Ind Vs Pak Final: ପାକିସ୍ତାନ କ୍ୟାପ୍ଟେନଙ୍କ ଭାରତକୁ ଓପନ୍ ଚ୍ୟାଲେଞ୍ଜ୍, ଫାଇନାଲ୍ ପୂର୍ବରୁ କହିଲେ ଏହି ବଡ଼ କଥା…

ନୂଆଦିଲ୍ଲୀ: ଦୁବାଇରେ ଖେଳାଯାଇଥିବା ଏସିଆ କପ୍ 2025ର ସୁପର 4 ମ୍ୟାଚରେ, ପାକିସ୍ତାନ ବାଂଲାଦେଶକୁ ଏକ ରୋମାଞ୍ଚକର 11 ରନରେ ପରାସ୍ତ କରି ଫାଇନାଲରେ ଏଣ୍ଟ୍ରି କରିଛି। ଏହି ବିଜୟ ସହିତ, ଏହା ନିଶ୍ଚିତ ଯେ ଭାରତ ଏବଂ ପାକିସ୍ତାନ ସେପ୍ଟେମ୍ବର 28 ତାରିଖରେ ଏସିଆ କପ୍ ଫାଇନାଲରେ ପରସ୍ପରର ମୁହାଁମୁହିଁ ହେବେ।

ତେବେ ବଡ଼ କଥା ହେଉଛି, ବିଜୟ ପରେ, ପାକିସ୍ତାନ ଅଧିନାୟକ ସଲମାନ ଅଲି ଆଗାଙ୍କ ଭାଉ ବଢିଯାଇଛି । ସେ ଭାରତକୁ ଓପନ ଚ୍ୟାଲେଞ୍ଜ କରିଛନ୍ତି ।ସେ କହିଲେ ଯେ ତାଙ୍କ ଦଳ ଯେକୌଣସିକୁ ଟିମକୁ ପରାସ୍ତ କରିବାକୁ ସକ୍ଷମ । ଏପରିକି ଭାରତକୁ ମଧ୍ୟ।

ସଲମାନଙ୍କ ବଡ଼ ବୟାନ

ମ୍ୟାଚ୍ ପରବର୍ତ୍ତୀ ସାମ୍ବାଦିକ ସମ୍ମିଳନୀରେ ସଲମାନ ଅଲି ଆଗା କହିଥିଲେ, “ଯଦି ଆମେ ଏହିପରି ମ୍ୟାଚ୍ ଜିତିପାରୁଛୁ, ତେବେ ଆମେ ବହୁତ ସ୍ପେଶାଲ ଟିମ । ଆମ ଦଳର ପ୍ରତ୍ୟେକ ଖେଳାଳି ଅସାଧାରଣ ଭାବରେ ଭଲ ଖେଳିଥିଲେ। ତଥାପି, ଆମକୁ ଆମର ବ୍ୟାଟିଂରେ ଉନ୍ନତି ଆଣିବାକୁ ପଡିବ, ଏବଂ ଆମକୁ ଏହା ଉପରେ ଧ୍ୟାନ ଦେବାକୁ ପଡ଼ିବ। ଆମେ ଜାଣିଛୁ ଯେ ଫାଇନାଲରେ ଆମକୁ କ’ଣ କରିବାକୁ ପଡିବ ଏବଂ ଆମେ ରବିବାର ଆମର ସର୍ବୋତ୍ତମ ପ୍ରଦର୍ଶନ କରିବୁ।”

ସଲମାନ ଏହା ମଧ୍ୟ କହିଛନ୍ତି, “ଆମ ଦଳର ଆତ୍ମବିଶ୍ୱାସ ଆମକୁ ଯେକୌଣସି ଦଳକୁ ଚ୍ୟାଲେଞ୍ଜ କରିବାର ଅଧିକାର ଦିଏ। ଆମେ ଭାରତ ଭଳି ଶକ୍ତିଶାଳୀ ଦଳ ବିରୁଦ୍ଧରେ ମଧ୍ୟ ଆମର ସର୍ବୋତ୍ତମ ପ୍ରଦର୍ଶନ କରିବୁ।”

ଶାହିନ ଆଫ୍ରିଦିଙ୍କ ପ୍ରଶଂସା

ପାକିସ୍ତାନର ବୋଲିଂ ସେମାନଙ୍କ ବିଜୟରେ ପ୍ରମୁଖ ଭୂମିକା ଗ୍ରହଣ କରିଥିଲା। ବିଶେଷକରି ଶାହିନ ଶାହ ଆଫ୍ରିଦି ଚମତ୍କାର ପ୍ରଦର୍ଶନ କରିଥିଲେ ଏବଂ ପ୍ଲେୟାର ଅଫ୍ ଦି ମ୍ୟାଚ୍ ପୁରସ୍କାର ଜିତିଥିଲେ। ଅଧିନାୟକ ସଲମାନ କହିଥିଲେ, “ଶାହିନ ଜଣେ ସ୍ୱତନ୍ତ୍ର ଖେଳାଳି। ସେ ଦଳକୁ ଯାହା ଆବଶ୍ୟକ ତାହା ଯୋଗାଇଥିଲେ। ଆମେ ଆରମ୍ଭରୁ ବଲ୍ ସହିତ ଭଲ ଚାପ ସୃଷ୍ଟି କରିପାରିଥିଲୁ, ଯାହା କାରଣରୁ ଆମେ ମ୍ୟାଚ୍ ଜିତିଥିଲୁ।”

ବାଂଲାଦେଶର ପରାଜୟର କାରଣ

ଅନ୍ୟପକ୍ଷରେ, ବାଂଲାଦେଶର ଷ୍ଟାଣ୍ଡ-ଇନ୍ ଅଧିନାୟକ ଜକର ଅଲି ପରାଜୟ ପାଇଁ ତାଙ୍କ ଦଳର ବ୍ୟାଟିଂକୁ ଦାୟୀ କରିଥିଲେ। ସେ କହିଛନ୍ତି, “ଗତ ଦୁଇଟି ମ୍ୟାଚ୍‌ରେ ଆମର ବ୍ୟାଟିଂ ଦୁର୍ବଳ ରହିଛି। ବୋଲିଂ ଭଲ ଥିଲେ ମଧ୍ୟ ବ୍ୟାଟିଂ ଆମକୁ ମ୍ୟାଚ୍‌ ହାରିବାକୁ ବାଧ୍ୟ କରିଥିଲା।”

ଫାଇନାଲ୍‌ର ଉତ୍ସାହ

ଏସିଆ କପ୍‌ 2025ର ଫାଇନାଲ୍‌ ଏବେ ଏକ ଅତ୍ୟନ୍ତ ପ୍ରତୀକ୍ଷିତ ମ୍ୟାଚ୍‌ ହୋଇଗଲାଣି। ଏହା ଭାରତ ଏବଂ ପାକିସ୍ତାନ ମଧ୍ୟରେ ତୃତୀୟ ମୁକାବିଲା ହେବ। ପୂର୍ବରୁ ଦୁଇ ଦଳ ଗ୍ରୁପ୍‌ ପର୍ଯ୍ୟାୟ ଏବଂ ସୁପର୍‌ ଫୋର୍‌ରେ ପରସ୍ପରର ମୁହାଁମୁହିଁ ହୋଇଥିଲେ, ପାକିସ୍ତାନ ଉଭୟ ମ୍ୟାଚ୍‌ରେ ପରାସ୍ତ ହୋଇଥିଲା। ଏବେ, ଫାଇନାଲ୍‌ରେ, ଉଭୟ ଦଳ ସବୁକିଛି ବାଜି ଲଗାଇବେ, ଏବଂ ଏହି ମ୍ୟାଚ୍‌ କ୍ରିକେଟ୍‌ ପ୍ରେମୀଙ୍କ ପାଇଁ ସ୍ମରଣୀୟ ହେବ।