭାବରେ ଜଣାଶୁଣା । ଚାରି ବର୍ଷ କାର୍ଯ୍ୟକାଳ ସମାପ୍ତ ହେବା ପରେ ପ୍ରତ୍ୟେକ ବ୍ୟାଚରୁ ୨୫ ପ୍ରତିଶତ ନିଯୁକ୍ତି ନିୟମିତ ସେବା ପ୍ରଦାନ କରାଯିବ ।