୨୪ ବର୍ଷ ଭିତରେ ପ୍ରଥମ ଥର ପାଇଁ ଉତ୍ତର କୋରିଆ ଗସ୍ତରେ ଯିବେ ଋଷ ରାଷ୍ଟ୍ରପତି ପୁଟିନ
ନୂଆଦିଲ୍ଲୀ: ୨୪ ବର୍ଷ ପରେ ପ୍ରଥମ ଥର ପାଇଁ ଉତ୍ତର କୋରିଆ ଗସ୍ତରେ ଯିବେ ଋଷ ରାଷ୍ଟ୍ରପତି ଭ୍ଲାଦିମିର ପୁଟିନ । ପୁଟିନ୍ ଉତ୍ତର କୋରିଆ ରାଜଧାନୀ ପିୟୋଙ୍ଗୟାଙ୍ଗରେ କିମ୍ ଜଙ୍ଗ୍ ଉନ୍ ଙ୍କୁ ଭେଟିବାକୁ ଯାଉଛନ୍ତି।
ଗତ ବର୍ଷ ସେପ୍ଟେମ୍ବରମାସରେ ଦୁଇ ନେତା ଋଷର ଭ୍ଲାଦିଭୋସ୍ତୋକ୍ ସହରରେ ମଧ୍ୟ ସାକ୍ଷାତ କରିଥିଲେ। ୨୦ ପରେ ପୁଟିନ ପ୍ରଥମ ଥର ପାଇଁ ଉତ୍ତର କୋରିଆ ଗସ୍ତରେ ଯିବେ। ସେପଟେ ଦୁଇ ଦେଶ ମଧ୍ୟରେ ଏପରି ଗଭୀର ସମ୍ପର୍କକୁ ନେଇ ଆମେରିକା ଚିନ୍ତିତ ଥିବା ଜଣା ପଡ଼ିଛି।
କ୍ରେମ୍ଲିନ୍ ଏହି କାର୍ଯ୍ୟକ୍ରମକୁ ଏକ ବନ୍ଧୁତ୍ୱପୂର୍ଣ୍ଣ ରାଷ୍ଟ୍ରୀୟ ଗସ୍ତ ବୋଲି ବର୍ଣ୍ଣନା କରିଛି ଏବଂ ରୁଷୀୟ ଗଣମାଧ୍ୟମ ଅନୁଯାୟୀ ପୁଟିନ୍ ଏବଂ କିମ୍ ଜଙ୍ଗ୍ ସୁରକ୍ଷା ପ୍ରସଙ୍ଗ ସମେତ ଏକ ଭାଗିଦାରୀ ଚୁକ୍ତି ସ୍ୱାକ୍ଷର କରିବେ ଏବଂ ଗଣମାଧ୍ୟମକୁ ଏକ ମିଳିତ ବିବୃତି ଦେବେ ବୋଲି ଆଶା କରାଯାଉଛି।
ପୁଟିନ୍ ପିୟୋଙ୍ଗୟାଙ୍ଗର ଅର୍ଥୋଡକ୍ସ ଚର୍ଚ୍ଚ ଅଫ୍ ଦି ଲାଇଫ୍ ଗିଭିଂ ଟ୍ରିନିଟି ପରିଦର୍ଶନ କରିବେ ବୋଲି ଆଶା କରାଯାଉଛି। ଏହା ହେଉଛି ଉତ୍ତର କୋରିଆର ଏକମାତ୍ର ଅର୍ଥୋଡକ୍ସ ଚର୍ଚ୍ଚ।
୨୦୧୯ରେ ଉତ୍ତର କୋରିଆ ଗସ୍ତ ସମୟରେ ଚୀନ୍ ରାଷ୍ଟ୍ରପତି ସି ଜିନପିଙ୍ଗ୍ ରହୁଥିବା ପିୟୋଙ୍ଗୟାଙ୍ଗର କୁମ୍ସୁସାନ୍ ଗେଷ୍ଟହାଉସ୍ ରେ ପୁଟିନ୍ ରହିବେ ବୋଲି ଜଣାପଡ଼ିଛି।
ପୁଟିନ୍ ତାଙ୍କ ନୂଆ ପ୍ରତିରକ୍ଷା ମନ୍ତ୍ରୀ ଆନ୍ଦ୍ରେଇ ବେଲୁସୋଫ୍ଙ୍କ ସହ ଏହି ପ୍ରତିନିଧି ଦଳରେ ସାମିଲ ଥିବା ବେଳେ ବୈଦେଶିକ ମନ୍ତ୍ରୀ ସେର୍ଗେଇ ଲାଭରୋଭ ଏବଂ ଉପପ୍ରଧାନମନ୍ତ୍ରୀ ଆଲେକଜାଣ୍ଡର ନୋଭାକ୍ ଏହି ପ୍ରତିନିଧି ଦଳରେ ସାମିଲ ହେବେ।
