ବିଶ୍ୱକପର ପ୍ରଥମ ମ୍ୟାଚରୁ ଖେଳାଳି ଆହତ: ୫ ସୁପରଷ୍ଟାର ଖେଳାଳି ଦଳରୁ ବାଦ୍!
ନୂଆଦିଲ୍ଲୀ: ବହୁ ପ୍ରତୀକ୍ଷା ପରେ ଆଜିଠାରୁ ଆରମ୍ଭ ହୋଇଛି ଦିନିକିଆ ବିଶ୍ୱକପ-୨୦୨୩ । ପୂର୍ବ ସିଜନର ଦୁଇ ଫାଇନାଲିଷ୍ଟ ଇଂଲଣ୍ଡ ଏବଂ ନ୍ୟୁଜିଲାଣ୍ଡ ବିପକ୍ଷ ମ୍ୟାଚରୁ ଚଳିତ ବର୍ଷ ମହାକୁମ୍ଭ ଆରମ୍ଭ ହୋଇଛି । ଚଳିତବର୍ଷର ବିଶ୍ୱକପ ମହାସମର ଆରମ୍ଭ ହୋଇଥିବା ବେଳେ ପ୍ରଥମ ମ୍ୟାଚରେ ହିଁ ଆହତ ସମସ୍ୟା ଦଳ ପାଇଁ ଚିନ୍ତାର କାରଣ ପାଲଟିଛି । ତେବେ ଏହି ମ୍ୟାଚରେ ନ୍ୟୁଜିଲାଣ୍ଡ ଦଳର ନିୟମିତ ଅଧିନାୟକ କେନ୍ ୱିଲିୟମସନ୍ ମଧ୍ୟ ଦଳରୁ ବାଦ୍ପଡ଼ିଛନ୍ତି । ଅନ୍ୟ ପକ୍ଷରେ ଷ୍ଟାର ଅଲରାଉଣ୍ଡର ବେନ୍ ଷ୍ଟୋକ୍ସଙ୍କ ସହିତ ମୋଟ୫ ଜଣ ସୁପରଷ୍ଟାର ଆଜିର ମ୍ୟାଚରୁ ବାଦ୍ ପଡ଼ିଛନ୍ତି ।
ଇଂଲଣ୍ଡ-ନ୍ୟୁଜିଲାଣ୍ଡ ଉଦଘାଟନୀ ମ୍ୟାଚରେ ୩ ଜଣ ଖେଳାଳି ଆହତ ସମସ୍ୟା ଯୋଗୁଁ ଦଳରୁ ନିଜ ସ୍ଥାନ ହରାଇଛନ୍ତି । ଏହି ତାଲିକାରେ ବେନ୍ ଷ୍ଟୋକ୍ସ, କେନ୍ ୱିଲିୟମସନ, ଟିମ୍ ସାଉଦୀ ଏବଂ ଲକି ଫର୍ଗସୁନ ଭଳି ଖେଳାଳିଙ୍କ ନାଁ ସାମିଲ ରହିଛି । କ୍ରିକେଟ ବିଶ୍ୱକପର ଓପନିଙ୍ଗ ମ୍ୟାଚରେ ନ୍ୟୁଜିଲାଣ୍ଡ ଟସ୍ ଜିତି ଇଂଲଣ୍ଡକୁ ବ୍ୟାଟିଂ ପାଇଁ ଆମନ୍ତ୍ରଣ କରିଛି । ତେବେ ଅଧିନାୟକ ଜୋସ ବଟଲରଙ୍କ ନେତୃତ୍ୱରେ ଇଂଲଣ୍ଡ ଟିମ୍ ପ୍ରଥମେ ବ୍ୟାଟିଂ ଜାରି ରଖିଛି । କିନ୍ତୁ ମ୍ୟାଚରୁ ଅନେକ ସୁପରଷ୍ଟାର ଖେଳାଳି ଦଳରୁ ବାଦ୍ ପଡ଼ିଛନ୍ତି । ବିଶେଷ କରି ୨୦୧୯ ବିଶ୍ୱକପର ଚମ୍ପିଆନ୍ ଖେଳାଳି ଆଜିର ମ୍ୟାଚରେ ଅନୁପସ୍ଥିତ ରହିଛନ୍ତି । କେନ୍ ୱିଲିୟମସନଙ୍କ ଅନୁପସ୍ଥିତିରେ ନେତୃତ୍ୱ ଭାର ଗ୍ରହଣ କରିଛନ୍ତି ଟମ୍ ଲାଥମ । ସେପଟେ ଅଧିନାୟକଙ୍କ ବ୍ୟତୀତ ବୋଲର ଟିମ ସାଉଦୀ, ଇସ୍ ସୋଢୀ ଏବଂ ଲକି ଫର୍ଗୁସନ୍ ମଧ୍ୟ ଏହି ମ୍ୟାଚରେ ଉପଲବ୍ଧ ରହିନାହାନ୍ତି ।
A number of big names are all set to miss the @cricketworldcup opener 👀
Details 👉https://t.co/dToRJlv4rS#CWC23 #ENGvNZ pic.twitter.com/0KJf55hpLE
— ICC (@ICC) October 4, 2023
ଇଂଲଣ୍ଡ ପକ୍ଷରୁ ଆହତ ହୋଇ ଦଳରୁ ବାଦ୍ ପଡ଼ିଛନ୍ତି ୨୦୧୯ ବିଶ୍ୱକପ ଫାଇନାଲ ମ୍ୟାଚର ସୁପରଷ୍ଟାର ବେନ୍ ଷ୍ଟୋକ୍ସ । ଦିନିକିଆ ଫର୍ମାଟରୁ ଅବସର ନେବା ପରେ ସେ ପୁଣିଥରେ କେବଳ ବିଶ୍ୱକପ ପାଇଁ ଦଳକୁ କମବ୍ୟାକ କରିଛନ୍ତି । କିନ୍ତୁ ଏହାର ପ୍ରଥମ ମ୍ୟାଚରେ ହିଁ କୌଣସି କାରଣ ପାଇଁ ସେ ଦଳରୁ ବାଦ୍ ପଡ଼ିଛନ୍ତି । ଷ୍ଟୋକ୍ସଙ୍କ ଅନୁପସ୍ଥିତି ଇଂଲଣ୍ଡ ପାଇଁ ଏକ ବଡ଼ ଝଟକା ଲାଗିଛି ।
ଇଂଲଣ୍ଡ ପ୍ଲେଇଙ୍ଗ-୧୧: ଜୋସ୍ ବଟଲର(ଅଧିନାୟକ), ଜନି ବେୟାରଷ୍ଟୋ, ଡାଭିଡ ମଲାନ୍, ଜୋ ରୁଟ୍, ହ୍ୟାରୀ ବ୍ରୁକ, ଲିୟାମ ଲିଭିଙ୍ଗଷ୍ଟୋନ୍, ମୋଇନ୍ ଅଲୀ, ସାମ୍ କରନ୍, କ୍ରିସ ୱକ୍ସ, ଆଦିଲ ରାଶିଦ୍, ମାର୍କ ଉଡ
ନ୍ୟୁଜିଲାଣ୍ଡ ପ୍ଲେଇଙ୍ଗ-୧୧: ଟମ ଲାଥମ(ଅଧିନାୟକ), ଡିଭନ୍ କନୱେ, ୱଲ ୟଙ୍ଗ, ରଚନ୍ ରବନ୍ଦ୍ର, ଡାରିଲ ମିଚେଲ, ଗ୍ଲେନ ଫିଲିପ୍ସ, ମାର୍କ କ୍ୟାମ୍ପମେନ୍, ଜିମି ନୀଶମ୍, ମିଚେଲ ସାଣ୍ଟନର, ମ୍ୟାଟ ହେନରୀ ଏବଂ ଟ୍ରେଣ୍ଟ ବୋଲ୍ଟ
