ତୃତୀୟ ମ୍ୟାଚରେ ଟସ ଜିତିଲା ପଞ୍ଜାବ: ବୋଲିଂ ପାଇଁ ନିଷ୍ପତ୍ତି ନେଲେ ମୟଙ୍କ

ନୂଆଦିଲ୍ଲୀ: IPL ୧୫ର ତୃତୀୟ ମ୍ୟାଚରେ ମୁହାଁମୁହିଁ ହେବାକୁ ଯାଉଛନ୍ତି ରୋୟଲ ଚାଲେଞ୍ଜର୍ସ ବାଙ୍ଗାଲୋର ଏବଂ ପଞ୍ଜାବ କିଙ୍ଗସ । ଉଭୟ ଦଳ ଚଳିତ ସିଜନରେ ନୂଆ ଅଧିନାୟକ ବାଛିଛି । ଗୋଟିଏ ପଟେ ଫାଫ ଡୁ ପ୍ଲେସିସଭ୍କୁ ଆରସିବିର ନେତୃତ୍ୱ ଭାର ଦିଆଯାଇଥିବା ବେଳେ ପଞ୍ଜାବ କିଙ୍ଗସର ଅଧିନାୟକ ପାଲଟିଛନ୍ତି ମୟଙ୍କ ଅଗ୍ରୱାଲ । ତେବେ ଉଭୟ ଖେଳାଳି IPL ରେ ପ୍ରଥମ ଥର ଅଧିନାୟକ ଭାବେ ଟସ ପକାଇଛନ୍ତି । ତେବେ ଏହି ମ୍ୟାଚରେ ଟସ ଜିତି ବୋଲିଂ ପାଇଁ ନିଷ୍ପତ୍ତି ନେଇଛନ୍ତି ପଞ୍ଜାବ କ୍ୟାପଟେନ ମୟଙ୍କ ।

ପ୍ରଥମ ମ୍ୟାଚରେ ବିଜୟ ସହ IPLର ଯାତ୍ରା ଆରମ୍ଭ କରିବା ପାଇଁ ଚେଷ୍ଟା କରିବେ ଦୁଇ ଦଳର ନୂଆ ଅଧିନାୟକ । ସେଥିପାଇଁ ଦଳ ଚୟନକୁ ନେଇ ଖୁବ ଅଙ୍କ କଷିଛନ୍ତି ଉଭୟ କ୍ୟାପଟେନ । ତେବେ ଶେଷରେ ସବୁଠୁ ଶକ୍ତିଶାଳୀ ପ୍ଲେଇଙ୍ଗ ଇଲେଭେନ ସହିତ ମଇଦାନକୁ ଓହ୍ଲାଇବେ ବାଙ୍ଗାଲୋର ଏବଂ ପଞ୍ଜାବ ।