ଆଶ୍ଚର୍ଯ୍ୟ ଲାଗୁଥିଲେ ମଧ୍ୟ ସତ, ମଣିଷଙ୍କ ପରି ପରସ୍ପର ସହ କଥା ହୁଅନ୍ତି ଛତୁ; ଜଣାନ୍ତୁ ରିସର୍ଚ୍ଚ କଣ କହୁଛି
ନୂଆଦିଲ୍ଲୀ: ମଣିଷ ମାନଙ୍କ ପରି ଗଛଲତା ମଧ୍ୟ ଜୀବନ୍ତ ଏହି କଥା ଆମେ ଆଗରୁ ଜାଣିଛୁ । କିନ୍ତୁ ଏକଥା ବହୁ କମ ଲୋକ ଜାଣିଥିବେ ଆମେମାନେ ଯେଉଁଭଳି କଥାବାର୍ତ୍ତା କରୁ ଠିକ ସେହିପରି ସେମାନେ ମଧ୍ୟ କଥାବାର୍ତ୍ତା ହୋଇଥାଆନ୍ତି । କେବଳ ଏତିକି ନୁହେଁ ଆପଣ ଜାଣିଲେ ଆଶ୍ଚର୍ଯ୍ୟ ହେବେ ଛତୁମାନେ ମଧ୍ୟ ନିଜଭିତରେ କଥାବର୍ତ୍ତା ହୋଇଥାଆନ୍ତି ।
ଏହି କାର୍ଯ୍ୟ ସେମାନେ ତାଙ୍କ ଚେର ମାଧ୍ୟମରେ କରିଥାଆନ୍ତି । ଯାହାକୁ ମାଇସେଲିୟମ କୁହାଯାଏ। ରିସର୍ଚ୍ଚରୁ ଜଣା ପଡିଛି ଯେ ଛତୁ ପାଖରେ ତାର ମସ୍ତିଷ୍କ ମଧ୍ୟ ଅଛି । ଏହା ସହିତ ଛତୁମାନେ ଅନୁଭବ ମଧ୍ୟ କରିପାରନ୍ତି ।
ଯାହା ସୂଚନା ମିଳିଛି ସେମାନେ ତାଙ୍କର ମସ୍ତିଷ୍କକୁ ଜାଗ୍ରତ ରଖିବା ପାଇଁ ଆମ ଭଳି ଆକ୍ଟିଭ ରୁହନ୍ତି । ଏହା ସହିତ ସେମାନେ ଏକ ପ୍ରକାରର ଭାଷା ମଧ୍ୟ ବ୍ୟବହାର କରନ୍ତି । ଯାହାର ସତ୍ୟାସତ ଏବେ ବୈଜ୍ଞାନିକ ପ୍ରମାଣ କରିବାକୁ ରିସର୍ଚ୍ଚ କରୁଛନ୍ତି ।
ଯଦି ଆମେ ବିଜ୍ଞାନକୁ ବିଶ୍ୱାସ କରିବା ତେବେ ସେମାନେ କଥା ବର୍ତ୍ତା ହେବା ପାଇଁ ୫୦ଟି ଶବ୍ଦର ବ୍ୟବହାର କରନ୍ତି ବୋଲି ସୂଚନା ରହିଛି । ଏହା ସହିତ ପ୍ରତିଦିନ ପ୍ରାୟ ସେମାନେ ଏଥିରୁ ୨୦ଟି ଶବ୍ଦ ବ୍ୟବହାର କରିଥାଆନ୍ତି ବୋଲି ଜଣାପଡିଛି ।
ଇଲେକ୍ଟ୍ରିକ ଇମ୍ପଲ୍ସ ଅର୍ଥାତ ବିଜୁଳି ତରଙ୍ଗ ମାଧ୍ୟମରେ ସେମାନଙ୍କ କଥା ଜଣଙ୍କ ଠାରୁ ଆଉ ଜଣଙ୍କ ପାଖରେ ପହଞ୍ଚିଥାଏ ।ଏହା ସାହାର୍ଯ୍ୟରେ ସେମାନେ ବିଭିନ୍ନ କଥା ବିଷୟରେ ଜାଣିବାକୁ ସୂଚନା ମିଳିଥାଏ ।
ତେବେ ଏହି କଥାକୁ ନେଇ ବୈଜ୍ଞାନିକ କିଛି ସେଭଳି ଠୋସ ଦାବି କରି ନାହାନ୍ତି । କିନ୍ତୁ ଛତୁ ମାନେ ଏହି ଭଳି କିଛି କାର୍ଯ୍ୟକଳାପ କରନ୍ତି ଯାହା ବିଷୟରେ ମଣିଷମାନେ ମଧ୍ୟ ନିହାତି ଭାବରେ ଜାଣିବା ଆବଶ୍ୟକ । ଆଉ ଏହି ଘଟଣା ଉପରେ ମଧ୍ୟ ବୈଜ୍ଞାନିକ ମାନେ ମଧ୍ୟ ତାଙ୍କ ରିସର୍ଚ୍ଚ ଆରମ୍ଭ କରିଦେଇଛନ୍ତି ।
