ଆସିବ ‘ବଜରଙ୍ଗୀ ଭାଇଜାନ’ ସିକ୍ୱେଲ, ଷ୍ଟୋରୀ ଲେଖୁଛନ୍ତି ଏସଏସ ରାଜାମୌଲୀଙ୍କ ବାପା: ଘୋଷଣା କଲେ ସଲମାନ୍
ବଜରଙ୍ଗୀ ଭାଇଜାନ ପାର୍ଟ-୨ ର ଘୋଷଣା କରିଛନ୍ତି ସଲମାନ୍ ଖାନ୍ । ମୁମ୍ବାଇରେ ଆରଆରଆର ମୁଭିର ପ୍ରି-ରିଲିଜ୍ ଇଭେଣ୍ଟରେ ଏନେଇ ଘୋଷଣା କରିଛନ୍ତି ସଲମାନ ଖାନ୍ । ସିକ୍ୱେଲକୁ ଏସଏସ ରାଜାମୌଲୀଙ୍କ ବାପା କେ.ଭି ବିଜୟେନ୍ଦ୍ର ପ୍ରସାଦ ଲେଖୁଥିବାବେଳେ ଏହାକୁ କବୀର ଖାନ୍ ନିର୍ଦ୍ଦେଶନା କରିବେ ବୋଲି କହିଛନ୍ତି ସଲମାନ୍ । ଏହି ଇଭେଣ୍ଟରେ ଏସଏସ ରାଜାମୌଲୀ, ଜୁନିଅର ଏନଟିଆର, ରାମଚରଣ, ଶ୍ରୀୟା ଶରନ, ଆଲିଆ ଭଟ୍ଟ ପ୍ରମୁଖ ଉପସ୍ଥିତ ଥିଲେ ।
ରବିବାର ଏସଏସ ରାଜାମୌଲୀଙ୍କ ଆଗାମୀ ଫିଲ୍ମ ଆରଆରଆର ର ପ୍ରି-ରିଲିଜ ଇଭେଣ୍ଟରେ ଯୋଗଦେଇଥିଲେ ସଲମାନ । ଏହି ଇଭେଣ୍ଟରେ ସଲମାନ କହିଥିଲେ ବଜରଙ୍ଗୀ ଭାଇଜାନ ହେଉଛି ତାଙ୍କ କ୍ୟାରିୟର ସୁବୁଠୁ ଭଲ ଫିଲ୍ମ ମଧ୍ୟରୁ ଗୋଟିଏ । ଏହା ସହ ସେ ରାଜାମୌଲୀଙ୍କ ବାପାଙ୍କୁ ଧନ୍ୟବାଦ ଜଣାଇଥିଲେ । ସୂଚନାଯୋଗ୍ୟ, ବଜରଙ୍ଗୀ ଭାଇଜାନର କାହାଣୀ ମଧ୍ୟ ରାଜାମୌଲୀଙ୍କ ବାପା କେ.ଭି ବିଜୟେନ୍ଦ୍ର ପ୍ରସାଦ ଲେଖିଥିଲେ ।
