ମିସ୍ ଟିନ୍ ୟୁନିଭର୍ସ-୨୦୨୪ ହେଲେ ଓଡ଼ିଆ ଝିଅ ତ୍ରିଷ୍ଣା ରାୟ: ବିଶ୍ୱସ୍ତରରେ ଓଡ଼ିଶା ସଂସ୍କୃତିର କଲେ ପ୍ରଚାର
ଛଉ ନୃତ୍ୟ ପ୍ରଦର୍ଶନ କରି ଶ୍ରେଷ୍ଠ ପାଞ୍ଚ ଜଣଙ୍କ ମଧ୍ୟରେ ସ୍ଥାନ ପାଇଲେ ତ୍ରିଷ୍ଣା। ଓଡ଼ିଶା ସଂସ୍କୃତିକୁ ଅନ୍ତର୍ଜାତୀୟ ଦୁନିଆରେ ଏକ ସ୍ୱତନ୍ତ୍ର ପରିଚୟ ଦେବାକୁ ରଖିଛନ୍ତି ଲକ୍ଷ୍ୟ।
ଭୁବନେଶ୍ୱର: ବିଶ୍ୱ ଦେଖିଲା ଓଡ଼ିଆ ପରମ୍ପରାର ସ୍ୱତନ୍ତ୍ର ଝଲକ । ମିସ୍ ଟିନ୍ ୟୁନିଭର୍ସ-୨୦୨୪ ହେଲେ ଓଡ଼ିଆ ଝିଅ ତ୍ରିଷ୍ଣା ରାୟ । ବିଶ୍ୱସ୍ତରରେ ଓଡ଼ିଶା ସଂସ୍କୃତିର କରିଲେ ପ୍ରତିନିଧିତ୍ୱ ।
ଗତ ନଭେମ୍ବର ୧୦ ତାରିଖରେ ଦକ୍ଷିଣ ଆଫ୍ରିକାରେ ଆୟୋଜିତ ସମ୍ମାନଜନକ ସୌନ୍ଦର୍ଯ୍ୟ ପ୍ରତିଯୋଗିତାରେ ଓଡ଼ିଶାର ତ୍ରିଶ୍ନା ରାୟ ମିସ୍ ଟିନ୍ ୟୁନିଭର୍ସ ୨୦୨୪ ବିଜେତା ହୋଇଥିଲେ।
ଏକ ସାକ୍ଷାତକାରରେ ତ୍ରିଷ୍ଣା ନିଜ ମୂଳ ସହ ଗଭୀର ସମ୍ପର୍କ ପ୍ରକାଶ କରି କହିଛନ୍ତି, ଯାହା ହେଉ ନା କାହିଁକି ଓଡ଼ିଶା ସବୁବେଳେ ମୋର ଅଂଶ ହେବାକୁ ଯାଉଛି।
ବିଶ୍ୱସ୍ତରରେ ଭାରତର ପ୍ରତିନିଧିତ୍ୱ କରି ତ୍ରିଷ୍ଣା ଜାତୀୟ ପୋଷାକ ରାଉଣ୍ଡରେ ଓଡ଼ିଶାର ସାଂସ୍କୃତିକ ସାରକୁ ଅନ୍ତର୍ଭୁକ୍ତ କରି ନିଜର ଐତିହ୍ୟକୁ ଆଲୋକିତ କରିବା ସୁନିଶ୍ଚିତ କରିଥିଲେ ।
ସେଠାରେ ସେ ଗର୍ବର ସହ ଛଉ ନୃତ୍ୟ ପ୍ରଦର୍ଶନ କରିଥିଲେ, ଏବଂ ସବୁଠୁ ବଡ଼ କଥା ସେ ଛଉ ନୃତ୍ୟ ପ୍ରଦର୍ଶନ କରି ଶ୍ରେଷ୍ଠ ପାଞ୍ଚ ଜଣଙ୍କ ମଧ୍ୟରେ ସ୍ଥାନ ସୁରକ୍ଷିତ ରଖିଛନ୍ତି ।
ନିଜ ପରିଚୟ ବିଷୟରେ ସୂଚନା ଦେଇ ତ୍ରିଷ୍ଣା ଆହୁରି କହିଛନ୍ତି, “ମୁଁ ବାହାରେ ଆଧୁନିକ ହୋଇପାରେ, କିନ୍ତୁ ମୁଁ ହୃଦୟରୁ ବହୁତ ପାରମ୍ପରିକ।
ଭାରତୀୟ ସଂସ୍କୃତି ଓ ଓଡ଼ିଶା ସଂସ୍କୃତିକୁ ଅନ୍ତର୍ଜାତୀୟ ଦୁନିଆରେ ସବୁସ୍ଥାନରେ ମିସ୍ ଟିନ୍ ୟୁନିଭର୍ସ ୨୦୨୪ ଟାଇଟଲ୍ ମାଧ୍ୟମରେ ପହଞ୍ଚାଇବାକୁ ଯୋଜନା କରୁଛି ।”
View this post on Instagram
