ସାଧାରଣତନ୍ତ୍ର ଦିବସର ଦିନକ ପୂର୍ବରୁ ଆଖିବୁଜିଲେ ସ୍ୱାଧୀନତା ସଂଗ୍ରାମୀ, ମାତ୍ର ୧୪୫ ଟଙ୍କାରେ ୮ ଏକର ସମ୍ପତି ହୋଇଥିଲା ନିଲାମ

ନୀଳଗିରି: ବାଲେଶ୍ୱର ଜିଲ୍ଲା ନୀଳଗିରି ଦକ୍ଷିଣ ନରସିଂହପୁର ଗ୍ରାମର ସ୍ୱାଧୀନତା ସଂଗ୍ରାମୀ କେଶବ ପାଣିଗ୍ରାହୀଙ୍କ ବିୟୋଗ ଘଟିଛି । ମୃତ୍ୟୁବେଳକୁ ତାଙ୍କୁ ୯୮ ବର୍ଷ ବୟସ ହୋଇଥିଲା । ୧୯୨୭ ମସିହା ଏପ୍ରିଲ ୬ ତାରିଖଷର କେଶବଙ୍କ ଜନ୍ମ ।

ପିଲାବେଳୁ କେଶବ ମହାତ୍ମା ଗାନ୍ଧୀଙ୍କ ନୀତି ଆଦର୍ଶରେ ଅନୁପ୍ରାଣିତ ହୋଇ ସ୍ୱାଧୀନତା ସଂଗ୍ରାମରେ ସାମିଲ ହୋଇଥିଲେ । ଏକାଧିକ ଥର ଇଂରେଜ ସରକାର ତାଙ୍କୁ ବନ୍ଦୀ କରି ରଖିଥିଲେ । ବାରମ୍ବାର ସ୍ୱାଧୀନତା ସଂଗ୍ରାମର ଅଂଶ ପାଲଟିବା କାରଣରୁ ତାଙ୍କର ୮ ଏକର ଜମିକୁ ଇଂରେଜ ସରକାର ୧୪୫ ଟଙ୍କାରେ ନିଲାମ କରିନେଇଥିଲେ ।

ସ୍ୱାଧୀନତା ସଂଗ୍ରାମୀ କେଶବଙ୍କୁ ଉଭୟ ରାଜ୍ୟ ସରକାର ଏବଂ କେନ୍ଦ୍ର ସରକାରଙ୍କ ପକ୍ଷରୁ ସମ୍ମାନିତ କରାଯାଇଛି । ସେ ସବୁବେଳେ ଭାରତରେ ଦ୍ୱିତୀୟ ସ୍ୱାଧୀନତା ସଂଗ୍ରମର ଆବଶ୍ୟକତା ଥିବା କହୁଥିଲେ ।