ଆଜି ୩ଟି ଜିଲ୍ଲାରେ ଆମ ଓଡ଼ିଶା ନବୀନ ଓଡ଼ିଶା ଯୋଜନାର ହେବ ଶୁଭାରମ୍ଭ; ଜାଣନ୍ତୁ କେଉଁ ଜିଲ୍ଲାକୁ କେତେ ଭେଟି ମିଳିବ?
ଓଡିଶା ଭାସ୍କର; ଆମ ଓଡ଼ିଶା ନବୀନ ଓଡ଼ିଶା ଯୋଜନାରେ ଆଜି ତିନିଟି ଜିଲ୍ଲାକୁ ସାମିଲ କରାଯିବ । ଏଥିରେ ମୟୂରଭଞ୍ଜ, ସମ୍ବଲପୁର ଓ ମାଲକାନଗିରି ଜିଲ୍ଲା ରହିଥିବା ନେଇ ରାଜ୍ୟ ସରକାରଙ୍କ ପକ୍ଷରୁ ସୂଚନା ଦିଆଯାଇଛି । ଏହି ସମସ୍ତ ଜିଲ୍ଲାରେ ଯୋଜନାର ଶୁଭାରମ୍ଭ କରାଯାଇ ବିଭିନ୍ନ ଉନ୍ନୟନମୂଳକ ପ୍ରକଳ୍ପର ଶୁଭାରମ୍ଭ କରାଯିବାର ଆଜି କାର୍ୟ୍ୟକ୍ରମ ରହିଛି । ଆଭାସୀ ଜରିଆରେ ଏହି ତିନିଟି ଜିଲ୍ଲାର ବିଭିନ୍ନ ଉନ୍ନୟନମୂଳକ ପ୍ରକଳ୍ପର ଶୁଭାରମ୍ଭ କରିବେ ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ । ତେବେ ସମସ୍ତ ଜିଲ୍ଲାର ବିକାଶ ପାଇଁ ବହୁ ବ୍ୟବ ବରାଦ କରାଯାଇଥିବା ଦେଖିବାକୁ ମିଳିଛି । କେଉଁ ଜିଲ୍ଲାକୁ କେତେ ଟଙ୍କା ମିଳିବ ସେନେଇ ମଧ୍ୟ ରାଜ୍ୟ ସରକାରଙ୍କ ପକ୍ଷରୁ ସୂଚନା ଦିଆଯାଇଛି ।
ଆମ ଓଡ଼ିଶା ନବୀନ ଓଡ଼ିଶା ଯୋଜନା ମାଧ୍ୟମରେ ମୟୂରଭଞ୍ଜ ଜିଲ୍ଲାର ଯଶିପୁର, କରଞ୍ଜିଆ, ସାରସକଣା ଓ ରାଇରଙ୍ଗପୁର ନିର୍ବାଚନମଣ୍ଡଳୀରେ ୯୦ କୋଟି ୫୦ ଲକ୍ଷ ଟଙ୍କା ବ୍ୟୟ କରାଯିବ । ଯେଉଁଥିରେ ରାଜ୍ୟ ସରକାରଙ୍କ ପକ୍ଷରୁ ୨ ହଜାର ୪୨୭ଟି ବିଭିନ୍ନ ଉନ୍ନୟନମୂଳକ ପ୍ରକଳ୍ପ ଯୋଗାଇ ଦିଆଯିବ । ସେହିପରି ସମ୍ବଲପୁର ଜିଲ୍ଲାରେ ୬୯ କୋଟି ଟଙ୍କା ବ୍ୟୟରେ ୧ ହଜାର ୮୦୧ ଏବଂ ମାଲକାନଗିରି ଜିଲ୍ଲାରେ ୫୫ କୋଟି ୫୦ ଲକ୍ଷ ଟଙ୍କା ବ୍ୟୟରେ ୧ ହଜାର ୪୩୦ଟି ବିଭିନ୍ନ ଉନ୍ନୟନମୂଳକ ପ୍ରକଳ୍ପ ସରକାରଙ୍କ ପକ୍ଷରୁ ଯୋଗାଇ ଦିଆଯିବ ।
ସୂଚନା ଥାଉକି, ଅକ୍ଟୋବର ୧୦ ତାରିଖରେ ‘ଆମ ଓଡିଶା ନବୀନ ଓଡିଶା’ ଯୋଜନା ଆରମ୍ଭ ହୋଇଛି। ସାରା ରାଜ୍ୟରେ ଆମ ଓଡିଶା ନବୀନ ଓଡିଶା କାର୍ୟ୍ୟକ୍ରମ ପାଇଁ ୩ ହଜାର ୩୯୭ କୋଟି ଟଙ୍କା ଖର୍ଚ୍ଚ ହେବ । ଏହି ଯୋଜନାରେ ରାଜ୍ୟର ୬ ହଜାର ୭୯୪ଟି ପଞ୍ଚାୟତ ସାମିଲ ହେବେ । ମୋଟ ୯୦ ହଜାର ୭୨୩ଟି ପ୍ରକଳ୍ପ କାର୍ୟ୍ୟକାରୀ ହେବ । ଏହି ଯୋଜନାରେ ପ୍ରତି ପଞ୍ଚାୟତକୁ ୫୦ ଲକ୍ଷ ଟଙ୍କା ଲେଖାଏଁ ମିଳିବ ବୋଲି ସୂଚନା ରହିଛି ।
ଆଜି କେଉଁ ଜିଲ୍ଲାକୁ କେତେ ମିଳିବ?
- ମୟୂରଭଞ୍ଜକୁ ମିଳିବ;- ୯୦ କୋଟି ୫୦ ଲକ୍ଷ ଟଙ୍କା
- ସମ୍ବଲପୁରକୁ ମିଳିବ;- ୬୯ କୋଟି ଟଙ୍କା
- ମାଲକାନଗିରିକୁ ମିଳିବ;- ୫୫ କୋଟି ୫୦ ଲକ୍ଷ ଟଙ୍କା
ମାନ୍ୟବର ମୁଖ୍ୟମନ୍ତ୍ରୀ ଶ୍ରୀ ନବୀନ ପଟ୍ଟନାୟକ ଆଜି "ଆମ ଓଡିଶା, ନବୀନ ଓଡିଶା" କାର୍ଯ୍ୟକ୍ରମରେ ମୟୁରଭଞ୍ଜ ଜିଲ୍ଲାରେ ୯୦.୫୦ କୋଟି ଟଙ୍କା ବ୍ୟୟରେ ୨,୪୨୭ ପ୍ରକଳ୍ପ, ସମ୍ବଲପୁର ଜିଲ୍ଲାରେ ୬୯ କୋଟି ଟଙ୍କାରେ ୧,୮୦୧ ପ୍ରକଳ୍ପ ଏବଂ ମାଲକାନଗିରି ଜିଲ୍ଲାରେ ୫୫.୫୦ କୋଟି ଟଙ୍କା ବ୍ୟୟରେ ୧,୪୩୦ ଗୋଟି ପ୍ରକଳ୍ପର ଶୁଭାରମ୍ଭ କରିବେ।… pic.twitter.com/Fjx9f3KDPd
— I & PR Department, Odisha (@IPR_Odisha) November 4, 2023
