Pahalgam Attack: ପାକିସ୍ତାନର ପର୍ଦ୍ଦାଫାସ…ଅପରେସନ ମହାଦେବରେ ନିହତ ଆତଙ୍କବାଦୀର ଅନ୍ତିମ ସଂସ୍କାର ଖୋଲିଲା ରାଜ୍
ଏବେ କେଉଁଠି ମୁହଁ ଲୁଚାଇବ ପାକିସ୍ତାନ । ପହଲଗାମ ଆକ୍ରମଣର ହେଲା ବଡ଼ ଖୁଲାସା । ପହଲଗାମ ଆକ୍ରମଣରେ ପାକିସ୍ତାନର ହାତ ଥିଲା ନେଇ ପ୍ରମାଣିତ ହୋଇଛି ।
ନୂଆଦିଲ୍ଲୀ: ଏବେ କେଉଁଠି ମୁହଁ ଲୁଚାଇବ ପାକିସ୍ତାନ । ପହଲଗାମ ଆକ୍ରମଣର ହେଲା ବଡ଼ ଖୁଲାସା । ଅପରେସନ ମହାଦେବରେ ନିହତ ଆତଙ୍କବାଦୀଙ୍କ ଅନ୍ତିମ ସଂସ୍କାର ଖୋଲିଲା ଗୁମର । ପହଲଗାମ ଆକ୍ରମଣରେ ପାକିସ୍ତାନର ହାତ ଥିଲା ନେଇ ପ୍ରମାଣିତ ହୋଇଛି ।
ଜମ୍ମୁ ଏବଂ କାଶ୍ମୀରରେ ଅପରେସନ ମହାଦେବ ଅଧୀନରେ ନିହତ ଆତଙ୍କବାଦୀଙ୍କ ମଧ୍ୟରୁ ଜଣେ, ଯାହାଙ୍କର ନାମ ତାହିର ହବିବ, ତାଙ୍କର ‘ଜନାଜା-ଗୈବ (ଯାହାକୁ କାହାର ଅନୁପସ୍ଥିତିରେ ଅନ୍ତିମ ସଂସ୍କାର କୁହାଯାଏ)‘ ପାକ୍ ଅଧିକୃତ କାଶ୍ମୀରରେ ଥିବା ଗାଁରେ କରାଯାଇଥିଲା ।ଏହି ଘଟଣା ଦ୍ୱିତୀୟ ଥର ପାଇଁ ନିଶ୍ଚିତ କରିଛି ଯେ, ଏପ୍ରିଲ 22 ର ପହଲଗାମ ଆତଙ୍କବାଦୀ ଘଟଣାରେ ପାକିସ୍ତାନୀ ଆତଙ୍କବାଦୀମାନେ ସାମିଲ ଥିଲେ ।ଯେଉଁଥିରେ 26 ଜଣ ସାଧାରଣ ନାଗରିକ ପ୍ରାଣ ହରାଇଥିଲେ।
ପୋଷ୍ଟ ହୋଇଥିବା ଏକ ଭିଡିଓ ଏବଂ ଫଟୋରେ ପାକିସ୍ତାନୀ ସୈନିକ ଏବଂ ପାକିସ୍ତାନର ଲସ୍କର-ଏ-ତୈବା ଆତଙ୍କବାଦୀ ଶେଷ ପ୍ରାର୍ଥନା ପାଇଁ ଏକାଠି ହେଉଥିବା ଦେଖାଯାଇଛି। କିନ୍ତୁ ତାହିରଙ୍କ ଅନ୍ତିମ ସଂସ୍କାର ଏକ ଅପ୍ରତ୍ୟାଶିତ ମୋଡ଼ ନେଇଥିଲା, ଯେତେବେଳେ ସ୍ଥାନୀୟ ଲସ୍କର କମାଣ୍ଡର ରିଜୱାନ ହନିଫ ଏଥିରେ ଯୋଗ ଦେବାକୁ ଚେଷ୍ଟା କରିଥିଲେ।
ତାହିରଙ୍କୁ ଅପରେସନ ମହାଦେବରେ ହତ୍ୟା କରାଯାଇଥିଲା
ତାହିରଙ୍କ ପରିବାର ଲସ୍କର ସଦସ୍ୟମାନଙ୍କୁ ଅନ୍ତିମ ସଂସ୍କାରରେ ଯୋଗଦେବାକୁ ସ୍ପଷ୍ଟ ଭାବରେ ମନା କରିଦେଇଥିଲେ, କିନ୍ତୁ ହନିଫ୍ ଜିଦ୍ ଧରିଥିଲେ, ଯାହା ଫଳରେ ସଂଘର୍ଷ ହୋଇଥିଲା। ଲସ୍କର ସହିତ ତାହିରଙ୍କ ସମ୍ପର୍କ ଏବଂ ପହଲଗାମ୍ ଆକ୍ରମଣରେ ତାଙ୍କର ଭୂମିକା ତାଙ୍କୁ ‘ଏ ଗ୍ରେଡ୍‘ ଆତଙ୍କବାଦୀ ଗୋଷ୍ଠୀର ଅଂଶ କରିଥିଲା। ଗତ ସପ୍ତାହରେ ଶ୍ରୀନଗରରେ ଅପରେସନ ମହାଦେବ ସମୟରେ ଅନ୍ୟ ଦୁଇଜଣଙ୍କ ସହିତ ତାଙ୍କର ହତ୍ୟା ଭାରତୀୟ ସୁରକ୍ଷା ବାହିନୀ ପାଇଁ ଏକ ବଡ଼ ସଫଳତା ଥିଲା।