ସାହାରା ରିଫଣ୍ଡ ପୋର୍ଟାଲରେ ଆବେଦନ କରିବା ପରେ ମଧ୍ୟ ଟଙ୍କା ଆସିନାହିଁ କି ? ତେବେ ବର୍ତ୍ତମାନ ଏହା କରନ୍ତୁ

ନୂଆଦିଲ୍ଲୀ: ସାହାରାରେ ଅଟକି ରହିଥିବା ଟଙ୍କା ଫେରସ୍ତକୁ ଅପେକ୍ଷା କରିଥିବା ଆବେଦନକାରୀଙ୍କ ପାଇଁ ଏକ ବଡ଼ ଖବର ରହିଛି । ଆବେଦନ କରିବାର ୪୫ ଦିନ ପରେ ମଧ୍ୟ ଯଦି ଆପଣଙ୍କର ଟଙ୍କା ଆସିନାହିଁ, ତେବେ ଆପଣଙ୍କୁ ସାହାରା ପୋର୍ଟାଲରେ ପୁନର୍ବାର ଆବେଦନ କରିବାକୁ ପଡିବ ।

ବର୍ତ୍ତମାନ ଆପଣ ୧୯୯୯୯ ଟଙ୍କା ପର୍ଯ୍ୟନ୍ତ ଆବେଦନ କରିପାରିବେ । ପୋର୍ଟାଲରେ ଦିଆଯାଇଥିବା ସୂଚନାରେ କୁହାଯାଇଛି ଯେ, “ଆମେ ବର୍ତ୍ତମାନ ₹ ୧୯,୯୯୯ ପର୍ଯ୍ୟନ୍ତ ଦାବିଗୁଡିକ ପାଇଁ ରି-ସବମିଶନ ଗ୍ରହଣ କରୁଛୁ । ଅନ୍ୟ ଯୋଗ୍ୟ ଦାବିଗୁଡିକର ତାରିଖ ଶୀଘ୍ର ଘୋଷଣା କରାଯିବ । ପୁନଃବାର ସବମିଟ କରାଯାଇଥିବା ଦାବିଗୁଡିକ ଉପରେ ୪୫ ଦିନ ମଧ୍ୟରେ କାର୍ଯ୍ୟାନୁଷ୍ଠାନ ଗ୍ରହଣ କରାଯିବ ।’

ପୋର୍ଟାଲରେ ସୂଚନା ଦିଆଯାଇଛି ଯେ, ସେହି ଆବେଦନଗୁଡ଼ିକର ପୁନଃ-ଦାଖଲ କରିବ, ଯେଉଁଠାରେ ତ୍ରୁଟି ବିଷୟରେ ସୂଚନା ଦିଆଯାଇଛି ଏବଂ ଆବେଦନ ହେବାର ୪୫ ଦିନ ବିତିଯାଇଛି । ଯଦି ଆପଣ ପ୍ରଥମ ଥର ପାଇଁ ଆବେଦନ କରୁଛନ୍ତି, ଦୟାକରି https://mocrefund.crcs.gov.in/ ଲିଙ୍କରେ ପଞ୍ଜିକରଣ କରନ୍ତୁ ଏବଂ ଆପଣଙ୍କର ଦାବି ଦାଖଲ କରନ୍ତୁ ।

ସାହାରା ରିଫଣ୍ଡ ପୋର୍ଟାଲରେ ଆବେଦନ ପାଇଁ ଆବଶ୍ୟକ ଡକ୍ୟୁମେଣ୍ଟ୍ :-

ସାହାରାରେ ନିବେଶର ସଦସ୍ୟତା ସଂଖ୍ୟା ।
ଜମା ଖାତା ନମ୍ବର ।
ଆଧାର ମୋବାଇଲ୍ ନମ୍ବର ସଂଯୁକ୍ତ ।
ଜମାକାରୀଙ୍କ ପାସବୁକ୍ ।
ପାନ୍ କାର୍ଡ (ଯଦି ରାଶି ୫୦ ହଜାରରୁ ଅଧିକ)
କିପରି ଆବେଦନ କରିବେ ଏବଂ ପଞ୍ଜିକରଣ କରିବେ ।