ପିଏମ ନରେନ୍ଦ୍ର ମୋଦୀ ଅନ୍ତର୍ଜାତୀୟ ଗ୍ରୀନ ହାଇଡ୍ରୋଜେନ ସମ୍ମିଳନୀକୁ କଲେ ସମ୍ବୋଧିତ, କହିଲେ- ପରିବର୍ତ୍ତନରେ ଗତି କରୁଛି ଦୁନିଆ

ନୂଆଦିଲ୍ଲୀ: ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀ ଆଜି ଦିଲ୍ଲୀରେ ଗ୍ରୀନ ହାଇଡ୍ରୋଜେନ ଉପରେ ଅନ୍ତର୍ଜାତୀୟ ସମ୍ମିଳନୀକୁ ସମ୍ବୋଧନ କରିଛନ୍ତି। ପିଏମ ମୋଦୀ ଏହି ସମୟରେ କହିଛନ୍ତି ଯେ, ଦୁନିଆ ଏକ ଗୁରୁତ୍ୱପୂର୍ଣ୍ଣ ପରିବର୍ତ୍ତନ ସହ ଗତି କରୁଛି। ଜଳବାୟୁ ପରିବର୍ତ୍ତନ ଭବିଷ୍ୟତର ବିଷୟ ନୁହେଁ ବୋଲି ଅନୁଭବ କରାଯାଇଛି, ଏହାର ପଭାବ ଏଠାରେ ଏବଂ ବର୍ତ୍ତମାନ ଅନୁଭୂତ ହେଉଛି। ପିଏମ ମୋଦୀ ଏହି ସମୟରେ କହିଛନ୍ତି ଯେ, କାର୍ଯ୍ୟାନୁଷ୍ଠାନ ଗ୍ରହଣ କରିବାର ସମୟ ଏଠାରେ ଏବଂ ବର୍ତ୍ତମାନ ଅଟେ। ଶକ୍ତି ପରିବର୍ତ୍ତନ ଏବଂ ସ୍ଥିରତା ବିଶ୍ୱ ନିତିଗତ ଚର୍ଚ୍ଚାର କେନ୍ଦ୍ର ହୋଇସାରିଛି। ଭାରତ ଏକ ସ୍ୱଚ୍ଛ ଏବଂ ସବୁଜ ଗ୍ରହ କରିବାକୁ ପ୍ରତିବଦ୍ଧ ଅଟେ। ଆମେ ସବୁଜ ଶକ୍ତି ଉପରେ ନିଜର ପ୍ୟାରିସ ପ୍ରତିବଦ୍ଧତାମାନ ପୂରଣ କରିବାକୁ ଥିବା ଜି୨୦ ଦେଶରେ ସର୍ବପ୍ରଥମେ ଥିଲୁ। ଏହି ପ୍ରତିବଦ୍ଧତା ୨୦୩୦ର ଲକ୍ଷ୍ୟରୁ ନଅ ବର୍ଷ ପୂର୍ବରୁ ପୁରଣ ହୋଇଛି। ଭାରତ ଗତ ୧୦ ବର୍ଷରେ ଅଣ-ଜୀବାଶ୍ମ ଇନ୍ଧନ କ୍ଷମତାରେ ହାରାହାରି ୩୦୦ ପ୍ରତିଶତର ବୃଦ୍ଧି କରିଛି। ଏହି ଅବଧିରେ ଆମର ସୌର ଶକ୍ତି କ୍ଷମତାରେ ୩,୦୦୦%ରୁ ଅଧିକ ବୃଦ୍ଧି ଘଟିଛି। ହେଲେ ଏହି ସଫଳତା ଉପରେ ବିଶ୍ୱାସ ହେଉନାହିଁ।