ସ୍ଥଗିତ ହୋଇପାରେ ନିଟ୍ ପରୀକ୍ଷା, ମେଡିକାଲ୍ ଛାତ୍ରଛାତ୍ରୀମାନଙ୍କୁ ଦିଆଯାଇପାରେ କୋଭିଡ୍ ଡ୍ୟୁଟି
ନୂଆଦିଲ୍ଲୀ ୦୨।୦୫(ଓଡିଶା ଭାସ୍କର) : ଦେଶରୁ କରୋନା ସଙ୍କଟ ଟଳି ନଥିବା ବେଳେ ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀ ରବିବାର ସ୍ୱାସ୍ଥ୍ୟ ବିଶେଷଜ୍ଞଙ୍କ ସହ ଭର୍ଚୁଆଲ ବୈଠକ କରିଛନ୍ତି । ବୈଠକରେ ସେ ଦେଶରେ ଉପୁଜିଥିବା ଅକ୍ସିଜେନର ଅଭାବ ଏବଂ ଜରୁରୀକାଳୀନ ମେଡିସିନ୍ ବିଷୟରେ ଗୁରୁତ୍ୱପୂର୍ଣ୍ଣ ଆଲୋଚନା କରିଛନ୍ତି । ତେବେ ଏହି ବୈଠକରେ ଏମବିବିଏସ ଓ ନର୍ସିଂର ଶେଷ ବର୍ଷର ଛାତ୍ରଙ୍କୁ କୋଭିଡ୍ ଡ୍ୟୁଟିରେ ନିୟୋଜିତ କରିବାକୁ ନିଷ୍ପତି ନେଇ ପାରନ୍ତି । ଏଥିସହ ମେଡିକାଲ ପ୍ରବେଶିକା ପରୀକ୍ଷା ନିଟକୁ ମଧ୍ୟ ଘୁଞ୍ଚାଇପାରନ୍ତି । ଏହା ବ୍ୟତୀତ ଏମବିବିଏସ ଶେଷ ବର୍ଷର ପରୀକ୍ଷା ମଧ୍ୟ ଶୀଘ୍ର କରାଯାଇପାରେ । ଯଦ୍ୱାରା ଅଧିକରୁ ଅଧିକ ସ୍ୱାସ୍ଥ୍ୟକର୍ମୀ କୋଭିଡ୍ ଡ୍ୟୁଟିରେ ନିୟୋଜିତ ହୋଇ ପାରିବେ ।
Delhi: Prime Minister Narendra Modi virtually meets experts to review oxygen and medicine availability. He reviewed the human resource situation, in relation to the #COVID19 pandemic, and ways to augment it. pic.twitter.com/gKsdzLPZ00
— ANI (@ANI) May 2, 2021
Decisions may include delaying NEET and incentivizing MBBS pass-outs studying for it to join Covid duty. The decisions may also include utilizing services of final year MBBS & nursing students in Covid Duty: Govt of India Sources
— ANI (@ANI) May 2, 2021
ସୁଚନା ଅନୁଯାୟୀ, ଫାଇନାଲ ଇୟରର ଯେଉଁ ଛାତ୍ରଙ୍କୁ କୋଭିଡ୍ ଡ୍ୟୁଟିରେ ନିୟୋଜିତ କରାଯିବ, ସେମାନଙ୍କୁ ସରକାରଙ୍କ ପକ୍ଷରୁ ପ୍ରୋତ୍ସାହନ ରାଶି ମଧ୍ୟ ଦିଆଯିବ । କିନ୍ତୁ ଏ ପର୍ୟ୍ୟନ୍ତ ନିଷ୍ପତି ଉପରେ ମୋହର ଲଗାଯାଇ ନାହିଁ । ମାତ୍ର ବୈଠକରେ ହୋଇଥିବା ଆଲୋଚନା ଉପରେ ଚୂଡାନ୍ତ ନିଷ୍ପତି ଆସନ୍ତାକାଲି ନିଆଯାଇପାରେ ବୋଲି କୁହାଯାଉଛି । ଆଜି ଅନୁଷ୍ଠିତ ହୋଇଥିବା ଏହି ବୈଠକରେ ପ୍ରଧାନମନ୍ତ୍ରୀ କରୋନାର ଦ୍ୱିତୀୟ ଲହର ସଂକ୍ରାନ୍ତରେ ବିଭିନ୍ନ ଟିକା ପ୍ରସ୍ତୁତକାରୀ କମ୍ପାନୀ, ଅକ୍ସିଜେନ୍ ପ୍ରସ୍ତୁତକାରୀ କମ୍ପାନୀ, ବିଭିନ୍ନ ରାଜ୍ୟର ମୁଖ୍ୟମନ୍ତ୍ରୀ ତଥା ଅନେକ ଅଧିକାରୀ ମାନଙ୍କ ସହ ଆଲୋଚନା କରିଛନ୍ତି ।
