ନୂଆ ଏକ ଦୁନିଆ ଆବିଷ୍କାର କଲେ ନାସା ବୈଜ୍ଞାନିକ! ଦୁଇଟି ଗ୍ରହର ଧକ୍କା ପରେ ଘଟିଲା ଏଭଳି ଘଟଣା

ନୂଆଦିଲ୍ଲୀ: ପୃଥିବୀରୁ ପ୍ରାୟ ୩,୬୦୦ ପ୍ରକାଶ ବର୍ଷ ଦୂରରେ ଥିବା ଦୁଇ ବିଶାଳ ଗ୍ରହ ମଧ୍ୟରେ ଧକ୍କା ପରର ଦୃଶ୍ୟ ରେକର୍ଡ କରିଛି ନାସା । ଏଥିପାଇଁ ଆକାଶରେ ହେଉଥିବା ଗତିବିଧିକୁ ରେକର୍ଡ କରିବା ପାଇଁ ଡିଜାଇନ ହୋଇଥିବା ଅନ୍ତରୀକ୍ଷ ଯାନର ବ୍ୟବହାର କରିଛି । ଏହି ଅଦୃଶ୍ୟ ଆବିଷ୍କାରରେ ବୈଜ୍ଞାନିକମାନେ ଦୁଇଟି ବିଶାଳ ବରଫ ଗ୍ରହର ହିଂସାତ୍ମକ ମିଶ୍ରଣକୁ ଚିହ୍ନଟ କରିଛନ୍ତି । ଫଳରେ ବାଷ୍ପୀଭୂତ ପଥର ଏବଂ ପାଣିରେ ନିର୍ମିତ ଏକ ଭିନ୍ନ ଡୋନାଟ୍ ଆକୃତିର ଏକ ବାଦଲ ପ୍ରସ୍ତୁତ ହୋଇଛି ।

ତେବେ ରିପୋର୍ଟରୁ ଜାଣିବାକୁ ମିଳିଛି ଯେ, ଏହି ଘଟଣା ବାସ୍ତବିକ ସମୟରେ ଏକ ନୂଆ ଦୁନିଆର ସୃଷ୍ଟି ହେବାର ଅବସର ପ୍ରଦାନ କରିଥାଏ । ଏଭଳି ଘଟଣାରେ ପ୍ରାୟତଃ ଏକ ନୂଆ ଗ୍ରହ ନିର୍ମାଣ ହେବାର ଯଥେଷ୍ଟ ସମ୍ଭାବନା ରହିଥାଏ । ତେବେ ଜଣେ ବ୍ୟକ୍ତିଙ୍କ ଜିଜ୍ଞାସାକୁ ସନ୍ତୁଷ୍ଟ କରିବା ପାଇଁ ଏଏସଏଏସଏସଏନ-୨୧ କ୍ୟୁଜେ ନାମକ ଏକ ତାରାକୁ ନେଇ ଅଧ୍ୟନ କରୁଛନ୍ତି । ପୃଥିବୀରୁ ୩୬୦୦ ପ୍ରକାଶ ବର୍ଷ ଦୂରରେ ସ୍ଥିତ ଏହି ତାରା ଏକ ନୂଆ ରୂପ ଦେଖାଇଛି । ଏହାପରେ ଅନ୍ୟ ବୈଜ୍ଞାନିକମାନେ ମଧ୍ୟ ଏଥିପ୍ରତି ଆକର୍ଷିତ ହୋଇଛନ୍ତି । ତେବେ ସମୟ ସହିତ ଏହି ତାରାର ଉଜ୍ଜ୍ୱଳତା ମଧ୍ୟ ବିକଶିତ ହୋଇଥାଏ ବୋଲି ଅଧ୍ୟୟନରୁ ଜାଣିବାକୁ ମିଳିଛି ।

ଲେଡେନ ବିଶ୍ୱବିଦ୍ୟାଳୟର ଗବେଷକ ତଥା ଅଧ୍ୟୟନର ସହ-ନେତା ମାଥ୍ୟୁ କେନୱର୍ଥୀ ଏହି ହଠାତ୍ ଆବିଷ୍କାର ବିଷୟରେ କହିଥିଲେ। ସେ କହିଛନ୍ତି, “ସୋସିଆଲ ମିଡିଆରେ ଜଣେ ଜ୍ୟୋତିର୍ବିଜ୍ଞାନ ରିପୋର୍ଟ କରିଛନ୍ତି ଯେ ଅପ୍ଟିକାଲ କ୍ଷୀଣ ହେବାର ଏକ ହଜାର ଦିନ ପୂର୍ବରୁ ତାରା ଇନଫ୍ରାରେଡ୍ ଫର୍ମରେ ଝଲସି ଉଠୁଥିଲେ। ମୁଁ ସେତେବେଳେ ଜାଣିଥିଲି ଯେ ଏହା ଏକ ଅସାଧାରଣ ଘଟଣା । ସତ କହିବାକୁ ଗଲେ ଏହି ଅନୁଭୂତି ମୋ ପାଇଁ ସମ୍ପୂର୍ଣ୍ଣ ଆଶ୍ଚର୍ୟ୍ୟଜନକ ଥିଲା। ”