ଡୋପ୍ ଟେଷ୍ଟରେ ବିଫଳ: ସସପେଣ୍ଡ୍ ହେଲେ ଓଡ଼ିଆ ବ୍ୟାଡ଼ମିଣ୍ଟନ ଖେଳାଳି
ଶ୍ୱେତପଣ୍ଡା ପଣ୍ଡା ଏବଂ କ୍ରିଷ୍ଣା ପ୍ରସାଦ ଗରଗଙ୍କୁ ଜାତୀୟ ଡୋପ ନିରୋଧୀ ସଂସ୍ଥା (ନାଡା) ସସପେଣ୍ଡ୍ କରିଛି
ନୂଆଦିଲ୍ଲୀ: ମହିଳା ବ୍ୟାଡ଼ମିଣ୍ଟନ ଖେଳାଳି ଶ୍ୱେତପଣ୍ଡା ପଣ୍ଡା ଏବଂ କ୍ରିଷ୍ଣା ପ୍ରସାଦ ଗରଗ ଡୋପ୍ ଟେଷ୍ଟରେ ବିଫଳ ହୋଇଛନ୍ତି। ଉଭୟଙ୍କୁ ଜାତୀୟ ଡୋପ ନିରୋଧୀ ସଂସ୍ଥା (ନାଡା) ସସପେଣ୍ଡ୍ କରିଛି। ‘ଦ ବ୍ରିଜ୍’ରେ ଏହି ରିପୋର୍ଟ ପ୍ରକାଶ ପାଇଛି।
ରିପୋର୍ଟ ଅନୁଯାୟୀ, ଗତ ବର୍ଷ ଓଡ଼ିଶା ମାଷ୍ଟର୍ସ ଟୁର୍ଣ୍ଣାମେଣ୍ଟରେ ଶ୍ୱେତପଣ୍ଡାଙ୍କ ଠାରୁ ନାଡା ନମୂନା ସଂଗ୍ରହ କରିଥିଲା । ଏଥିରେ ନିଷିଦ୍ଧ ଟର୍ବୁଟାଲାଇନ୍ ଥୁବା ପ୍ରମାଣିତ ହୋଇଛି। ଏହା ମାଂସପେଶୀ ଶକ୍ତି, ଶକ୍ତି ଏବଂ ସହନଶୀଳତା ବୃଦ୍ଧି କରିବାରେ ସାହାଯ୍ୟ କରେ। କ୍ରିଷ୍ଣା ଗତ ବର୍ଷ ଜୁଲାଇ ମାସରେ ଡୋପ୍ରେ ବିଫଳ ହୋଇଥିଲେ। ଏହାପରେ ତାଙ୍କୁ ସାମୟିକ ବାସନ୍ଦ କରାଯାଇଥିଲା। ଦ୍ୱିତୀୟ ରିପୋର୍ଟ ଆସିବା ପରେ ସେ ୪ବର୍ଷ ବାସନ୍ଦ ହୋଇଛନ୍ତି।
ପାଣ୍ଡା ଶେଷ ଥର ପାଇଁ ଗତ ସପ୍ତାହରେ ତାଙ୍କ ଭଉଣୀ ଋତପର୍ଣ୍ଣାଙ୍କ ସହ ୨୦୨୫ ଇଣ୍ଡିଆନ୍ ଓପନ୍ ସୁପର ୭୫୦ ରେ ଅଂଶଗ୍ରହଣ କରିଥିଲେ। ସେ ଜାତୀୟ ଡୋପିଂ ଆଣ୍ଟି ଏଜେନ୍ସିର ନୋଟିସ୍ ଅଫ୍ ଚାର୍ଜର ଜବାବ ପ୍ରସ୍ତୁତ କରୁଥିବା ମଧ୍ୟ ଜଣାପଡ଼ିଛି।
