ବିଧାୟକଙ୍କ ଗାଡ଼ି ଜାଳି ଦେଲେ ଦୁର୍ବୃତ୍ତ, କାରଣ ଅସ୍ପଷ୍ଟ
ଫୁଲବାଣୀ: ଫୁଲବାଣୀରେ ବିଧାୟକଙ୍କ ଗାଡ଼ି ଜାଳି ଦେଲେ ଦୁର୍ବୃତ୍ତ । ସର୍କିଟ ହାଉସରେ ଗାଡ଼ି ରଖିଥିଲେ ବିଧାୟକ । ଏଭଳି ଘଟଣା ପଛରେ କାହାର ହାତ ରହିଛି ସେ ନେଇ କିଛି ଜଣାପଡ଼ିନାହିଁ । ତେବେ ଏହା ପଛରେ ରାଜନୈତିକ ଶତ୍ରୁତା ଥିବା ନେଇ ସନ୍ଦେହ କରାଯାଉଛି ।
ସୂଚନାରୁ ପ୍ରକାଶ ଗୁରୁବାର ବିଳମ୍ବିତ ରାତିରେ ସର୍କିଟ ହାଉସ ପରିସରରେ ଫୁଲବାଣୀ ବିଧାୟକ ଉପସ୍ଥିତ ଥିବା ବେଳେ କିଛି ଦୁର୍ବୃର୍ତ୍ତ ବିଧାୟକଙ୍କ ଗାଡ଼ି ଜାଳିଥିଲେ । ଏହି ଘଟଣାରେ ବିଧାୟକଙ୍କ ଗାଡ଼ି ସାମାନ୍ୟ କ୍ଷତିଗ୍ରସ୍ତ ହୋଇଥିବା ବେଳେ ପାଖରେ ଥିବା ଏକ ସ୍କୁଟି ଓ ବାଇକ୍ ମଧ୍ୟ ଜଳିଯାଇଥିଲା ବୋଲି ସର୍କିଟ ହାଉସ କର୍ମଚାରୀ ସୂଚନା ଦେଇଛନ୍ତି । ଅଗ୍ନିକାଣ୍ଡର କାରଣ ଅସ୍ପଷ୍ଟ ରହିଛି ।
