ନିଆରା ଢଙ୍ଗରେ ରାହୁଲ ଗାନ୍ଧୀ ପାଳିଲେ ଦୀପାବଳି
ନୂଆଦିଲ୍ଲୀ: କଂଗ୍ରେସ ନେତା ରାହୁଲ ଗାନ୍ଧୀ ଦୀପାବଳିକୁ ନିଆରା ଢଙ୍ଗରେ ପାଳନ କରିଛନ୍ତି । ସମସ୍ତେ ଦୀପ ଜାଳି, ବାଣ ଫୁଟାଇ ପରିବାର ଓ ବନ୍ଧୁ ପରିଜନଙ୍କ ସହ ଦୀପାବଳି ପାଳିବା ବେଳେ ରାହୁଲ ତାଙ୍କ ୧୦ ଜନପଥ ସରକାରୀ ଘରେ କାନ୍ଥରେ ଚୂନ ଦେବା ସହ ପେଣ୍ଟରଙ୍କ ସହ ଦୁଃଖସୁଖ ହୋଇଛନ୍ତି । ଏହି ସମୟରେ ଭିଡିଓ ରାହୁଲ ସେୟାର କରିଛନ୍ତି ।
କଂଗ୍ରେସ ତାର ସୋସିଆଲ ମିଡିଆ ଏକ୍ସରେ ଲେଖିଛି କି, ଜନନାୟକ ରାହୁଲ ଗାନ୍ଧୀ, ପେଣ୍ଟର ସାଥିଙ୍କ କାମରେ ସାହାଯ୍ୟ କରିବା ସହ ସେମାନଙ୍କ କାମରେ ଦେଖାଦେଉଥିବା ସମସ୍ୟା ବୁଝିଛନ୍ତି । ଏହି ଦକ୍ଷ ଲୋକମାନେ ଆମ ଘରକୁ ସୁନ୍ଦର କରନ୍ତି, କିନ୍ତୁ ନିଜ ଜୀବନ ସେମାନଙ୍କର ନାନା ଚ୍ୟାଲେଞ୍ଜରେ ଭରା ରହିଛି । ଏମାନଙ୍କ ଜୀବନକୁ ସୁଖଦ କରିବା ମଧ୍ୟ ଆମରେ ଦାୟିତ୍ୱ ବୋଲି ଉଲ୍ଲେଖ କରାଯିବା ସହ ରାହୁଲ ପେଣ୍ଟରଙ୍କ ସହ ମିଶି ରଙ୍ଗ ଦେଉଥିବା ଭିଡିଓ ସେୟାର ହୋଇଛି ।
ରାହୁଲ ଗାନ୍ଧୀ ମଧ୍ୟ ତାଙ୍କ ଏକ୍ସ ଆକାଉଣ୍ଟରେ ନୂଆ ଏକ ଭିଡିଓ ସେୟାର କରିଛନ୍ତି । ଭିଡିଓରେ ସେ ପେଣ୍ଟର ଓ ଦୀପ ପ୍ରସ୍ତୁତ କରୁଥିବା କୁମ୍ଭାରଙ୍କ ସହ କଥା ହୋଇଥିବା ଦେଖିବାକୁ ମିଳିଛି । ସେ ନିଜେ ହାତରେ ପୁଟି ଲଗାଇବା ସହ ରଙ୍ଗ ବୋଳିଛନ୍ତି । ଏହି ୧୦ ଜନପଥର ଆବାସ ୟୁପିଏ ସରକାର ସମୟରେ କ୍ଷମତାର କେନ୍ଦ୍ର ଥିଲା । ଏହି ଆବାସରେ ରାହୁଲ ଓ ସୋନିଆ ଦୀର୍ଘ ସମୟରୁ ରହିଆସୁଛନ୍ତି ।
ତେବେ ଏହା ପ୍ରଥମ ଘଟଣା ନୁହେଁ, ଆଗରୁ ମଧ୍ୟ ରାହୁଲ ଶ୍ରମିକଙ୍କ ସହ ମିଳିବା ଓ ସେମାନଙ୍କ ସମସ୍ୟା ଶୁଣିଛନ୍ତି । ରାହୁଲ ଗାନ୍ଧୀ ଏହା ଆଗରୁ ରାହୁଲ ଗୋଟିଏ ସେଲୁନକୁ ଯାଇଥିଲେ । ସେଭିଂ କରିବା ସହ ସେଠାରେ କାମ କରୁଥିବା କର୍ମଚାରୀଙ୍କ ସହ ସେମାନଙ୍କ ଦୈନନ୍ଦିକ ଜୀବନ ଉପରେ ଆଲୋଚନା କରିଥିଲେ ।
एक दिवाली उनके साथ, जिनकी मेहनत से रौशन है भारत! pic.twitter.com/bfmmrjZD2S
— Rahul Gandhi (@RahulGandhi) November 1, 2024
