ବଡ଼ ଅଘଟଣ: ଇରାନରେ ବସ୍ ଓଲଟି ୩୦ରୁ ଅଧିକ ପାକିସ୍ତାନୀ ତୀର୍ଥଯାତ୍ରୀଙ୍କ ମୃତ୍ୟୁ, ୨୦ରୁ ଅଧିକ ଆହତ

ନୂଆଦିଲ୍ଲୀ: ଆସିଛି ଏକ ବଡ଼ ଖବର । ଇରାନରେ ଏକ ବସ୍ ଓଲଟି ପଡ଼ିବା ଫଳରେ ସେଥିରେ ଯାଉଥିବା ୩୦ରୁ ଅଧିକ ପାକିସ୍ତାନୀ ତୀର୍ଥଯାତ୍ରୀଙ୍କ ମୃତ୍ୟୁ ଘଟିଛି । ଇରାନରେ ୟାଜଡ ଠାରେ ଏହି ଅଘଟଣ ଘଟିଥିବା ବେଳେ ବସଟିରେ ମୋଟ ୫୩ ଜଣ ଯାତ୍ର୍ରୀ ଥିଲେ ବୋଲି ଏକ ରିପୋର୍ଟରୁ ଜଣାପଡ଼ିଛି । ତେବେ ୨୦ରୁ ଅଧିକ ତୀର୍ଥଯାତ୍ରୀ ଆହତ ହୋଇଥିବା ମଧ୍ୟ କୁହାଯାଉଛି । ଅଧିକାଂଶ ଯାତ୍ରା ପାକିସ୍ତାନର ଦକ୍ଷିଣ ସିନ୍ଧ ରାଜ୍ୟର ଲାର୍କାନା ସହରର ବାସିନ୍ଦା ବୋଲି କୁହାଯାଉଛି । ଗତକାଲି ରାତିରେ କେନ୍ଦ୍ରୀୟ ଇରାନ ରାଜ୍ୟ ୟାଜଦରେ ଏହି ଅଘଟଣ ଘଟିଥିଲା । ଏହି ଦୁର୍ଘଟଣାରେ ୧୭ ଜଣ ପୁରୁଷ ଓ ୧୧ ଜଣ ମହିଳା ପ୍ରାଣ ହରାଇଥିବା କୁହାଯାଉଛି । ସମସ୍ତ ଆହତଙ୍କୁ ମେଡିକାଲରେ ଭର୍ତ୍ତି କରାଯାଇଥିବା ବେଳେ ଅନେକଙ୍କ ଅବସ୍ଥା ଗୁରୁତର ରହିଥିବା କୁହାଯାଉଛି ।