(Video) ମାଗଣା ମାଲ୍ ଛାଡ଼ିବ କିଏ: ଗାଡ଼ିରୁ ଖସି ପଡ଼ିଲା ମଦ ପେଟି: ଲୋକମାନେ ଘରକୁ ବୋହିନେଲେ
ନୂଆଦିଲ୍ଲୀ: ଯେତେ ଦାମ୍ ବଢ଼ିଲେ ବି ଲୋକଙ୍କର ମଦ ପିଇବା କିନ୍ତୁ କମିନଥାଏ । ମଦ୍ୟପାନ ସ୍ୱାସ୍ଥ୍ୟ ପକ୍ଷେ କ୍ଷତିକାରକ ଜାଣି ମଧ୍ୟ ଅନେକ ଲୋକ ନିୟମିତ ପ୍ରଚୁର ମଦ୍ୟପାନ କରିଥାନ୍ତି । ଏହି କୁଅଭ୍ୟାସ କାରଣରୁ ଅନେକ ଲୋକ ଅକାଳରେ ମୃତ୍ୟୁବରଣ କରିଥାନ୍ତି । ତେବେ ଯଦି ଜଣେ ମଦପ୍ରେମୀଙ୍କୁ ମାଗଣାରେ ମଦ ମିଳିଯାଏ, ତେବେ ତାଙ୍କର ଖୁସି ନ କହିବା ଭଲ ।
ନିକଟରେ ଏଭଳି ଏକ ଦୃଶ୍ୟ ସୋସିଆଲ ମିଡ଼ିଆରେ ଭାଇରାଲ ହେବାରେ ଲାଗିଛି । ପୁଣେ-ଇନ୍ଦୋର ରାଜପପଥରେ ଯାଉଥିବା ଏକ ଗାଡ଼ିରୁ ଦୁର୍ଭାଗ୍ୟବଶତଃ କିଛି ମଦ ପେଟି ଖସି ପଡ଼ିଥିଲା । ଏଭଳି ମଉକାକୁ ହାତଛଡ଼ା କରିବ କିଏ । ସେଠାରେ ଉପସ୍ଥିତ ଥିବା ଲୋକମାନେ ଏହି ସମୟରେ ପେଟିରୁ ମଦ ବୋତଲ ଉଠାଇ ଘରକୁ ଦୌଡ଼ିଥିଲେ । ଏହି ଦୃଶ୍ୟ ଏବେ ସୋସିଆଲ ମିଡ଼ିଆରେ ଦେଖିବାକୁ ମିଳିଛି । ଜଣଙ୍କର ବିପଦ ସମୟରେ ଅନ୍ୟମାନେ ମଜା ଉଠାଇବାକୁ ଜମାରୁ ହେଳା କରିନଥିଲେ ।
ଆଜିର ଦୁନିଆରେ କିଏ ଖାଇବାକୁ ପାଗଳ ତ ଆଉ କିଏ ମଦ ପିଇବାକୁ ପାଗଳ । ତେବେ ମାଗଣାରେ ମଦ ବୋତଲ ମିଳିବା ଏପରି ଲୋକଙ୍କ ପାଇଁ କୌଣସି ଉତ୍ସବ ଠାରୁ କମ୍ ନଥିଲା । ଏପରି ମାଗଣା ମଦ ଘରକୁ ବୋହିନେବା ସେମାନଙ୍କର ହୀନ ମାନସିକତାକୁ ପଦାରେ ପକାଇ ଦେଇଛି । ଗାଡ଼ିରେ ମଦ ପେଟି ତଳକୁ ଖସିପଡ଼ିବା ସମୟରେ କିଛି ବୋତଲ ମଧ୍ୟ ଭାଙ୍ଗି ରୁଜି ଯାଇଥିଲା । ରାସ୍ତାରେ ମଦ ବୋତଲ ଭାଙ୍ଗି ଖାଲି କାଚମୟ ଦେଖିବାକୁ ମିଳିଥିଲା ।
गाड़ी से गिरी शराब की बोतले, सड़क पर मची लूट। पुणे-इंदौर मार्ग पर शराब की पेटियां ले जा रहे वाहन से कुछ पेटियां गिरने के बाद शराब की बोतलें लूटने के लिए भिड़ इक्कठा हो गई । हैरानी की बात यह है कि शराब की बोतलें लूटने में बच्चे और महिलाएं भी शामिल । pic.twitter.com/A6ilDmprrc
— Namrata Dubey (@namrata_INDIATV) May 29, 2023
