ବର୍ଷାଙ୍କୁ ଖୋଲା ଚ୍ୟାଲେଞ୍ଜ ଦେଲେ ଅନୁଭବ, ”ଆସ LIVE ଆଲୋଚନା” କରିବା

କଟକ: ଅଭିନେତା ଅନୁଭବ ମହାନ୍ତି ଏବଂ ଅଭିନେତ୍ରୀ ବର୍ଷା ପ୍ରିୟଦର୍ଶିନୀଙ୍କ ମଧ୍ୟରେ ଛାଡପତ୍ର ହେବାର କିଛି ମାସ ପରେ ପୁଣି ବିବାଦ ଆରମ୍ଭ ହୋଇଛି। ଅନୁଭବ “ସର୍ବସାଧାରଣ LIVE ଆଲୋଚନା” ପାଇଁ ବର୍ଷାଙ୍କୁ ନିମନ୍ତ୍ରଣ ଆହ୍ୱାନ ଦେଇଛନ୍ତି।

ଉଲ୍ଲେଖଯୋଗ୍ୟ, ଉଭୟଙ୍କ ଦାମ୍ପତ୍ୟ ଜୀବନକୁ ଭିତ୍ତି କରି ବର୍ଷାଙ୍କ ଅଭିନୀତ ଓଲିଉଡ ଚଳଚ୍ଚିତ୍ର ‘ୱାଇଫ’ରେ ଚିତ୍ରଣ କରାଯାଇଛି ବୋଲି ଦାବି କରାଯାଉଛି। ଏଥିରେ ମିଥ୍ୟା ଅଭିଯୋଗର ଚିତ୍ରଣ କରିଥିବା ଅନୁଭବ ଅଭିଯୋଗ କରିଛନ୍ତି।

ଫେସବୁକରେ ଏକ ପୋଷ୍ଟ କରି ଅନୁଭବି ଲେଖିଛନ୍ତି, “ମୁଁ ଶାନ୍ତିପୂର୍ଣ୍ଣ ଏବଂ ସର୍ବସାଧାରଣରେ ଆଲୋଚନା ପାଇଁ ମିସ୍ ବର୍ଷା ପ୍ରିୟଦର୍ଶିନୀଙ୍କୁ ଏକ ଆନ୍ତରିକ ଏବଂ ଖୋଲା ନିମନ୍ତ୍ରଣ କରୁଛି। ମୁଁ ଏକ ବର୍ଷରୁ ଅଧିକ ସମୟ ପୂର୍ବରୁ ଛାଡପତ୍ର ମାମଲାରେ ଜିତି ସାରିଛି। ଦୁହିଁଙ୍କ ମଧ୍ୟରେ କୌଣସି ଯୌନ ସଂପର୍କ ନ ଥିଲା,ଯେଉଁଥିପାଇଁ ତୁମେ କେବେ ଅନୁମତି ଦେଇ ନ ଥିଲ, ଫଳସ୍ୱରୂପ ଆମର ବୈବାହିକ ଜୀବନ ଶେଷ ହୋଇସାରିଛି। କିନ୍ତୁ ମୁଁ ବିଶ୍ୱାସ କରେ ଏହି ପ୍ଲାଟଫର୍ମ ସମସ୍ତ ସନ୍ଦେହର ସମାଧାନ ଏବଂ ସ୍ପଷ୍ଟ କରିବାକୁ ଏକ ସୁଯୋଗ ପ୍ରଦାନ କରିବ। ଆମର ଦୁର୍ଭାଗ୍ୟଜନକ ବୈବାହିକ ମତଭେଦ କିମ୍ବା ଛାଡପତ୍ର ସମ୍ବନ୍ଧୀୟ ପ୍ରଶ୍ନ ଆପଣଙ୍କୁ ଚଳଚ୍ଚିତ୍ର ମାଧ୍ୟମରେ ମିଥ୍ୟା ଅଭିଯୋଗର ଚିତ୍ର କରିବାକୁ ପଡିବ ନାହିଁ।

“ବାରମ୍ବାର ଆମର ସମ୍ପର୍କକୁ ସାମାନ୍ୟ ସମ୍ମାନ ଦେଉଥିବା କହି ଏହାକୁ ବିଷୟରେ ବାରମ୍ବାର ପରିହାସ କରିବା ପରିବର୍ତ୍ତେ, ଆସ ଏହି ପ୍ରସଙ୍ଗକୁ ଶାନ୍ତିପୂର୍ଣ୍ଣ ଭାବରେ ସାମ୍ନା କରିବା ଏବଂ ଏହି ଅଧ୍ୟାୟକୁ ସବୁଦିନ ପାଇଁ ବନ୍ଦ କରିବା। ଏହା ଆମ ସମର୍ଥକ ତଥା ଶୁଭେଛୁମାନଙ୍କୁ ସୁନିଶ୍ଚିତ କରି ଆମ ନିଜ ପକ୍ଷ ପାଇଁ ପ୍ରମାଣ ଏବଂ ବ୍ୟାଖ୍ୟା ପ୍ରଦାନ କରିବାକୁ ଅନୁମତି ଦେବ। ଏହି ଆଲୋଚନା ପାଇଁ ଆପଣ ନିଜ ପସନ୍ଦର ଚ୍ୟାନେଲ ଏବଂ ଫର୍ମାଟ୍ ବାଛିବା ପାଇଁ ଆପଣଙ୍କୁ ସ୍ୱାଧୀନତା ଦେଉଛି ଏବଂ ମୁଁ ସମ୍ପୂର୍ଣ୍ଣ ସଚ୍ଚୋଟତା ସହିତ ଏହି ଆହ୍ୱାନର ସମ୍ମୁଖୀନ ହେବାକୁ ପ୍ରସ୍ତୁତ ଅଛି।

ତେବେ ଅନୁଭବଙ୍କର ଏହି ଆହ୍ୱାନ ଉପରେ ବର୍ଷା ଏପର୍ଯ୍ୟନ୍ତ କୌଣସି ମନ୍ତବ୍ୟ ଦେଇନାହାଁନ୍ତି।