(Video) ରୁରକି IIT ଛାତ୍ରାବାସ ବିରୋଧରେ ସଂଗୀନ ଅଭିଯୋଗ, ପିଲାଙ୍କୁ ଦିଆଯାଉଛି ସଂକ୍ରମିତ ଖାଦ୍ୟ
ହରିଦ୍ୱାର: ଉତ୍ତରାଖଣ୍ଡର ପ୍ରତିଷ୍ଠିତ ଆଇଆଇଟି ଶିକ୍ଷାନୁଷ୍ଠାନ ବିରୋଧରେ ଗମ୍ଭୀର ଅଭିଯୋଗ । ଛାତ୍ରଛାତ୍ରୀଙ୍କୁ ହଷ୍ଟେଲରେ ଦିଆଯାଉଛି ମୂଷା ସଂକ୍ରମିତ ଖାଦ୍ୟ, ରୋଷେଇ ଶାଳାରେ ପରିସ୍କାର ପରିଚ୍ଛନତାକୁ ଦିଆଯାଉନି ଗୁରୁତ୍ୱ । ହଷ୍ଟେଲ କିଚିନରେ ମୂଷା ବାସନରେ ଓ ଖାଦ୍ୟ ଖାଉଥିବା ବିଡିଓ ଭାଇରାଲ ହେଉଛି । ସେପଟେ ସଂସ୍ଥା ଏହି ଅଭିଯୋଗକୁ ଖଣ୍ଡନ କରିଛି ।
ରୁରକି ଆଇଆଇଟିର ହଷ୍ଟେଲରେ ରହୁଥିବା ଛାତ୍ରଛାତ୍ରୀ ଅଭିଯୋଗ କରିଥିଲେ କି, ସେମାନଙ୍କୁ ମୂଷା ଅଇଁଠା ଦିଆଯାଉଛି, ଯାହା ସଂକ୍ରମିତ ହୋଇଛି । ଏହା ବ୍ୟତୀତ ହଷ୍ଟେଲ ରୋଷେଇଘରର ପରିଷ୍କାର ପରିଚ୍ଛନ୍ନତା ଉପରେ ଗୁରୁତ୍ୱ ଦିଆଯାଉନାହିଁ । ଅଭିଯୋଗ ମୁତାବକ, ୧୭ ଅକ୍ଟୋବରରେ, ୪୦୦ ଛାତ୍ର ରହୁଥିବା ଆଇଆଇଟିର ରାଧାକୃଷ୍ଣ ଭବନର ରୋଷଶାଳାକୁ ମଧ୍ୟାହ୍ନ ଭୋଜନ ପାଇଁ ପିଲା ଯାଇ ପହଞ୍ଚିଥିଲେ । ସେମାନଙ୍କ ମଧ୍ୟରୁ କିଛି ରୋଷଶାଳା ଭିତରକୁ ଚାଲିଯାଇଥିଲେ । ସେମାନେ ସେଠାରେ ଦେଖିବାକୁ ପାଇଥିଲେ କି, ଗୋଟିଏ ପାତ୍ରରେ ଥିବା ପାଣିରେ ଗୋଟିଏ ମୂଷା ପଡିଥିବା ବେଳେ କଡେଇରେ ଥିବା ତରକାରୀକୁ ଦୁଇଟି ମୂଷା ଆରାମରେ ଖାଉଛନ୍ତି ।
ଏହା ଦେଖି ଛାତ୍ରମାନେ ତାର ଭିଡିଓ କରିଥିଲେ ଓ ଖାଦ୍ୟ ନ ଖାଇ ଚାଲିଯାଇଥିଲେ । ସେମାନେ ଏହାକୁ ନେଇ କର୍ତ୍ତୃପକ୍ଷଙ୍କ ନିକଟରେ ଅଭିଯୋଗ କରିଥିଲେ । ଏହାକୁ ସୋସିଆଲ ମିଡିଆରେ ମଧ୍ୟ କିଛି ଛାତ୍ର ପୋଷ୍ଟ କରିଥିଲେ । ଛାତ୍ରଙ୍କ ଅଭିଯୋଗ ଓ ସୋସିଆଲ ମିଡିଆ ପୋଷ୍ଟକୁ ନେଇ ଜିଲ୍ଲା ଖାଦ୍ୟ ସୁରକ୍ଷା ବିଭାଗର ଟିମ ପହଞ୍ଚି ଖାଦ୍ୟ ନମୁନା ସଂଗ୍ରହ କରିବା ସହ ଖାଦ୍ୟ ସମାଗ୍ରୀର ନମୁନା ସଂଗ୍ରହ କରିଛନ୍ତି ପରୀକ୍ଷା ପାଇଁ ।
ତେବେ ଏହି ଭିଡିଓକୁ ନେଇ କର୍ତ୍ତୃପକ୍ଷ କହିଛନ୍ତି କି, ଏହା ବିଳମ୍ବିତ ରାତ୍ରୀର । ପିଲାମାନେ ଖାଦ୍ୟ ଖାଇ ଯାଇସାରିଥିଲେ ଓ ରୋଷଶାଳା ବନ୍ଦ ଥିଲା । ରୋଷଶାଳାର ପଛ ପାଖରେ ଥିବା ବାସନକୁସନ ଓ ଉଚିଷ୍ଟ ଖାଦ୍ୟକୁ ଖାଉଥିଲେ । ପିଲାଙ୍କ ଖାଦ୍ୟ ମୂଷା ଦ୍ୱାରା ସଂକ୍ରମିତ ହୋଇ ନାହିଁ । ତଥାପି ପିଲାଙ୍କ ଅଭିଯୋଗ ଆଧାରରେ ଯାଞ୍ଚ ଚାଲିଛି ।
An incident at #IITRoorkee revealed unsanitary conditions in the Radha-Krishna Bhawan hostel mess, where live rats were found in food containers and cooking utensils
Over 400 students protested the unhygienic conditions, leading to investigations and corrective measures by the… pic.twitter.com/bkcAfZ4iHM
— The Times Of India (@timesofindia) October 20, 2024
