(Video)ମୋଦୀ ହିନ୍ଦୁ ନୁହଁନ୍ତି, ଯେତେବେଳେ ତାଙ୍କ ମା’ଙ୍କ ଦେହାନ୍ତ ହୋଇଥିଲା ସେ…: ଆରଜେଡି ଅଧ୍ୟକ୍ଷ ଲାଲୁ ଯାଦବ
ପାଟନା: ‘ମୋଦୀ କୋଇ ଚିଜ୍ ହୈ କ୍ୟା…. । ଆଜିକାଲି ପରିବାରବାଦକୁ ନେଇ ମୋଦୀ ହମଲା କରୁଛନ୍ତି । ପରିବାର ପାଇଁ ଲୋକେ ଲଢୁଛନ୍ତି ବୋଲି କହୁଛନ୍ତି। ହେଲେ ଆପଣଙ୍କ ପାଖରେ ପରିବାର ନାହିଁ । ଆଉ ମୋଦୀଜୀ ଆପଣ ହିନ୍ଦୁ ବି ନୁହନ୍ତି। ଯେତେବେଳେ ଆପଣଙ୍କ ମାଆଙ୍କ ଦେହାନ୍ତ ହେଲା । ହିନ୍ଦୁ ପରମ୍ପରା ଅନୁସାରେ ମାଆ ପାଇଁ କେଶ ଓ ଧାଡି କାଟିବା କଥା, ହେଲେ ଆପଣ କରିଛନ୍ତି କି? ରାମ-ରହିମଙ୍କ ଅନୁଗାମୀ ଦେଶରେ ଘୃଣା ଭାବ ସୃଷ୍ଟି କରୁଛନ୍ତି ।’ ଆଜି ସଭାରେ ଏଭଳି କିଛି କହି ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀଙ୍କୁ କଡା ସମାଲୋଚନା କରିଛନ୍ତି ଆରଜେଡି ଅଧ୍ୟକ୍ଷ ତଥା ପୂର୍ବତନ ବିହାର ମୁଖ୍ୟମନ୍ତ୍ରୀ ଲାଲୁ ପ୍ରସାଦ ଯାଦବ।
ତେବେ ଆଗକୁ ଲୋକସଭା ନିର୍ବାଚନ ଥିବା ବେଳେ ବର୍ତ୍ତମାନ ସରଗରମ ହୋଇଛି ବିହାର ରାଜନୀତି। ଆଉ ଏଥିରେ ନିଜେ ମୈଦାନକୁ ଆସିଛନ୍ତି ଆରଜେଡି ଅଧ୍ୟକ୍ଷ ଲାଲୁ ଯାଦବ। ବିହାର ମେଣ୍ଟ ଭାଙ୍ଗିବା ପରେ ସେ ପ୍ରଥମ ଥର ପାଇଁ ବିରୋଧୀଙ୍କ ଉପରେ ଆକ୍ରମଣ କରିଥିବା ଦେଖିବାକୁ ମିଳିଛି। ତେବେ ପ୍ରଧାନମନ୍ତ୍ରୀ ମୋଦୀ ଓ ମେଣ୍ଟ ଭାଙ୍ଗି ଏନଡିଏରେ ସାମିଲ ହୋଇଥିବା ଜେଡିୟୁ ସଭାପତି ତଥା ମୁଖ୍ୟମନ୍ତ୍ରୀ ନୀତୀଶ କୁମାରଙ୍କୁ ସେ କଡାରୁ କଡା ସମାଲୋଚନା କରିଛନ୍ତି। ନୀତୀଶ କୁମାର ‘ପଲଟୁରାମ’ ବୋଲି କହି କଟାକ୍ଷ କରିଛନ୍ତି ଲାଲୁ। ତେବେ ସେ କହିଛନ୍ତି, ଯେ ‘ମୁଁ ନୀତୀଶ କୁମାରଙ୍କୁ କେବେ କୌଣସି ଗାଳି, ଗୁଲଜ କରିନାହିଁ । ପ୍ରଥମେ ଯେବେ ସେ ଆମ ସହ ମେଣ୍ଟ ଭାଙ୍ଗି ଥିଲେ, ମୁଁ ଗାଳି ଦେଇ ନଥିଲି କେବଳ ପଲଟୁରାମ କହିଥିଲି। ତାଙ୍କୁ ଆରଜେଡି ସହ ମେଣ୍ଟ ଭାଙ୍ଗିବାର ନଥିଲା। ସେ ଦ୍ୱିତୀୟ ଥର ବଦଳି ଗଲେ ଓ ମୋଦୀଙ୍କ ପାଦ ତଳକୁ ଚାଲିଗଲେ ବୋଲି ନୀତିଶଙ୍କୁ କଟାକ୍ଷ କରି କହିଛନ୍ତି।
ସୂଚନା ଥାଉକି, ବିହାର ରାଜଧାନୀ ପାଟନାରେ ଇଣ୍ଡିଆ ମେଣ୍ଟର ରାଲି ଜାରି ରହିଛି। ଏଥିରେ ଆରଜେଡି ଅଧ୍ୟକ୍ଷ ତଥା ପୂର୍ବତନ ମୁଖ୍ୟମନ୍ତ୍ରୀ ଲାଲୁ ପ୍ରସାଦ ଯାଦବ ସାମିଲ ହୋଇ ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀ ଏବଂ ବିହାର ମୁଖ୍ୟମନ୍ତ୍ରୀ ନୀତୀଶ କୁମାରଙ୍କୁ ଟାର୍ଗେଟ କରିଛନ୍ତି। ପ୍ରଧାନମନ୍ତ୍ରୀଙ୍କୁ ସମାଲୋଚନା କରି ସେ ହିନ୍ଦୁ ନୁହଁନ୍ତି ବୋଲି କହିଛନ୍ତି ଲାଲୁ । ସେହିପରି ନୀତୀଶ କୁମାରଙ୍କୁ ପଲଟୁରାମ କହି ସମାଲୋଚନା କରିଛନ୍ତି।
नरेंद्र मोदी पहले खुद हिन्दू बने और तब हिन्दू धर्म के नाम पर ढोंगी राजनीति की दुकान खोले!
हिन्दू लोग अपने परिचितों के निधन पर भी बाल-दाढ़ी कटवाते हैं पर नरेंद्र मोदी ने अपनी माताजी के निधन पर भी यह नहीं किया!
ऐसा भावना-शून्य स्व-केंद्रित आत्ममुग्ध भी कोई कहीं हिन्दू होता है भला? pic.twitter.com/xJ8puskqJK— युवा राजद (@yuva_rajad) March 3, 2024
