ଆଖି ପିଛୁଳାକେଧ୍ୱଂସ ହେଲା ୟୁକ୍ରେନ ଜାହାଜ, ସମୁଦ୍ର ମଝିରେ ପୁତିନ୍ଙ୍କ ଡ୍ରୋନ୍ ବାଣ(video viral)
ଜାହାଜ ବିସ୍ଫୋରଣ ଲାଇଭ ଭିଡିଓ ସୋସିଆଲ ମିଡିଆରେ ଭାଇରାଲ
ନୂଆଦିଲ୍ଲୀ: ରୁଷ ଉଡ଼ାଇଦେଲା ୟୁକ୍ରେନର ଜାହାଜ। ଯାହାର ଲାଇଭ ଭିଡିଓ ସୋସିଆଲ ମିଡିଆରେ ଭାଇରାଲ ହେଉଛି। କିଭଳି ସମୁଦ୍ର ମଝିରେ ଜାହାଜ ବିସ୍ଫୋରଣ ହୋଇଛି ସେହି ଚିତ୍ର ଦେଖିବାକୁ ମିଳିଛି।
ରୁଷ ପ୍ରତିରକ୍ଷା ମନ୍ତ୍ରଣାଳୟ ପକ୍ଷରୁ କୁହାଯାଇଥିଲା ନୌସେନା ଡ୍ରୋନ୍ ଆକ୍ରମଣରେ ୟୁକ୍ରେନୀୟ ନୌସେନାର ଗୁପ୍ତଚର ଜାହାଜ ସିମ୍ଫେରୋପୋଲକୁ ବିସ୍ଫୋରଣ କରି ଦିଆଯାଇଛି।
ଜାହାଜଟି ଏବେ ପାଣି ଭିତରେ ବୁଡ଼ି ଯାଇଛି। ଏହା ଏକ ବଡ଼ ଖବର କାରଣ ସିମ୍ଫେରୋପୋଲ ଏକ ଦଶନ୍ଧିରୁ ଅଧିକ ସମୟ ମଧ୍ୟରେ ୟୁକ୍ରେନୀୟ ଦ୍ୱାରା ନିୟୋଜିତ ହୋଇଥିବା ସବୁଠାରୁ ବଡ଼ ଜାହାଜ ବୋଲି କୁହାଯାଉଛି।
ଆରଟି ରିପୋର୍ଟ ଅନୁଯାୟୀ, ରୁଷ ପ୍ରତିରକ୍ଷା ମନ୍ତ୍ରଣାଳୟର ଏକ ବିବୃତ୍ତିରେ ସ୍ପଷ୍ଟ କରିଛି ରେଡିଓ, ଇଲେକ୍ଟ୍ରୋନିକ୍, ରାଡାର ଏବଂ ଅପ୍ଟିକାଲ୍ ଗୁଇନ୍ଦା ପାଇଁ ଡିଜାଇନ୍ କରାଯାଇଥିବା ମଧ୍ୟମ ଆକାରର ଲାଗୁନା-ଶ୍ରେଣୀ ଜାହାଜକୁ ଡାନୁବ ନଦୀ ଡେଲ୍ଟାରେ ଟାର୍ଗେଟ କରାଯାଇଥିଲା। ଏହି ନଦୀର ଏକ ଅଂଶ ୟୁକ୍ରେନର ଓଡେସା ଅଞ୍ଚଳରେ ଅବସ୍ଥିତ।
Unbelievable
An unmanned Russian boat rammed and sank Ukraine’s reconnaissance ship Simferopol. pic.twitter.com/MvQ1MZyNKG
— War & Gore (@Goreunit) August 28, 2025
ଆରଟି ରିପୋର୍ଟରେ ଟିଏଏସଏସ ରିପୋର୍ଟ ଜରିଆରେ କୁହାଯାଇଛି ୟୁକ୍ରେନୀୟ ନୌସେନା ଜାହାଜକୁ ଧ୍ୱଂସ କରିବା ପାଇଁ ସାମୁଦ୍ରିକ ଡ୍ରୋନର ପ୍ରଥମ ସଫଳ ବ୍ୟବହାର।
ୟୁକ୍ରେନୀୟ ଅଧିକାରୀମାନେ ମଧ୍ୟ ଜାହାଜ ଉପରେ ଆକ୍ରମଣ ହୋଇଥିବା ନିଶ୍ଚିତ କରିଛନ୍ତି। ୟୁକ୍ରେନୀୟ ଖବରକାଗଜ, କିଭ୍ ଇଣ୍ଡିପେଣ୍ଡେଣ୍ଟ, ଗୁରୁବାର ଏକ ରିପୋର୍ଟ ପ୍ରକାଶ କରିଛି ଯାହା ଅନୁଯାୟୀ ଜଣେ ୟୁକ୍ରେନୀୟ ନୌସେନା ମୁଖପାତ୍ର କହିଛନ୍ତି ଯେ ଆକ୍ରମଣରେ ଜଣେ କ୍ରୁ ସଦସ୍ୟଙ୍କ ମୃତ୍ୟୁ ହୋଇଛି ଏବଂ ଅନେକ ଆହତ ହୋଇଛନ୍ତି।
“ଆକ୍ରମଣ ପରେ ପରିସ୍ଥିତିର ମୁକାବିଲା ପାଇଁ ପ୍ରୟାସ ଜାରି ରହିଛି। ଅଧିକାଂଶ କ୍ରୁ ସଦସ୍ୟ ସୁରକ୍ଷିତ ଅଛନ୍ତି ଏବଂ ଅନେକ ନିଖୋଜ ନାବିକଙ୍କ ସନ୍ଧାନ ଜାରି ରହିଛି।
ୟୁକ୍ରେନ୍ ପାଇଁ ସିମ୍ଫେରୋପୋଲ୍ କେତେ ଗୁରୁତ୍ୱପୂର୍ଣ୍ଣ ଥିଲା?
ସିମ୍ଫେରୋପୋଲ୍ ୨୦୧୯ରେ ଲଞ୍ଚ ହୋଇଥିଲା ଏବଂ ଦୁଇ ବର୍ଷ ପରେ ୟୁକ୍ରେନୀୟ ନୌସେନାରେ ସାମିଲ ହୋଇଥିଲା। ୱାରଗୋଞ୍ଜୋ ଟେଲିଗ୍ରାମ ଚ୍ୟାନେଲ ଅନୁଯାୟୀ, ଏହି ଜାହାଜ ୨୦୧୪ ପରଠାରୁ କିଭ୍ ଦ୍ୱାରା ଲଞ୍ଚ ହୋଇଥିବା ସବୁଠାରୁ ବଡ଼ ଜାହାଜ ଥିଲା।