ସୁଶାନ୍ତ ମୃତ୍ୟୁ ମାମଲା: ସଲମାନଙ୍କ ସମେତ ୮ ବଲିଉଡ୍ ସେଲିବ୍ରିଟିଙ୍କ ବିରୋଧରେ ଦାଖଲ ହୋଇଥିବା ମକଦ୍ଦମା ଖାରଜ
ନୂଆଦିଲ୍ଲୀ: ବିହାରର ମୁଜାଫରପୁରର ଏକ କୋର୍ଟ ବଲିଉଡର ୮ଜଣ ସେଲିବ୍ରିଟିଙ୍କ ବିରୋଧରେ ଦାଖଲ ହୋଇଥିବା ସଂଶୋଧନ ମକଦ୍ଦମାକୁ ଖାରଜ କରିଦେଇଛନ୍ତି । ଏଥିରେ ସଲମାନ ଖାନଙ୍କ ସମେତ ଅନେକ ସେଲିବ୍ରିଟିଙ୍କ ଉପରେ ଅଭିନେତା ସୁଶାନ୍ତ ସିଂ ରାଜପୁତଙ୍କୁ ହତ୍ୟା କରିବା ନେଇ ଷଡଯନ୍ତ୍ର କରୁଥିବା ଅଭିଯୋଗ ହୋଇଥିଲା।
ସଲମାନଙ୍କ ବ୍ୟତୀତ କୋର୍ଟର ଏହି ନିଷ୍ପତ୍ତି ଚଳଚ୍ଚିତ୍ର ନିର୍ମାତା ସଞ୍ଜୟ ଲୀଲା ଭନସାଲୀ, କରଣ ଜୋହର, ଏକତା କପୁର, ଆଦିତ୍ୟ ଚୋପ୍ରା, ଭୂଷଣ କୁମାର, ଦୀନେଶ ଭାଇଜାନ ଏବଂ ସାଜିଦ ନାଡିଆଡୱାଲାଙ୍କୁ ଆଶ୍ୱସ୍ତି ମିଳିଛି । ତେବେ ଏହାପୂର୍ବରୁ, ସିଜେଏମ୍ କୋର୍ଟ ମଧ୍ୟ ଆଠ ସେଲିବ୍ରିଟିଙ୍କ ବିରୋଧରେ ଦାଖଲ ହୋଇଥିବା ଅଭିଯୋଗକୁ ଖାରଜ କରିଦେଇଥିଲେ ।
ଏହା ପରେ ଅଭିଯୋଗକାରୀ ସୁଧୀର କୁମାର ଓଝା ଜିଲ୍ଲା ଓ ଅଧିବେଶନ କୋର୍ଟରେ ସଂଶୋଧନ ମକଦ୍ଦମା ଦାୟର କରିଥିଲେ । ତେବେ ସଂଶୋଧନ ମକଦ୍ଦମାକୁ ଖାରଜ କରିବା ପାଇଁ ଆଦେଶ ପତ୍ର ପ୍ରଦାନ କରାଯାଇପାରିବ ନାହିଁ । ଆଦେଶ ପତ୍ର ଦିଆଯିବା ପରେ ହିଁ ଜଣାପଡିବ ଯେ କାହିଁକି ସେଲିବ୍ରିଟିଙ୍କ ମାମଲାକୁ ଖାରଜ କରାଯାଇଥିଲା ।
