‘ରାଷ୍ଟ୍ରହିତ ଓ ଜନସେବା ପାଇଁ ମୋଦୀ ଜୀ ସମର୍ପିତ, ମୁଁ ତାଙ୍କ ଯାତ୍ରାର ସାକ୍ଷୀ ରହିଛି…’, ଜାଣନ୍ତୁ ଏପରି କାହିଁକି କହିଲେ ଅମିତ ଶାହା
ନୂଆଦିଲ୍ଲୀ: ଆଜି ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀଙ୍କ ପାଇଁ ବହୁତ ବିଶେଷ ଦିନ । ୨୩ ବର୍ଷ ପୂର୍ବରୁ ଅକ୍ଟୋବର ୭ ତାରିଖ ଦିନ ଗୁଜରାଟର ମୁଖ୍ୟମନ୍ତ୍ରୀ ଭାବେ କାର୍ଯ୍ୟଭାର ସମ୍ଭାଳିଥିଲେ । ଏହା କେବଳ ଗୁଜରାଟ ପାଇଁ ନୁହେଁ ବରଂ ଭାରତର ରାଜନୀତି ପାଇଁ ଏକ ଗୁରୁତ୍ୱପୂର୍ଣର୍ ଟର୍ଣ୍ଣିଂ ପଏଣ୍ଟ ଥିଲା । ବହୁତ କମ୍ ଲୋକମାନେ ଜାଣିଛନ୍ତି କି ମୋଦୀ କିପରି ଗୁଜରାଟ ମୁଖ୍ୟମନ୍ତ୍ରୀ ହୋଇଥିଲେ ଏବଂ ତାଙ୍କ ଯାତ୍ରା ପଛର କାହାଣୀ କ’ଣ ଥିଲା । ଏନେଇ ମୋଦୀ ଆରକାଇଭ୍ସ ‘ଏକ୍ସ’ରେ ସୂଚନା ଶେୟାର କରିଛି ।
ମୋଦୀ ଆରକାଇଭ୍ସ ପୋଷ୍ଟ ଅନୁଯାୟୀ, ‘୨୦୨୧ ପର୍ଯ୍ୟନ୍ତ ମୋଦୀ ସାର୍ବଜନିକ ସେବା କ୍ଷେତ୍ରରେ ୩ ଦଶନ୍ଧି ବିତାଇସାରିଥିଲେ । ଆରଏସଏସର ଜଣେ ସାଧାରଣ ପ୍ରଚାରକ ଠାରୁ ଆରମ୍ଭ କରି ବିଜେପିର ଜଣେ ଉତ୍ସର୍ଗୀକୃତ କର୍ମୀ ପର୍ଯ୍ୟନ୍ତ ସେ ଜଣେ ଦୃଢ଼ ପ୍ରତିଯୋଗୀ ଭାବରେ ନିଜର ପରିଚୟ ସୃଷ୍ଟି କରିଥିଲେ । ୧୯୬୫ରେ କାଙ୍କରିୟା ୱାର୍ଡ଼ ସଚିବ ଭାବରେ ସେ ଜନସଂଘରୁ ରାଜନୈତିକ ଯାତ୍ରା ଆରମ୍ଭ କରିଥିଲେ । ଦଳ ସଦସ୍ୟଙ୍କ ମଧ୍ୟରେ ‘ନାମୋ’ ଭାବରେ ଜଣାଶୁଣା ମୋଦୀ ଗୁଜରାଟରେ ଏକ ଶକ୍ତିଶାଳୀ ଦଳ ଭାବରେ ବିଜେପି ପ୍ରତିଷ୍ଠା ପାଇଁ ଅନେକ ପରିଶ୍ରମ କରିଥିଲେ । ସେହି ସମୟରେ ଗୁଜରାଟରେ କଂଗ୍ରେସର ଦବଦବା ଥିଲା । ୧୯୮୪ରେ ଗୁଜରାଟରେ କେବଳ ଜଣେ ବିଜେପି ସାଂସଦ ଥିଲେ ଏ . କେ ପଟେଲ ଯିଏ ମେହସାନାରୁ ନିର୍ବାଚିତ ହୋଇଥିଲେ ।’ ମୋଦୀଙ୍କ ଦୂରଦର୍ଶିତା, ରଣନୀତିକ ଯୋଜନା ଏବଂ କଠୋର ପରିଶ୍ରମ ଗୁଜରାଟରେ ବିଜେପିକୁ ଏକ ନୂତନ ଶିଖରରେ ପହଂଚାଇଥିଲା । ତାଙ୍କ ନେତୃତ୍ୱରେ ବିଜେପି କଂଗ୍ରେସ ପ୍ରଭାବୀ କ୍ଷେତ୍ରରେ ରାଜ୍ୟ ରାଜନୀତିର ଦୃଷ୍ଟିକୋଣକୁ ସମ୍ପୂର୍ଣ୍ଣ ଭାବେ ବଦଳାଇଦେଇଛି ।
୧୯୮୫ରେ ଆରଏସଏସ ମୋଦୀଙ୍କୁ ବିଜେପି ସହ କାମ କରିବାକୁ ନିର୍ଦ୍ଦେଶ ଦେଇଥିଲେ । ସେତେବେଳେ ତାଙ୍କ ରାଜନୈତିକ ଦକ୍ଷତା ଏବଂ ଦୂରଦର୍ଶିତା କଂଗ୍ରେସ ପାଇଁ ବଡ଼ ଚ୍ୟାଲେଞ୍ଜ ଭାବେ ଉଭା ହୋଇଥିଲା । ଏହା ପରେ ଦଳ ନେତୃତ୍ୱ ମୋଦୀଙ୍କୁ ଗୁଜରାଟର ମୁଖ୍ୟମନ୍ତ୍ରୀ ଭାବେ ନିଯୁକ୍ତ କରିଥଲେ । ଅକ୍ଟୋବର ୭ରେ ମୋଦୀ ରାଜ୍ୟର ମୁଖ୍ୟମନ୍ତ୍ରୀ ଭାବେ ଶପଥ ଗ୍ରହଣ କରିଥିଲେ । ମୋଦୀଙ୍କ ନେତୃତ୍ୱରେ ଗୁଜରାଟ ବିକାଶର ନୂତନ ଦିଗ ଦେଖିଛି ଏବଂ ପରବର୍ତ୍ତୀ ସମୟରେ ତାଙ୍କର ଏହି ନେତୃତ୍ୱ କ୍ଷମତା ଦେଶର ପ୍ରଧାନମନ୍ତ୍ରୀ ଆସନରେ ବସାଇଛି । ଏହି ଘଟଣା ଏକ ମାଇଲଖୁଣ୍ଟ ସାବ୍ୟସ୍ତ ହୋଇଥିଲା ଯାହା ଭାରତୀୟ ରାଜନୀତିରେ ମୋଦୀଙ୍କ ପ୍ରଭାବଶାଳୀ ନେତୃତ୍ୱ ପ୍ରତିଷ୍ଠା କରିଥିଲା ।
Today marks the historic day when, 23 years ago, @narendramodi took office as Chief Minister of Gujarat. It was a turning point not only for Gujarat but for India.
But not many know the story of how Narendra Modi became Gujarat’s Chief Minister 23 years ago..
By 2001, Modi was… pic.twitter.com/L1oPL9xdqT
— Modi Archive (@modiarchive) October 7, 2024
ଏହି ଅବସରରେ ଅମିତ ଶାହା ‘ଏକ୍ସ’ରେ ଏକ ପୋଷ୍ଟ ଶେୟାର କରି ଲେଖିଛନ୍ତି, ‘ଆଜି ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀଙ୍କ ସାର୍ବଜନିକ ଜୀବନରେ ମୁଖ୍ୟମନ୍ତ୍ରୀ ଏବଂ ପ୍ରଧାନମନ୍ତ୍ରୀ ଭାବେ ୨୩ ବର୍ଷ ପୁର୍ତ୍ତି ହୋଇଛି । ଜଣେ ବ୍ୟକ୍ତି କିପରି ରାଷ୍ଟ୍ରହିତ ଏବଂ ଜନସେବା ପାଇଁ ନିଜ ଜୀବନ ସମର୍ପିତ କରିପାରେ ୨୩ ବର୍ଷର ସାଧନା ସେହି ଅଦ୍ୱିତୀୟ ସମର୍ପଣର ପ୍ରତୀକ ଅଟେ । ଏହି ୨୩ ବର୍ଷର ଯାତ୍ରା ସାମାଜିକ ଜୀବନଯାପନ କରୁଥିବା ଲୋକଙ୍କ ପାଇଁ ଏକ ଜୀବନ୍ତ ପ୍ରେରଣା । ଏହା ମୋ ପାଇଁ ଭାଗ୍ୟର ବିଷୟ କି ମୁଁ ତାଙ୍କ ଯାତ୍ରା ପାଇଁ ସାକ୍ଷୀ ରହିସାରିଛି ।’ ସେ ଆହୁରି ମଧ୍ୟ କହିଛନ୍ତି କି ନ ଅଟକି, ନ ଥକି ଏବଂ ନିଜ ଚିନ୍ତା ପଛରେ ପକାଇ ଦେଶ ତଥା ଦେଶବାସୀଙ୍କୁ ସମର୍ପିତ ଏଭଳି ରାଷ୍ଟ୍ରସାଧକ ମୋଦୀ ଜୀଙ୍କ ସେବା ଓ ସମର୍ପଣର ୨୩ ବର୍ଷ ପୂର୍ତ୍ତି ଅବସରରେ ଅଭିନନ୍ଦନ ଜଣାଉଛି । ଅପରପକ୍ଷରେ ବିଜେପି କାର୍ଯ୍ୟକର୍ତ୍ତାଙ୍କ ଠାରୁ ଆରମ୍ଭ କରି ଅନେକ ବିଶିଷ୍ଟ ନେତା ଏବଂ ସମାଜର ବିଭିନ୍ନ କ୍ଷେତ୍ରରେ କାମ କରୁଥିବା ପ୍ରତିଷ୍ଠିତ ବ୍ୟକ୍ତି ମୋଦୀଙ୍କ କାର୍ଯ୍ୟକାଳ ସମୟରେ ଉପଲବ୍ଧିକୁ ନେଇ ଶୁଭେଚ୍ଛା ଜଣାଇଛନ୍ତି ।
आज प्रधानमंत्री श्री @narendramodi जी के सार्वजनिक जीवन में मुख्यमंत्री व प्रधानमंत्री के रूप में 23 वर्ष पूरे हुए हैं।
एक व्यक्ति अपना पूरा जीवन राष्ट्रहित और जनसेवा को कैसे समर्पित कर सकता है, यह 23 वर्ष की साधना उस अद्वितीय समर्पण की प्रतीक है। यह 23 वर्षीय यात्रा, सामाजिक…
— Amit Shah (@AmitShah) October 7, 2024
