(Video) ଅଭିନୟ ଛାଡ଼ି ସତ ସତିକା ଲଢ଼ିଲେ ଦୁଇ କଳାକାର! ରାମଲୀଳା ମଞ୍ଚରେ ରାମଙ୍କୁ ଧକ୍କାଦେଲେ ରାବଣ, ତଳେ ପଡ଼ିଗଲେ ରାମ
ନୂଆଦିଲ୍ଲୀ: ଅକ୍ଟୋବର ୧୩ ତାରିଖରେ ପବିତ୍ର ବିଜୟାଦଶମୀ ଅବସରରେ ଦେଶର ବିଭିନ୍ନ ସ୍ଥାନରେ ରାବଣ ପୋଡ଼ି ଉତ୍ସବ ଅନୁଷ୍ଠିତ ହୋଇଥିଲା । ଏହି ଅବସରରେ ଅନେକ ସ୍ଥାନରେ ରାମଲୀଳା ମଧ୍ୟ ମଞ୍ଚସ୍ଥ ହୋଇଥିଲା । ତେବେ ମଞ୍ଚରେ ନାଟକ ମଞ୍ଚସ୍ଥ ହେଉଥିବା ଘଟିଥିଲା ଏକ ବଡ଼ ଅଘଟଣ । ଅଭିନୟ ଏକ ବଡ଼ ଝଗଡ଼ାର ରୂପ ନେଇଥିଲା ଆଉ ରାମ-ରାମ ଭୂମିକାରେ ଅଭିନୟ କରୁଥିବା ଦୁଇ କଳାକାର ପରସ୍ପର ସହ ଲଢ଼େଇରେ ମାତିଥିଲେ । ଏହି ଘଟଣାର ଭିଡିଓ ଏବେ ସୋସିଆଲ ମିଡ଼ିଆରେ ଭାଇରାଲ ହେବାରେ ଲାଗିଛି ।
ଖବର ମୁତାବକ, ଉତ୍ତରପ୍ରଦେଶରୁ ଆସିଛି ଏଭଳି ଏକ ଖବର । ଅମରୋହାରେ ରାମଲୀଳା ମଞ୍ଚସ୍ଥ ହେଉଥିବା ସମୟରେ ଅଚାନକ ରାମ ଓ ରାବଣ ଭୂମିକାରେ ଅଭିନୟ କରୁଥିବା ଦୁଇ କଳାକର ପରସ୍ପର ସହ ଲଢ଼େଇ କରିବା ଆରମ୍ଭ କରିଦେଇଥିଲେ । ମଞ୍ଚରେ ରାମ, ଲକ୍ଷ୍ମଣ ଓ ରାବଣଙ୍କ ମଧ୍ୟରେ ମହାସଂଗ୍ରାମ ଚାଲିଥିବା ବେଳେ ଅଚାନକ ରାମଙ୍କୁ ଧକ୍କା ଦେଇଥିଲେ ରାବଣ । ଏହାପରେ ରାମ ତଳେ ପଡ଼ିଯିବା ପରେ ରାମ ଓ ରାବଣ କଳାକାରଙ୍କ ମଧ୍ୟରେ ସତସତିକା ଲଢ଼େଇ ଦେଖିବାକୁ ମିଳିଥିଲା । ଏପରିକି ଦୁଇ କଳାକାରଙ୍କ ମଧ୍ୟରେ ମାରପିଟ୍ ମଧ୍ୟ ଦେଖିବାକୁ ମିଳିଥିଲା ।
ଏହି ଝଗଡ଼ା ଦେଖି ମଞ୍ଚ ତଳେ ନାଟକ ଦେଖୁଥିବା ଦର୍ଶକମାନେ ମଞ୍ଚକୁ ଯାଇ ଦୁହିଁଙ୍କୁ କୌଣସି ପ୍ରକାରେ ଶାନ୍ତ କରାଇଥିଲେ । ଏହାପରେ ଶ୍ରୀରାମ କଳାକାର ନିଜର ଡ୍ରୋସ ଖୋଲି, ମେକ୍ ଅପ୍ ହଟାଇ ସେଠାରୁ ଚାଲିଯାଇଥିଲେ । ବିଳମ୍ବିତ ରାତିରେ କୌଣସି ପ୍ରକାରେ ରାବଣ ଯୁଦ୍ଧ ମଞ୍ଚସ୍ଥ କରାଯାଇଥିଲା । ଏହି ଘଟଣାକୁ ନେଇ ଗ୍ରାମ ପଞ୍ଚାୟତରେ ଆଲୋଚନା ହୋଇଥିଲା । ମାତ୍ର ସେତେବେଳକୁ ଏହି ଘଟଣାର ଭିଡିଓ ସୋସିଆଲ ମିଡ଼ିଆରେ ଭାଇରାଲ ହୋଇସାରିଥିଲା । ତେବେ ଏହି ଘଟଣାକୁ ନେଇ ରାବଣ କଳାକାର କହିଛନ୍ତି, ଆମ ଭିତରେ କୌଣସି ମତଭେଦ ନଥିଲା । ଆମେ ଗତ କିଛିଦିନ ହେଲା ଏକତ୍ର କାମ କରିଆସିଛୁ । ସ୍ମୁଥ କାର୍ପେଟ କାରଣରୁ ରାମଙ୍କ ପାଦ ଖସିଯାଇଥିଲା । ରାମ ଓ ରାବଣଙ୍କ ଧନୁ ପରସ୍ପର ସହ ଫସିଯାଇଥିଲା । ମାତ୍ର କିଛି ଲୋକ ଏହାକୁ ସୋସିଆଲ ମିଡ଼ିଆରେ ଭାଇରାଲ କରିଦେଇଥିଲେ ।
अमरोहा : रामलीला मंचन में राम और रावण के बीच मारपीट!राम और रावण बने कलाकारों के बीच मारपीट,जमकर हुआ हंगामा।घटना का वीडियो सोशल मीडिया पर जमकर वायरल।गजरौला थाना क्षेत्र के गांव सलेमपुर गोंसाई की घटना#RamLeela #Amroha pic.twitter.com/xUhZRt1oeD
— Global Bharat News (@Global__Bharat) October 14, 2024
