କ୍ଷୀର , ଦହି, ଲସି, ଆଚାର ଧରି ଗାନ୍ଧୀ ପରିବାରରେ ପହଞ୍ଚିଲେ ବିଶେଷ ଅତିଥି, ରାହୁଲଙ୍କ ବାହାଘରକୁ ନେଇ ହେଲା ମଜାଦାର ଆଲୋଚନା
ନୂଆଦିଲ୍ଲୀ: କଂଗ୍ରେସ ନେତା ରାହୁଲ ଗାନ୍ଧୀ ତାଙ୍କ ଘରକୁ ଆସିଥିବା ହରିୟାଣା ସୋନିପତର କୃଷକ ମହିଳାଙ୍କ ସହ ସାକ୍ଷାତ ସମୟ ଭିଡିଓ ନିଜ ଟ୍ୱିଟର ଆକାଉଣ୍ଟରେ ସେୟାର କରିଛନ୍ତି । ଏହି ଭିଡିଓରେ ଦେଖିବାକୁ ମିଳୁଛି ଯେ, ମହିଳାମାନେ ରାହୁଲଙ୍କ ଲାଗି ଉପହାର ଆକାରରେ କ୍ଷୀର , ଦହି, ଲସି, ଆଚାର ଆଣି କରି ଆସିଛନ୍ତି । ସେମାନେ ସୋନିଆ ଗାନ୍ଧୀ ଓ ପ୍ରିୟଙ୍କା ଭଦ୍ରାଙ୍କୁ ଭେଟିଛନ୍ତି ଓ ସେମାନଙ୍କ ସହ ମିଶି ଖାଦ୍ୟ ମଧ୍ୟ ଖାଇଛନ୍ତି ।
ଭିଡିଓରେ ଜଣେ ମହିଳା ସୋନିଆ ଗାନ୍ଧୀଙ୍କ ସହ ଆଳାପ କରୁଥିବାର ଦେଖିବାକୁ ମିଳୁଛି । ସେ ରାହୁଲ ଗାନ୍ଧୀଙ୍କ ବିବାହକୁ ନେଇ ସୋନିଆଙ୍କୁ କ’ଣ ପ୍ରଶ୍ନ କରୁଛନ୍ତି । ଏହି ପ୍ରଶ୍ନରେ ସୋନିଆ କହୁଛନ୍ତି ତୁମେ ମୋ ପୁଅ ଲାଗି କନ୍ୟା ଖୋଜି ଦେଉନ । ସୋନିଆଙ୍କ ଏପରି ଉତ୍ତରରେ ସମସ୍ତେ ଏକ ସମୟରେ ହସି ଉଠିଛନ୍ତି ।
मां, प्रियंका और मेरे लिए एक यादगार दिन, कुछ खास मेहमानों के साथ!
सोनीपत की किसान बहनों का दिल्ली दर्शन, उनके साथ घर पर खाना, और खूब सारी मज़ेदार बातें।
साथ मिले अनमोल तोहफे – देसी घी, मीठी लस्सी, घर का अचार और ढेर सारा प्यार।
पूरा वीडियो यूट्यूब पर:https://t.co/2rATB9CQoz pic.twitter.com/8ptZuUSDBk
— Rahul Gandhi (@RahulGandhi) July 29, 2023
ରାହୁଲ ଏହି ଭିଡିଓ ସେୟାର କରି ଲେଖିଛନ୍ତି କିଛି ବିଶେଷ ଅତିଥିଙ୍କ ସହ ମା’, ପ୍ରିୟଙ୍କା ଓ ମୋ ପାଇଁ ଏହା ଏକ ସ୍ମରଣୀୟ ଦିନ । ସୋନିପତର କୃଷକ ଭଉଣୀ ମାନଙ୍କର ଦିଲ୍ଲୀ ଦର୍ଶନ, ସେମାନଙ୍କ ସହ ଘରେ ଏକାଠି ବସି ଭୋଜନ ଓ ଖୁବ୍ ସାରା ମଜାଦାର ଆଲୋଚନା । ଏହାସହିତ ସେମାନଙ୍କ ଠାରୁ ମିଳିଥିବା ଦୂର୍ମୂଲ୍ୟ ଉପହାର ଦେଶୀ ଘିଅ, ମିଠା ଲସି, ଘର ଆଚାର ଓ ସର୍ବୋପରି ଢେର ଭଲପାଇବା । ଗାନ୍ଧୀ ପରିବାରକୁ ଭେଟିଥିବା ଏହି କୃଷକ ମହିଳାମାନେ ହେଉଛନ୍ତି ସେହି ମହିଳା ଯେଉଁମାନଙ୍କୁ ରାହୁଲ ଗାନ୍ଧୀ ଚଳିତ ମାସ ଆରମ୍ଭରେ ମଦୀନା ଗ୍ରାମରେ ଭେଟିଥିଲେ ଓ ସେମାନଙ୍କ ସହ ଭୋଜନ କରିଥିଲେ । ଶେଷରେ ସେମାନଙ୍କୁ ଦିଲ୍ଲୀ ଆସିବାକୁ ନିମନ୍ତ୍ରଣ କରିଥିଲେ ।
