୫ ଲକ୍ଷ ନିବେଶ କଲେ ପାଇବେ ୧୦ ଲକ୍ଷ, ସରକାରଙ୍କ ଏହି ସ୍କିମ ଆପଣଙ୍କ ଟଙ୍କାକୁ କରିଦେବ ଡବଲ୍
ପୋଷ୍ଟ ଅଫିସର ଜବରଦସ୍ତ ସ୍କିମ, ଆପଣଙ୍କ ଟଙ୍କାକୁ କରିଦେବ ଡବଲ୍
ନୂଆଦିଲ୍ଲୀ: ସୁରକ୍ଷିତ ଏବଂ ଭଲ ସୁଧ ଦେଉଥିବା ଯୋଜନା ମଧ୍ୟରେ ପୋଷ୍ଟ ଅଫିସ ସ୍କିମ ପପୁଲାର। ଏହାର ଉଦାହରଣ ପୋଷ୍ଟ ଅଫିସର ସ୍ମଲ ସେଭିଙ୍ଗସ କିଷାନ ବିକାଶ ପତ୍ର ଅର୍ଥାତ କେଭିପି ସ୍କିମ। ଏହା ୧୧୫ ମାସରେ ନିବେଶକଙ୍କ ଟଙ୍କା ଡବଲ କରିବାର ଯୋଜନା।
ତେବେ ଆସନ୍ତୁ ଜାଣିବା ଏହି ସରକାରୀ ସ୍କିମରେ ୫ ଲକ୍ଷ ଟଙ୍କା ରଖିଲେ ୧୦ ଲକ୍ଷ ଟଙ୍କା କେମିତି ପାଇବେ।
୫ ଲକ୍ଷକୁ ୧୦ ଲକ୍ଷ ଟଙ୍କା ହେବାର ହିସାବ: ଯଦି କୌଣସି ନିବେଶକ କିଷାନ ବିକାଶ ପତ୍ର ଯୋଜନାରେ ୫ ଲକ୍ଷ ଟଙ୍କା ନିବେଶ କରେ ଏବଂ ମାଚ୍ୟୁରିଟି ଅର୍ଥାତ ୧୧୫ ମାସ ପର୍ଯ୍ୟନ୍ତ ଏହି ଯୋଜନାରେ ଟଙ୍କା ରଖିଥାଏ, ତେବେ ତାଙ୍କୁ ୭.୫ ପ୍ରତିଶତ ସୁଧ ଆଧାରରେ ୫ ଲକ୍ଷ ଟଙ୍କା କେବଳ ସୁଧରୁ ମିଳିବ।
କିଷାନ ବିକାଶ ପତ୍ରରେ ନିବେଶ ରାଶି ଉପରେ ସୁଧର ଗଣନା କମ୍ପାଉଣ୍ଡିଙ୍ଗ ଆଧାରରେ ହୋଇଥାଏ। ଏଠାରେ ନିବେଶକଙ୍କୁ ମିଳୁଥିବା ଟଙ୍କାରେ ଟ୍ୟାକ୍ସ ସାମିଲ ରହିଛି।
ସରକାର କିସାନ ବିକାଶ ପତ୍ର ମାଚ୍ୟୁରିଟିର ଅବଧି ପୂର୍ବରୁ ୧୨୩ ମାସକୁ ହ୍ରାସ କରି ୧୨୦ ମାସ କରିଥିଲେ। ପରେ ଏହାକୁ ଆହୁରି ହ୍ରାସ କରାଯାଇ ୧୧୫ ମାସ କରାଯାଇଛି। ଅର୍ଥାତ ପୂର୍ବରୁ କମ ସମୟରେ ହିଁ ଏହି ସ୍କିମର ଫାଇଦା ମିଳିଯାଇଥାଏ।