ଏମିତି ମା’ କାହାକୁ ନମିଳୁ; ନିଜଠୁ ୬ ବର୍ଷ ସାନ ଯୁବକ ସହ ସେକ୍ସ କରିବା ପାଇଁ ୨ ବର୍ଷର ପିଲାର ତଣ୍ଟି ଚିପି ମାରିଦେଲେ ମହିଳା
ନୂଆଦିଲ୍ଲୀ: ଓଡ଼ିଆରେ ଏକ କଥା ଅଛି ମା’ ନାହିଁ ଯାହାର ସାହା ନାହିଁ ତାହାର। ଏହି ପୃଥିବୀରେ ସବୁଠାରୁ ପବିତ୍ର ଓ ସାର୍ଥକତା ମା’ ଡାକରେ ଥାଏ। ଜନ୍ମ ପରେ କୌଣସି ପିଲା ପ୍ରଥମେ ମା’ଙ୍କ ଆଙ୍ଗୁଠି ଧରିଥାଏ। ମା’ଙ୍କ କୋଳ ତାଙ୍କୁ ଦୁନିଆର ସବୁଠାରୁ ସୁରକ୍ଷିତ ସ୍ଥାନ ବୋଲି ମନେ ହୁଏ । ଏପରିକି ଜଣେ ମା’ ନିଜେ ହଜାରେ ସମସ୍ୟାଭୋଗୁଥିଲେ ମଧ୍ୟ ନିଜ ସନ୍ତାନ ଉପରେ ନିଆଁ ଆସିବାକୁ ଦିଅନ୍ତି ନାହିଁ। କିନ୍ତୁ ଏଭଳି ନିଃସ୍ୱାର୍ଥପର ସମ୍ପର୍କକୁ ଲଜ୍ଜିତ କରିଛନ୍ତି ଏହି ମା’ । ଅନୈତିକ ସମ୍ପର୍କ ପାଇଁ ସେ ନିଜ ନିରୀହ ଝିଅକୁ ନିଜ ହାତରେ ଗଳା ଚିପି ହତ୍ୟା କରିଥିଲେ।
୨ ମାର୍ଚ୍ଚ ୨୦୨୩, ଅପରାହ୍ନ ପ୍ରାୟ ୩ଟା ଏବଂ ସେହି ସ୍ଥାନ ହେଉଛି ପୁଣେର ଖଡକି ରେଳ ଷ୍ଟେସନ । ପୁଲିସ କଣ୍ଟ୍ରୋଲ ରୁମକୁ ଫୋନ୍ ଆସିଲା। ଫୋନ୍ କରିଥିବା ବ୍ୟକ୍ତି ଜଣକ କହିଲେ ଯେ ଖଡ଼କି ରେଳ ଷ୍ଟେସନକୁ ସଂଯୋଗ କରୁଥିବା ରାସ୍ତାରେ ଏକ ଛୋଟ ଝିଅର ମୃତଦେହ ମିଳିଛି। ସଙ୍ଗେ ସଙ୍ଗେ ପୁଲିସ ଗାଡ଼ି ଘଟଣାସ୍ଥଳରେ ପହଞ୍ଚି ଘଟଣାର ତଦନ୍ତ ଆରମ୍ଭ କରିଥିଲା। ମୃତଦେହଟି ଦୁଇ ବର୍ଷର ଶିଶୁକନ୍ୟାର ଥିଲା, ଯାହାକୁ ଗଳା ଚିପି ହତ୍ୟା କରାଯାଇଥିଲା। ଖାଲି ସେତିକି ନୁହେଁ, ଶବ ବ୍ୟବଚ୍ଛେଦ ରିପୋର୍ଟରୁ ଜଣାପଡିଛି ଯେ ନିରୀହଙ୍କୁ ଗଳା ଚିପିବା ପୂର୍ବରୁ ତାଙ୍କ ମୁଣ୍ଡରେ ଏକ ଭାରି ଜିନିଷ ମଧ୍ୟ ମାଡ଼ ହୋଇଥିଲା।
ମାମଲା ଟି ଅତ୍ୟନ୍ତ ଗମ୍ଭୀର ଥିଲା । ତୁରନ୍ତ ପୁଲିସ ଟିମ୍ ଗଠନ କରି କୁନି ଶିଶୁଟିକୁ ଚିହ୍ନଟ କରିବା ସହ ହତ୍ୟାକାରୀଙ୍କୁ ଖୋଜିଥିଲା। ଆଖପାଖରେ ଥିବା ଲୋକଙ୍କୁ ପଚରାଉଚରା କରାଯାଉଥିଲେ ମଧ୍ୟ କୌଣସି ସୁରାକ ମିଳିନଥିଲା। ମୃତଦେହଟି ଜଣେ ଦୁଇ ବର୍ଷର ଝିଅର ହୋଇଥିବାରୁ ତାକୁ ଚିହ୍ନିବା ସବୁଠାରୁ ବଡ଼ ଚ୍ୟାଲେଞ୍ଜ ଥିଲା। ଏବେ ପୁଲିସ ଉକ୍ତ ଅଞ୍ଚଳର ସିସିଟିଭି କ୍ୟାମେରା ଯାଞ୍ଚ ଆରମ୍ଭ କରିଛି। କିଛି ସମୟ ଚେଷ୍ଟା କରିବା ପରେ ପୁଲିସକୁ ପ୍ରଥମ ସୁରାକ ମିଳିଥିଲା। କ୍ୟାମେରାର ଫୁଟେଜରେ ଜଣେ ପୁରୁଷ ଓ ଜଣେ ମହିଳା ହାତରେ ଶିଶୁକୁ ଧରି ଖଡ଼କି ରେଳ ଷ୍ଟେସନରୁ ଖଡକି ବଜାର ଅଭିମୁଖେ ଯାଉଥିବା ଦେଖିବାକୁ ପାଇଥିଲେ।
ଏହାପରେ ଅନ୍ୟ ଦିଗରେ ଲାଗିଥିବା ଅନ୍ୟ ଏକ ସିସିଟିଭି କ୍ୟାମେରାଫୁଟେଜରେ ଏହି ଦୁହେଁ ଖାଲି ଯାଉଥିବା ଦେଖିବାକୁ ପାଇଥିଲେ। ପୁଲିସ ପାଇଁ ଏହା ଥିଲା ସବୁଠାରୁ ବଡ଼ ସୁରାକ। ଫୁଟେଜରେ ଦେଖାଯାଉଥିବା ଏହି ପୁରୁଷ ଓ ମହିଳାମାନେ ହିଁ ପ୍ରକୃତ ଦୋଷୀ ବୋଲି ପୁଲିସ ବୁଝିଥିଲା। କିନ୍ତୁ ଉଭୟଙ୍କୁ ଚିହ୍ନଟ କରିବା ପୁଲିସ ପାଇଁ ଚ୍ୟାଲେଞ୍ଜ ପାଲଟିଥିଲା। ପଚରାଉଚରା ବେଳେ ଏହି ଦୁଇ ଜଣ ସେହି ଅଞ୍ଚଳର ବାସିନ୍ଦା ନୁହନ୍ତି ବୋଲି ଜଣାପଡ଼ିଥିଲା। ସିସିଟିଭି ଫୁଟେଜ୍ କୁ ଭଲ ଭାବେ ଦେଖିବା ପରେ ପୁଲିସକୁ ଆଉ ଏକ ଗୁରୁତ୍ୱପୂର୍ଣ୍ଣ ସୁରାକ ମିଳିଥିଲା। ଫୁଟେଜରେ ଥିବା ବ୍ୟକ୍ତି ଜଣକ ପିନ୍ଧିଥିବା ହୁଡି ପଛରେ ମରାଠୀ ଭାଷାରେ ଲେଖାଥିଲା ‘ସଂଘର୍ଷ ଗ୍ରୁପ୍, ଖିରପୁରୀ’।
ଖିରପୁରୀ ମହାରାଷ୍ଟ୍ରର ଅକୋଲା ଜିଲ୍ଲାର ବାଲାପୁର ତାଲୁକାର ଏକ ଗାଁ । ସଙ୍ଗେ ସଙ୍ଗେ ଏକ ଟିମ୍ କୁ ତଦନ୍ତ ପାଇଁ ଆକୋଲା ପୁଲିସକୁ ପଠାଯାଇଥିଲା। ଅକୋଲା ପୁଲିସ ସହ ଏହି ଟିମ୍ ତଦନ୍ତ କରି କିଛି ଚେଷ୍ଟା କରିବା ପରେ ୨୬ ବର୍ଷୀୟ ସନ୍ତୋଷ ଦେବମନ ଜାମିକଙ୍କୁ ଗିରଫ କରାଯାଇଥିଲା। ସନ୍ତୋଷ ସେହି ବ୍ୟକ୍ତି ଯିଏ କି ହୁଡି ପିନ୍ଧି କ୍ୟାମେରାରେ ନଜର ଆସିଥିଲେ । ଏହାପରେ ଫୁଟେଜରେ ଦେଖାଯାଉଥିବା ମହିଳାଙ୍କୁ ମଧ୍ୟ ଗିରଫ କରାଯାଇଥିଲା। ପୁଲିସ ପଚରାଉଚରାରେ ଏହି ୩୨ ବର୍ଷୀୟା ମହିଳା ନିଜ ଅପରାଧ ସ୍ୱୀକାର କରିବା ସହ ପୂରା କାହାଣୀ କହିଥିଲେ।
