ଡେଙ୍ଗୁରେ ସଂକ୍ରମିତ ହେଲେଣି ୧୭ହଜାରରୁ ଅଧିକ, ୭ ମୃତ
ନୂଆଦିଲ୍ଲୀ: କରୋନା ପରେ ଡେଙ୍ଗୁ ବିଭିନ୍ନ ସ୍ଥାନରେ ଆତଙ୍କ ଖେଳାଇଛି । ଶ୍ରୀଲଙ୍କାରେ ଡେଙ୍ଗୁ କାରଣରୁ ୭ଜଣ ପ୍ରାଣ ହରାଇଛନ୍ତି । ଏଥିସହିତ ସଂକ୍ରମିତଙ୍କ ସଂଖ୍ୟା ୧୭ହଜାରରେ ପହଞ୍ଚିଛି । ଏନେଇ ଦେଶର ସ୍ୱାସ୍ଥ୍ୟ ବିଭାଗ ପକ୍ଷରୁ ସୂଚନା ଦିଆଯାଇଛି । ନିକଟରେ ଡେଙ୍ଗୁର ୩୦୦ରୁ ଅଧିକ ମାମଲା ସାମନାକୁ ଆସିଥିଲା । ସେଥିରୁ ୯୦ରୁ ଅଧିକ କେବଳ କଲୋମ୍ବୋରୁ ଚିହ୍ନଟ ହୋଇଥିଲା ।
ଏନେଇ ଜଣେ ଅଧିକାରୀ କହିଛନ୍ତି ଯେ, ମଶା ମାନଙ୍କ ବଂଶରେ ବୃଦ୍ଧି ଘଟିଛି । ବିଶେଷ କରି ସହରାଞ୍ଚଳ ଏବଂ ଅର୍ଦ୍ଧ ସହରାଞ୍ଚଳ ଗୁଡ଼ିକରେ ଆଗାମୀ ଦିନରେ ମଶାମାନଙ୍କ ବୃଦ୍ଧି ଏକ ବଡ଼ ବିପଦ ହୋଇ ଠିଆ ହେବ । ଏଥିସହ ଡେଙ୍ଗୁ ସଂକ୍ରମଣ ଆହୁରି ବୃଦ୍ଧି ପାଇବ । ତେଣୁ ଏଥିରେ ରୋକ୍ ଲଗାଇପାଇଁ ବିଶେଷ ଧ୍ୟାନ ଦିଆଯିବା ଆବଶ୍ୟକ ରହିଛି । କାରଣ ବର୍ତ୍ତମାନ ବର୍ଷା ଋତୁ ଜାରି ରହିଥିବାରୁ ମଶା ମାନଙ୍କ ଦ୍ୱାରା ବ୍ୟାପୁଥିବା ସଂକ୍ରାମକ ରୋଗ ଆହୁରି ପ୍ରସାର ହେବାରେ ଲାଗିବ ।
ସରକାରୀ ଆକଳନ ଅନୁଯାୟୀ, ଏପ୍ରିଲରେ ସର୍ବାଧିକ ୧,୮୬୦ ଜଣ ଡେଙ୍ଗରେ ସଂକ୍ରମିତ ହୋଇଥିଲେ । ଡେଙ୍ଗୁ ରୋଗର ଅନ୍ୟ ଲକ୍ଷଣ ମଧ୍ୟରେ ଉଚ୍ଚ ଜ୍ୱର, ଅନିୟନ୍ତ୍ରିତ ବାନ୍ତି, ପେଟ ଯନ୍ତ୍ରଣା କିମ୍ବା ମୁଣ୍ଡ ବୁଲାଇବା କ୍ଷେତ୍ରରେ ତୁରନ୍ତ ଡାକ୍ତରୀ ଚିକିତ୍ସା କରିବାକୁ ବିଶେଷଜ୍ଞମାନେ ଅନୁରୋଧ କରିଛନ୍ତି।
