କରୋନା ଟିକା ଜିଏସ୍ଟି ଉପରେ ରାହୁଲଙ୍କ ଆକ୍ରମଣ: “ଲୋକମାନଙ୍କର ଜୀବନ ଚାଲିଯାଉ, କିନ୍ତୁ ପ୍ରଧାନମନ୍ତ୍ରୀ ଟିକସ ସଂଗ୍ରହ କରିବା ବନ୍ଦ କରିବେ ନାହିଁ”
ନୂଆଦିଲ୍ଲୀ ୦୮ । ୦୫ (ଓଡ଼ିଶା ଭାସ୍କର) : ଦେଶରେ କରୋନା ସଂଖ୍ୟା ବଢ଼ିବାରେ ଲାଗିଛି । ଅନ୍ୟପଟେ କରୋନା ଟିକା ମୂଲ୍ୟ ଉପରେ ଟିକସ ନେଇ ଅସନ୍ତୋଷ ଦେଖାଦେଇଛି। ଏନେଇ କଂଗ୍ରେସ ସାଂସଦ ରାହୁଲ ଗାନ୍ଧୀ ଟୀକା ଉପରେ ଟ୍ୟାକ୍ସ ସଂଗ୍ରହ ନେଇ ପ୍ରଧାନମନ୍ତ୍ରୀ ମୋଦୀଙ୍କୁ ସିଧାସଳଖ ଆକ୍ରମଣ କରିଛନ୍ତି। ରାହୁଲ ଟ୍ୱିଟ୍ କରି କହିଛନ୍ତି ଯେ ଲୋକମାନଙ୍କର ଜୀବନ ଚାଲିଯାଉ, କିନ୍ତୁ ପ୍ରଧାନମନ୍ତ୍ରୀଙ୍କ ଟିକସ ସଂଗ୍ରହ କରିବା ବନ୍ଦ କରନ୍ତୁ ନାହିଁ। ଏହି ଟ୍ୱିଟ୍ ମାଧ୍ୟମରେ ରାହୁଲ ଜିଏସ୍ଟି ହ୍ୟାସଟ୍ୟାଗ୍ ମଧ୍ୟ ବ୍ୟବହାର କରିଛନ୍ତି।
ସୂଚନା ଅନୁସାରେ ଶୁକ୍ରବାର ଦିନ ଓଡିଶା ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ ଅର୍ଥମନ୍ତ୍ରୀ ନିର୍ମଳା ସୀତାରମଣଙ୍କୁ ଚିଠି ଲେଖି ଟିକା କ୍ରୟ ଉପରେ ଜିଏସ୍ଟି ଛାଡ କରିବାକୁ ଦାବି କରିଛନ୍ତି। ବିଦେଶରୁ ଆସୁଥିବା କରୋନା ଟିକା ଉପରେ ସରକାର ଜିଏସ୍ଟି ହଟାଇ ଦେଇଛନ୍ତି । କିନ୍ତୁ ଦେଶରେ ଟିକା କ୍ରୟ ଉପରେ ଜିଏସ୍ଟି ନିଆଯାଉଛି। କେନ୍ଦ୍ର ସରକାରଙ୍କ ଦ୍ୱାରା କରୋନା ଟିକା ଉପରେ ୫ ପ୍ରତିଶତ ଜିଏସ୍ଟି ଆଦାୟ କରାଯାଉଛି। ଯାହାକୁ ଛଡା କରିବା ପାଇଁ ଓଡିଶା ମୁଖ୍ୟମନ୍ତ୍ରୀ ଦାବି କରିଛନ୍ତି । ମୁଖ୍ୟମନ୍ତ୍ରୀଙ୍କ ଦାବି ପରେ ରାହୁଲ ଗାନ୍ଧୀ ଆଜି ଏହି ଟ୍ୱିଟ୍ କରିଛନ୍ତି ।
ମିଳିଥିବା ଖବର ଅନୁସାରେ ସେରମ୍ ଇନଷ୍ଟିଚ୍ୟୁଟ୍ କୋଭିଶିଲ୍ଡର ଗୋଟିଏ ଡୋଜ୍ ରାଜ୍ୟକୁ 300 ଟଙ୍କା ଏବଂ ଭରତ ବାୟୋଟେକ୍ କୋଭାକ୍ସିନ୍ 400 ଟଙ୍କା ଦେଉଛି। ଏହା ଟିକା ଉପରେ, 5% ଜିଏସ୍ଟିକୁ ପୃଥକ ଭାବରେ ଚାର୍ଜ କରାଯାଉଛି । ଏନେଇ ରାଜ୍ୟଗୁଡିକ କୋଭିଶିଲ୍ଡର ଗୋଟିଏ ଡୋଜ୍ 315 ଟଙ୍କା ଏବଂ କୋଭାକ୍ସିନର ଗୋଟିଏ ଡୋଜ 420 ଟଙ୍କାରେ ଦିଆଯାଉଛି । ଏଥିପାଇଁ ରାଜ୍ୟଗୁଡ଼ିକର ଅତିରିକ୍ତ ଖର୍ଚ୍ଚ ମଧ୍ୟ ବୃଦ୍ଧି ପାଉଛି । ତେଣୁ ଅନେକ ରାଜ୍ୟ ଟିକା ଉପରେ ଜିଏସ୍ଟିରେ ଛାଡ ଦାବି କରୁଛନ୍ତି। ଏଥିସହିତ କେନ୍ଦ୍ର ସରକାର ଉଭୟ ଟିକା 150 ଟଙ୍କାରେ ଗ୍ରହଣ କରୁଛନ୍ତି। ଏହି ସମୟରେ ଭାରତରେ ତିନୋଟି ଟିକା ବ୍ୟବହାରକୁ ଅନୁମୋଦନ କରାଯାଇଛି। ପ୍ରଥମ ଟିକା ହେଉଛି କୋଭିଶିଲ୍ଡ, ଯାହା ସେରମ୍ ଇନଷ୍ଟିଚ୍ୟୁଟ୍ ଠାରେ ବିକଶିତ ହେଉଛି ଏବଂ ଦ୍ୱିତୀୟଟି ହେଉଛି କୋଭାକ୍ସିନ୍, ଯାହା ICMR ସହଯୋଗରେ ଭାରତ ବାୟୋଟେକ୍ ସୃଷ୍ଟି କରିଛି । ତୃତୀୟ ଟିକା ହେଉଛି ସ୍ପୁଟନିକ୍-ଭି, ଯାହା ଜରୁରୀକାଳୀନ ବ୍ୟବହାର ଦ୍ୱାରା ଅନୁମୋଦିତ ହୋଇଛି । ସ୍ପୁଟନିକ୍-ଭି ରୁଷିଆନ ଟିକା ହୋଇଥିବା ବେଳେ ଏହାର ମୂଲ୍ୟ ଏପର୍ଯ୍ୟନ୍ତ ସ୍ଥିର ହୋଇନାହିଁ । ଏହି ରୁଷିଆନ ଟିକା ଭାରତର ଡକ୍ଟର ରେଡ୍ଡୀ ଲ୍ୟାବ ଦ୍ୱାରା ପ୍ରସ୍ତୁତ ହେବାର ଯୋଜନା ରହିଛି ।
