ହାର୍ଟ ଆଟାକର ଶୀଘ୍ର ଶିକାର ହୁଅନ୍ତି ଏହି ବ୍ଲଡ୍ ଗ୍ରୁପର ଲୋକେ: ତେଣୁ ଆଜିଠୁ ସାବଧାନ୍ ରୁହନ୍ତୁ
କୁହାଯାଏ ବଞ୍ଚିବା ପାଇଁ ସୁସ୍ଥ ହୃଦୟ ରହିବା ଅତ୍ୟନ୍ତ ଜରୁରୀ । ହୃଦୟ ସ୍ୱାସ୍ଥ୍ୟର ମହତ୍ତ୍ୱକୁ ବିଚାର କରି ପ୍ରତିବର୍ଷ ବିଶ୍ୱ ହୃଦୟ ଦିବସ ପାଳନ କରାଯାଏ । ଯଦିଓ ହୃଦୟ ସମ୍ବନ୍ଧୀୟ ରୋଗ ଜୀବନଶୈଳୀ ଏବଂ ଜେନେଟିକ୍ସ ଉପରେ ଅଧିକ ନିର୍ଭର କରେ, ବେଳେବେଳେ ବ୍ଲଡ ଗ୍ରୁପ୍ ମଧ୍ୟ ଏହାର ଆଧାର ହୋଇଯାଏ । ସ୍ୱାସ୍ଥ୍ୟ ବିଶେଷଜ୍ଞମାନେ କହିଛନ୍ତି ଯେ, ଅନେକ ପରିସ୍ଥିତି ଅଛି ଯାହା ହୃଦଘାତର ଆଶଙ୍କା ବଢ଼ାଇପାରେ ଏବଂ ବ୍ଲଡ ଗ୍ରୁପ୍ ତାହା ମଧ୍ୟରୁ ଗୋଟିଏ । ହଁ, କିଛି ଖାସ୍ ବ୍ଲଡ ଗ୍ରୁପ୍ ଥିବା ଲୋକଙ୍କୁ ଅନ୍ୟମାନଙ୍କ ତୁଳନାରେ ହୃଦୟ ସମ୍ବନ୍ଧୀୟ ବିପଦ ଅଧିକ ଥାଏ । ଏପରି ପରିସ୍ଥିତିରେ ଆପଣ ବି ନିଜର ବ୍ଲଡ ଗ୍ରୁପ୍ ଯାଞ୍ଚ କରିବା ଉଚିତ୍ । ଏଠାରେ ଆମେ ଆପଣଙ୍କୁ କହୁଛୁ କି କେଉଁ ବ୍ଲଡ ଗ୍ରୁପର ଲୋକଙ୍କୁ ହାର୍ଟ ଆଟାକର ଆଶଙ୍କା ଅଧିକ ଥାଏ, ଜାଣନ୍ତୁ…
ଏହି ବ୍ଲଡ୍ ଗ୍ରୁପର ଲୋକମାନଙ୍କୁ ହାର୍ଟ ଆଟାକର ଆଶଙ୍କା ଅଧିକ :-
ରକ୍ତ ଗୋଷ୍ଠୀ ଏବଂ ହୃଦରୋଗ ମଧ୍ୟରେ ଥିବା ସମ୍ପର୍କ ଉପରେ କରାଯାଇଥିବା କିଛି ଅଧ୍ୟୟନ ପରେ କୁହାଯାଇଛି ଯେ, ‘ଏ’ ଏବଂ ‘ବି’ ଗ୍ରୁପର ଲୋକମାନଙ୍କୁ ‘ଓ’ ଗ୍ରୁପର ଲୋକଙ୍କ ତୁଳନାରେ ହାର୍ଟ ଆଟାକ୍ ଆସିବାର ସମ୍ଭାବନା ଅଧିକ ଥାଏ । ବାସ୍ତବରେ, ‘ଏ’ ଏବଂ ‘ବି’ ଗ୍ରୁପର ଲୋକମାନଙ୍କର ଶରୀରରେ ରକ୍ତ ଜମାଟ ବାନ୍ଧିବାର ଆଶଙ୍କା ଅଧିକ ଥାଏ ଏବଂ ଏହି କାରଣରୁ ‘ଓ’ ଗ୍ରୁପ ଅପେକ୍ଷା ସେମାନେ ହୃଦୟ ସମ୍ବନ୍ଧୀୟ ରୋଗର ଅଧିକ ଶିକାର ହୁଅନ୍ତି । ଅବଶ୍ୟ ଏହା ମଧ୍ୟ କୁହାଯାଇଛି ଯେ ‘ଏ’ ଏବଂ ‘ବି’ ଗ୍ରୁପର ଲୋକଙ୍କ ବିପି ‘ଓ’ ଗ୍ରୁପ୍ ଲୋକଙ୍କ ତୁଳନାରେ କମ୍ ରହିଥାଏ ।
ଏହି ବ୍ଲଡ୍ ଗ୍ରୁପର ଲୋକମାନଙ୍କୁ ହାର୍ଟ ଆଟାକ୍ ହେବାର ଆଶଙ୍କା କମ୍ ଥାଏ :-
ଆମେରିକାର ଚାରି ଲକ୍ଷରୁ ଅଧିକ ଲୋକଙ୍କ ଉପରେ କରାଯାଇଥିବା ଏହି ଅଧ୍ୟୟନ ପରେ ଆମେରିକୀୟ ହାର୍ଟ ଆସୋସିଏସନର ବିଶେଷଜ୍ଞମାନେ କହିଛନ୍ତି ଯେ, ‘ଓ’ ଗ୍ରୁପ୍, ଯାହାକୁ ଏକ ବିରଳ ଗୋଷ୍ଠୀ କୁହାଯାଏ, ଏହାର ଲୋକମାନଙ୍କର ହୃଦୟ ସମ୍ବନ୍ଧୀୟ ବିପଦ କମ୍ ଥାଏ । ଏହି ଅଧ୍ୟୟନରେ କୁହାଯାଇଛି ଯେ, ଅନ୍ୟ ଗ୍ରୁପ୍ ତୁଳନାରେ ‘ଓ’ ବ୍ଲଡ ଗ୍ରୁପ୍ ଥିବା ଲୋକଙ୍କଠାରେ ହାର୍ଟ ଆଟାକ୍ ଏବଂ ହାର୍ଟ ଫେଲୁଅର୍ ହେବାର ଆଶଙ୍କା ୧୦ ପ୍ରତିଶତ କମ୍ ଥିଲା ।
