ଚାଷୀମାନେ କ୍ରେଡିଟ୍ କାର୍ଡ ପାଇଁ କିପରି କରିବେ ଆବେଦନ, ଏଥିରେ ଚାଷୀଙ୍କ ପକେଟକୁ ଆସିବ କେତେ ଟଙ୍କା?

ନୂଆଦିଲ୍ଲୀ: ବଜେଟରେ ଚାଷୀଙ୍କ ପାଇଁ ଏକ ବଡ଼ ଘୋଷଣା କରିଛନ୍ତି ଅର୍ଥମନ୍ତ୍ରୀ ନିର୍ମଳା ସୀତାରମଣ । କିସାନ କ୍ରେଡିଟ୍ କାର୍ଡର ସୀମା ୫ ଲକ୍ଷ ଟଙ୍କାକୁ ବୃଦ୍ଧି କରାଯାଇଛି । ପୂର୍ବରୁ ଏହି ସୀମା କେବଳ ୩ ଲକ୍ଷ ଟଙ୍କା ଥିଲା । କେନ୍ଦ୍ର ସରକାରଙ୍କ ଦ୍ୱାରା ଦିଆଯାଇଥିବା ଏହି ଉପହାର ସହିତ ଚାଷୀମାନେ ୨ ଲକ୍ଷ ଟଙ୍କାର ଅତିରିକ୍ତ ଲାଭ ପାଇବେ । ଏହା ସହିତ, ଦେଶର ଲକ୍ଷ ଲକ୍ଷ ଚାଷୀ ଏହି ଯୋଜନାର ଲାଭ ଉଠାଇପାରିବେ ।

ଆପଣଙ୍କୁ ଜଣାଇ ଦେଉଛୁ ଯେ କିସାନ କ୍ରେଡିଟ୍ କାର୍ଡ ସହିତ, ସେଭିଂ ଆକାଉଣ୍ଟର ସୁବିଧା ମଧ୍ୟ ଉପଲବ୍ଧ । ଏହି କାର୍ଡ ପାଇଁ ଆବେଦନ କରିବାର ପ୍ରକ୍ରିୟା ବହୁତ ସହଜ ଏବଂ ଚାଷୀମାନେ ୧୫ ଦିନ ମଧ୍ୟରେ ଏହି କାର୍ଡ ପାଇପାରନ୍ତି । କିସାନ କ୍ରେଡିଟ୍ କାର୍ଡ ପାଇଁ ଆବେଦନ ପ୍ରକ୍ରିୟା କ’ଣ ଆସନ୍ତୁ ଜାଣିବା…

କିଷାନ କ୍ରେଡିଟ୍ କାର୍ଡର ଫାଇଦା:

କିସାନ କ୍ରେଡିଟ୍ କାର୍ଡ ମାଧ୍ୟମରେ ଚାଷୀମାନେ ୪ ପ୍ରତିଶତ ସୁଧ ହାରରେ ୩ ଲକ୍ଷ ଟଙ୍କା ପର୍ଯ୍ୟନ୍ତ ଋଣ ପାଉଥିଲେ । ଏବେ ୫ ଲକ୍ଷ ଟଙ୍କା ପର୍ଯ୍ୟନ୍ତ ଋଣ ଉପଲବ୍ଧ ହେବ ।
ଏହି ଯୋଜନାରେ ଚାଷୀମାନେ ସବସିଡି ମଧ୍ୟ ପାଆନ୍ତି । ଏହାର ଅର୍ଥ ଯଦି ଚାଷୀ ଠିକ୍ ସମୟରେ ଋଣ ପରିଶୋଧ କରନ୍ତି, ତେବେ ତାଙ୍କୁ ୩ ପ୍ରତିଶତ ସବସିଡି ମିଳିବ ।

ଏହିପରି ଭାବରେ ଆପଣ ଅଫଲାଇନରେ ଆବେଦନ କରିପାରିବେ:
କିସାନ କ୍ରେଡିଟ୍ କାର୍ଡ ପାଇଁ ଆବେଦନ ପ୍ରକ୍ରିୟା ବହୁତ ସରଳ । ସର୍ବପ୍ରଥମେ ଆପଣଙ୍କୁ ଆପଣଙ୍କର ନିକଟସ୍ଥ ବ୍ୟାଙ୍କ ଶାଖା ସହିତ ଯୋଗାଯୋଗ କରିବାକୁ ପଡିବ ।
କିସାନ କ୍ରେଡିଟ୍ କାର୍ଡ ପାଇଁ ବ୍ୟାଙ୍କ, ପଞ୍ଚାୟତ ଏବଂ ଜିଲ୍ଲା ପ୍ରଶାସନ ମିଳିତ ଭାବରେ କାମ କରୁଛନ୍ତି । ଚାଷୀମାନେ ୧୫ ଦିନ ମଧ୍ୟରେ କାର୍ଡ ପାଇପାରିବେ ।
ଆପଣଙ୍କୁ ବ୍ୟାଙ୍କକୁ ଯାଇ ଜଣେ ବ୍ୟାଙ୍କ କର୍ମଚାରୀଙ୍କଠାରୁ କିସାନ କ୍ରେଡିଟ୍ କାର୍ଡ ଆବେଦନ ଫର୍ମ ନେବାକୁ ପଡିବ ।
ଏଥିରେ ସମସ୍ତ ଆବଶ୍ୟକୀୟ ବିବରଣୀ ପୂରଣ କରି ଦାଖଲ କରିବାକୁ ପଡିବ ।

ଏହିପରି ଅନଲାଇନରେ ଆବେଦନ କରନ୍ତୁ:
ଆପଣଙ୍କ ପସନ୍ଦର ବ୍ୟାଙ୍କର ୱେବସାଇଟ୍ କୁ ଯାଆନ୍ତୁ ।
ହୋମ୍ ପେଜରେ କିସାନ କ୍ରେଡିଟ୍ କାର୍ଡର ବିକଳ୍ପ ନଜର ଆସିବ ।
ଏଠାରେ ଆବେଦନ କରିବା ପରେ, ଆପଣ ଏକ ନୂଆ ପେଜ୍ ଦେଖିବେ ।
ଏଠାରେ ଆପଣଙ୍କୁ ସମସ୍ତ ଆବଶ୍ୟକୀୟ ବିବରଣୀ ପୂରଣ କରିବାକୁ ପଡିବ ।
ଦାଖଲ ପରେ ଆପଣଙ୍କୁ ଆବେଦନର ରେଫରେନ୍ସ ନମ୍ବର ମିଳିବ ।
ଯଦି ଆପଣ ଏହି କାର୍ଡ ପାଇଁ ଯୋଗ୍ୟ, ତେବେ ବ୍ୟାଙ୍କ ୫ ଦିନ ମଧ୍ୟରେ ଆପଣଙ୍କ ସହିତ ଯୋଗାଯୋଗ କରିବ ।

ଏହି ଡକ୍ୟୁମେଣ୍ଟଗୁଡ଼ିକ ଆବଶ୍ୟକ:
ପାସପୋର୍ଟ ସାଇଜ୍ ଫଟୋ
ଆଧାର କାର୍ଡ
ଭୋଟର ପରିଚୟପତ୍ର
ଡ୍ରାଇଭିଂ ଲାଇସେନ୍ସ
ଚାଷୀଙ୍କ ଜମି କାଗଜପତ୍ର ।