ଏହି ବ୍ୟାଙ୍କର ଲାଇସେନ୍ସ ରଦ୍ଦ କଲା RBI, ନିଜ ଆକାଉଣ୍ଟରୁ ଟଙ୍କା ଉଠାଇ ପାରିବେନି ଗ୍ରାହକ
ଜାଣନ୍ତୁ ଏବେ କ'ଣ ହେବ?
ନୂଆଦିଲ୍ଲୀ: ଭାରତୀୟ ରିଜର୍ଭ ବ୍ୟାଙ୍କ (RBI) ଆଉ ଏକ ବ୍ୟାଙ୍କର ଲାଇସେନ୍ସ ରଦ୍ଦ କରିଛି। ଗ୍ରାହକମାନେ ନିଜ ଆକାଉଣ୍ଟରୁ ଏଣିକି ଟଙ୍କା ଉଠାଇ ପାରିବେ ନାହିଁ। ଏହି ବ୍ୟାଙ୍କର ଲାଇସେନ୍ସ ବାତିଲ କଲା RBI।
ଏକ ବଡ଼ କାର୍ଯ୍ୟାନୁଷ୍ଠାନ ଗ୍ରହଣ କରି RBI କର୍ଣ୍ଣାଟକ ସ୍ଥିତ କାରଓ୍ୱାର ଅର୍ବାନ କୋ-ଅପରେଟିଭ୍ ବ୍ୟାଙ୍କର ଲାଇସେନ୍ସ ବାତିଲ କରିଛି। କାରୱାର ଅର୍ବାନ କୋ-ଅପରେଟିଭ୍ ବ୍ୟାଙ୍କ ପାଖରେ ବ୍ୟାଙ୍କ ଚଳାଇବା ପାଇଁ ପର୍ଯ୍ୟାପ୍ତ ପୁଞ୍ଜି ନାହିଁ ଏବଂ ବ୍ୟାଙ୍କ ପାଇଁ ରୋଜଗାର କରିବାର କୌଣସି ସମ୍ଭାବନା ନାହିଁ।
ବ୍ୟାଙ୍କର ବର୍ତ୍ତମାନର ପରିସ୍ଥିତିକୁ ବିଚାର କରି RBI ଏହାର ଲାଇସେନ୍ସ ବାତିଲ କରିଛି। RBIର ଏହି ନିଷ୍ପତ୍ତି ପରେ କାରୱାର ଅର୍ବାନ କୋ-ଅପରେଟିଭ୍ ବ୍ୟାଙ୍କ ୨୦୨୫ ମସିହା ଜୁଲାଇ ୨୩ ତାରିଖରୁ ସମସ୍ତ ପ୍ରକାରର ବ୍ୟାଙ୍କିଂ କାର୍ଯ୍ୟ ବନ୍ଦ କରିବ।
ଏହାର ସରଳ ଅର୍ଥ ହେଉଛି କାରୱାର ଅର୍ବାନ କୋ-ଅପରେଟିଭ୍ ବ୍ୟାଙ୍କର ଗ୍ରାହକମାନେ ତୁରନ୍ତ ସେମାନଙ୍କ ଆକାଉଣ୍ଟରେ ଟଙ୍କା ଜମା କରିପାରିବେ ନାହିଁ କିମ୍ବା ଉଠାଇପାରିବେ ନାହିଁ।
ଗ୍ରାହକମାନେ DICGC ମାଧ୍ୟମରେ ପାଇବେ ରାଶି: ବୁଧବାର ଦିନ ଏକ ବିବୃତ୍ତିରେ RBI କହିଛି ଯେ ‘କର୍ଣ୍ଣାଟକର ସମବାୟ ସମିତିର ରେଜିଷ୍ଟ୍ରାର’କୁ ବ୍ୟାଙ୍କକୁ ବନ୍ଦ କରିବା ଏବଂ ବ୍ୟାଙ୍କ ପାଇଁ ଜଣେ ଲିକ୍ୱିଡେଟରଙ୍କୁ ନିଯୁକ୍ତ କରିବା ପାଇଁ ଏକ ନିର୍ଦ୍ଦେଶ ଜାରି କରିବାକୁ ଅନୁରୋଧ କରାଯାଇଛି।
ଲିକ୍ୱିଡେସନ ସମୟରେ ପ୍ରତ୍ୟେକ ଜମାକାରୀ ‘ଡିପୋଜିଟ୍ ଇନସ୍ୟୁରାନ୍ସ ଆଣ୍ଡ୍ କ୍ରେଡିଟ୍ ଗ୍ୟାରେଣ୍ଟି କର୍ପୋରେସନ’ (ଡିଆଇସିଜିସି) ରୁ ୫ ଲକ୍ଷ ଟଙ୍କା ପର୍ଯ୍ୟନ୍ତ ତାଙ୍କର ଜମା ଉପରେ ଜମା ବୀମା ଦାବି ରାଶି ପାଇବାକୁ ହକଦାର ହେବେ।
ଆରବିଆଇ କହିଛି ଯେ ବ୍ୟାଙ୍କ ଦ୍ୱାରା ଦାଖଲ କରାଯାଇଥିବା ତଥ୍ୟ ଅନୁଯାୟୀ, ୯୨.୯ ପ୍ରତିଶତ ଜମାକାରୀ ଡିଆଇସିଜିସିରୁ ସେମାନଙ୍କର ଜମାର ସମ୍ପୂର୍ଣ୍ଣ ପରିମାଣ ପାଇବାକୁ ହକଦାର।
ଅର୍ଥାତ୍ କରୱାର ଅର୍ବାନ କୋ-ଅପରେଟିଭ୍ ବ୍ୟାଙ୍କର ୯୨.୯ ପ୍ରତିଶତ ଗ୍ରାହକଙ୍କ ଆକାଉଣ୍ଟରେ ୫ ଲକ୍ଷ ଟଙ୍କାରୁ କମ୍ ଟଙ୍କା ଅଛି ଏବଂ ସେମାନେ ଡିଆଇସିଜିସି ଅଧୀନରେ ଆକାଉଣ୍ଟରେ ଜମା ହୋଇଥିବା ସମସ୍ତ ଟଙ୍କା ପାଇବେ।
ପୂର୍ବରୁ ମଧ୍ୟ RBI ଅନେକ ବ୍ୟାଙ୍କର ଲାଇସେନ୍ସ ବାତିଲ କରିସାରିଛି: ଡିଆଇସିଜିସି ଜୁନ୍ ୩୦, ୨୦୨୫ ସୁଦ୍ଧା ମୋଟ ବୀମାକୃତ ଜମା ମଧ୍ୟରୁ ୩୭.୭୯ କୋଟି ଟଙ୍କା ପରିଶୋଧ କରିଛି।
RBI କହିଛି ଯେ ସମବାୟ ସମିତି ପାଖରେ ପର୍ଯ୍ୟାପ୍ତ ପୁଞ୍ଜି ଏବଂ ରୋଜଗାର ସମ୍ଭାବନା ନାହିଁ। ଆପଣଙ୍କୁ ଜଣାଇ ଦେଉଛୁ ଯେ ଆରବିଆଇ ପୂର୍ବରୁ ମଧ୍ୟ ଅନେକ ବ୍ୟାଙ୍କ ବିରୋଧରେ କାର୍ଯ୍ୟାନୁଷ୍ଠାନ ଗ୍ରହଣ କରିଥିଲା ଏବଂ ସେମାନଙ୍କର ଲାଇସେନ୍ସ ବାତିଲ କରିଥିଲା।
RBI ପୂର୍ବରୁ ଲକ୍ଷ୍ନୌର ଏଚ୍ସିବିଏଲ୍ କୋ-ଅପରେଟିଭ୍ ବ୍ୟାଙ୍କ, ଅହମ୍ମଦାବାଦର କଲର୍ ମର୍ଚ୍ଚାଣ୍ଟସ୍ କୋ-ଅପରେଟିଭ୍ ବ୍ୟାଙ୍କ, ଔରଙ୍ଗାବାଦର ଅଜନ୍ତା ଅର୍ବାନ କୋ-ଅପରେଟିଭ୍ ବ୍ୟାଙ୍କ, ଜଳନ୍ଧରର ଇମ୍ପେରିଆଲ୍ ଅର୍ବାନ କୋ-ଅପରେଟିଭ୍ ବ୍ୟାଙ୍କ ଇତ୍ୟାଦିକୁ ରଦ୍ଦ କରିଛି।