ସରିଲା ରିଟେନସନ, କେଉଁ ଦଳ ପାଖରେ କେତେ ଟଙ୍କା ରହିଲା? କିଏ ସବୁଠୁ ଧନୀ?
ନୂଆଦିଲ୍ଲୀ: ଆଇପିଏଲ-୨୦୨୫ ପାଇଁ ରିଟେନସନ ପ୍ରକ୍ରିୟା ଶେଷ ହୋଇଛି । ପ୍ରତ୍ୟେକ ଦଳ ନିଜ ରିଟେନ୍ ତାଲିକା ଘୋଷଣା କରିଛନ୍ତି । ଦିଲ୍ଲୀ, କୋଲକାତା ଏବଂ ଲକ୍ଷେ୍ନø ନିଜ ନିଜର ଅଧିନାୟକଙ୍କୁ ରିଲିଜ କରିଛନ୍ତି । ଦଳର ପ୍ରମୁଖ ଖେଳାଳିଙ୍କୁ ରିଟେନ୍ କରିବା ପରେ ଏବେ ମେଗା ଅକ୍ସନକୁ ଅପେକ୍ଷା । ତେବେ ଆସନ୍ତା ସିଜନ ପାଇଁ ପଞ୍ଜାବ କିଙ୍ଗସ ସବୁଠାରୁ କମ୍ ମାତ୍ର ୨ ଜଣ ଖେଳାଳି(ଅନକ୍ୟାପ୍ଡ)ଙ୍କୁ ରିଟେନ୍ କରିଛି । ସେହିପରି ରାଜସ୍ଥାନ ରୋୟଲ୍ସ ଖେଳାଳିଙ୍କ ରିଟେନସନ ପାଇଁ ସର୍ବାଧିକ ଟଙ୍କା ଖର୍ଚ୍ଚ କରିଛି । ତେବେ ଆସନ୍ତୁ ଦେଖିବା ରିଟେନସନ ପରେ କେଉଁ ଦଳର ପର୍ସରେ କେତେ ଟଙ୍କା ବାକି ରହିଲା ।
ବିରାଟ କୋହଲିଙ୍କ ପାଇଁ ବେଙ୍ଗଲୁରୁ ସର୍ବାଧିକ ୨୧ କୋଟି ଟଙ୍କା ଖର୍ଚ୍ଚ କରିଛି । ସର୍ବାଧିକ ବଳକା ଟଙ୍କା ମାମଲାରେ ଆରସିବି ଦ୍ୱିତୀୟ ସ୍ଥାନରେ ରହିଛି । ତେବେ ଅକ୍ସନ ପାଇଁ ସର୍ବାଧିକ ଟଙ୍କା ପର୍ସ ଭାଲ୍ୟୁ ରଖିଛି ପଞ୍ଜାବ କିଙ୍ଗସ । ଏହାବ୍ୟତୀତ ସବୁଠାରୁ କମ୍ ଟଙ୍କା ରହିଛି ରାଜସ୍ଥାନ ରୋୟଲ୍ସ ଆକାଉଣ୍ଟରେ ।
- ପଞ୍ଜାବ କିଙ୍ଗସ- ୧୧୦.୫ କୋଟି
- ରୋୟଲ ଚାଲେଞ୍ଜର୍ସ ବେଙ୍ଗଲୁରୁ- ୮୩ କୋଟି
- ଦିଲ୍ଲୀ କ୍ୟାପିଟାଲ୍ସ- ୭୩ କୋଟି
- ଲକ୍ଷେ୍ନø ସୁପର ଜିଆଣ୍ଟସ- ୬୯ କୋଟି
- ଗୁଜରାଟ ଟାଇଟନ୍ସ- ୬୯ କୋଟି
- ଚେନ୍ନାଇ ସୁପର କିଙ୍ଗସ- ୫୫ କୋଟି
- କୋଲକାତା ନାଇଟ ରାଇଡର୍ସ- ୫୧ କୋଟି
- ସନରାଇଜର୍ସ ହାଇଦ୍ରାବାଦ- ୪୫ କୋଟି
- ମୁମ୍ବାଇ ଇଣ୍ଡିଆନ୍ସ- ୪୫ କୋଟି
- ରାଜସ୍ଥାନ ରୋୟଲ୍ସ- ୪୧ କୋଟି
