OSSC ପକ୍ଷରୁ ଶିଡ୍ୟୁଲ ଜାରି ହେଲା: ନଭେମ୍ବର ୮ରୁ ଆରମ୍ଭ ହେବ CGLRE-2023 ସାର୍ଟିଫିକେଟ୍ ଯାଞ୍ଚ

ଭୁବନେଶ୍ୱର(ଓଡ଼ିଶା ଭାସ୍କର): ମିଳିତ ସ୍ନାତକ ସ୍ତରୀୟ ନିଯୁକ୍ତି ପରୀକ୍ଷା (ସିଜିଏଲଆରଇ)- ୨୦୨୩କୁ ନେଇ ଆସିଛି ଏକ ବଡ଼ ଖବର । ଆସନ୍ତା ୮ ତାରିଖରୁ ୧୧ ତାରିଖ ପର୍ଯ୍ୟନ୍ତ ସିଜିଏଲଆରଇ-୨୦୨୩ର ସାର୍ଟିଫିକେଟ ଯାଞ୍ଚ ହେବ । ସାର୍ଟିଫିକେଟ ଯାଞ୍ଚର ଶିଡ୍ୟୁଲ ନେଇ ଓଡ଼ିଶା କର୍ମଚାରୀ ଚୟନ ଆୟୋଗ (ଓଏସଏସସି) ୱେବସାଇଟରେ ଜାରି କରାଯାଇଛି । ପ୍ରାର୍ଥୀମାନେ ଆସନ୍ତା ୪ ତାରିଖ ପରଠାରୁ ନିଜ ନିଜର ଆଡମିଟ୍ କାର୍ଡ ଅଫିସିଆଲ ୱେବସାଇଟରୁ ଡାଉନଲୋଡ୍ କରିପାରିବେ । ସାର୍ଟିଫିକେଟ ଯାଞ୍ଚ ସମୟରେ ଯେଉଁ ପ୍ରାର୍ଥୀମାନେ ଅନୁପସ୍ଥିତ ରହିବେ ସେମାନଙ୍କର ପ୍ରାର୍ଥୀତ୍ୱକୁ ଚୟନ ପାଇଁ ଗ୍ରହଣ କରାଯିବ ନାହିଁ । ନିୟମିତ ଭାବେ ଅଫିସିଆଲ ୱେବସାଇଟ୍ ପରିଦର୍ଶନ କରିବାକୁ ପ୍ରାର୍ଥୀଙ୍କୁ ପରାମର୍ଶ ଦିଆଯାଇଛି ।