ଘୋଷଣା ହେବ ପିପିଲି ଉପନିର୍ବାଚନ ପାଇଁ ନୂଆ ତାରିଖ

ଭୁବନେଶ୍ୱର ୧୫ ।୪(ଓଡିଶା ଭାସ୍କର) : ପିପିଲି ବିଧାନସଭା ଉପନିର୍ବାଚନ ପାଇଁ ଜାରି ହେବ ନୂଆ ବିଜ୍ଞପ୍ତି । ନିର୍ବାଚନ ପାଇଁ ଆଉ ଥରେ ନୂତନ ତାରିଖ ଘୋଷଣା କରାଯିବ । ଏନେଇ ସୂଚନା ଦେଇଛନ୍ତି ରାଜ୍ୟ ମୁଖ୍ୟ ନିର୍ବାଚନ ଅଧିକାରୀ ସୁଶୀଲ କୁମାର ଲୋହାନୀ । ଗତ କାଲି କଂଗ୍ରେସ ପ୍ରାର୍ଥୀ ଅଜିତ୍ ମଙ୍ଗରାଜଙ୍କ ଦେହାନ୍ତ ପରେ ପିପିଲି ଉପନିର୍ବାଚନକୁ ସ୍ଥଗିତ ରଖା ଯାଇଛି ବୋଲି ସେ କହିଛନ୍ତି । ଯେବେ ନିର୍ବାଚନ କମିଶନର ନୂଆ ତାରିଖ ଘୋଷଣା କରିବେ, ତାର ୭ ଦିନ ମଧ୍ୟରେ ନାମାଙ୍କନ ପତ୍ର ଦାଖଲ ହେବ । ନିର୍ବାଚନୀ ପ୍ରଚାର ପାଇଁ କଂଗ୍ରେସ ପ୍ରାର୍ଥୀଙ୍କୁ ୧୫ ଦିନ ସମୟ ଦିଆଯିବ । କେବଳ ଜାତୀୟ କଂଗ୍ରେସ ପ୍ରର୍ଥୀ ନାମାଙ୍କନ ଦାଖଲ କରିପାରିବେ ବୋଲି ରାଜ୍ୟ ମୁଖ୍ୟ ନିର୍ବାଚନ ଅଧିକାରୀ କହିଛନ୍ତି । ପିପିଲି ବିଧାନସଭା ଉପନିର୍ବାଚନ ପାଇଁ ଯେଉଁ ତାରଖ ଘୋଷଣା କରାଯିବ ସେହି ଅନୁସାରେ ଭୋଟ ହେବବୋଲି କହିଛନ୍ତି ସୁଶୀଲ କୁମାର ଲୋହାନୀ । ସୂଚନା ଅନୁସାରେ ବୁଧବାର ପିପିଲି ଉପନିର୍ବାଚନର କଂଗ୍ରେସ ପ୍ରାର୍ଥୀ ଅଜିତ ମଙ୍ଗରାଜଙ୍କ ଦେହାନ୍ତ ହୋଇଥିଲା। କରୋନାରେ ଆକ୍ରାନ୍ତ ହୋଇ ହସ୍ପିଟାଲରେ ଚିକିତ୍ସିତ ହେଉଥିବା ଅବସ୍ଥାରେ ତାଙ୍କର ମୃତ୍ୟୁ ଘଟିଛି ।। ତାଙ୍କ ଦେହାନ୍ତ ଯୋଗୁ ପିପିଲି ଉପନିର୍ବାଚନକୁ ସ୍ଥଗିତ କରାଯାଇଛି।