‘5G Upgrade’ ମେସେଜରୁ ଖାଲି ହୋଇ ଯାଉଛି ଆକାଉଣ୍ଟ: ଏହି ଭୁଲ ନ କରିବାକୁ ପୋଲିସର ଚେତାବନୀ

ନୂଆଦିଲ୍ଲୀ: ଦେଶରେ ଆରମ୍ଭ ହୋଇଯାଇଛି ୫ଜି ସେବା । ବିଭିନ୍ନ ସହରରେ ଜିଓ ଏବଂ ଏୟାରଟେଲ ସର୍ଭିସ ଲଞ୍ଚ ହୋଇ ସାରିଥିବା ବେଳେ ସେପଟେ ସ୍କାମର୍ସମାନେ ମଧ୍ୟ ଆକ୍ଟିଭ ହୋଇ ଯାଇଛନ୍ତି । ୫ଜି ସର୍ଭିସ ନାଁରେ ଲୋକମାନଙ୍କୁ ଠକିବା ସହ ଏହାଦ୍ୱାରା ଲୋକଙ୍କ ଆକାଉଣ୍ଟରୁ ମଧ୍ୟ ଟଙ୍କା ଲୁଯିବା ଆରମ୍ଭ କରିଛନ୍ତି । ତେବେ ଏ ନେଇ ଆଶଙ୍କା ହେବା ପରେ ଦେଶବାସୀଙ୍କୁ ଚେତାବନୀ ଦେଇଛି ପୋଲିସ ଡିପାର୍ଟମେଣ୍ଟ ।

୫ଜି ସର୍ଭିସକୁ ନେଇ ଚାଲିତିବା ସ୍କାମକୁ ନେଇ ଆଲର୍ଟ ଜାରି କରିଛି ହାଇଦ୍ରାବାଦ ସାଇବର ପୋଲିସ । ଏହି ଚେତାବନୀରେ ଫୋନରେ ଆସୁଥିବା ଲିଙ୍କକୁ କ୍ଲିକ ନ କରିବା ପାଇଁ ୟୁଜର୍ସମାନଙ୍କୁ କହିଛି ପୋଲିସ । ଲିଙ୍କ ଉପରେ କ୍ଲିକ କଲେ ଆକାଉଣ୍ଟ ଖାଲି ହୋଇ ଯାଇପାରେ ବୋଲି ପୋଲିସ ତରଫରୁ ଚେତାବନୀ ଜାରି କରାଯାଇଛି । ଏହି ସ୍କିମରେ ଲୋକମାନଙ୍କୁ ଏକ ଲିଙ୍କ ପଠାଯାଇଥାଏ । ସିମକୁ ୪ଜି ରୁ ୫ଜି କୁ ଅପଗ୍ରେଡ କରିବା ପାଇଁ ଏଥିରେ କ୍ଲିକ କରିବା ପାଇଁ କୁହାଯାଏ ।

ତେବେ ଏହାକୁ ଅଫିସିଆଲ ମେସେଜ ଭାବି ଲୋକମାନେ କ୍ଲିକ କରିବା ଦ୍ୱାରା ୟୁଜର୍ସମାନଙ୍କ ଡାଟା ସ୍କାମର୍ସଙ୍କ ନିକଟରେ ପହଞ୍ଚି ଯାଇଥାଏ । ଏହାପରେ ସେମାନଙ୍କ ଫୋନ ନମ୍ବର ସ୍ୱାପ କରି ନୂଆ ସିମ ବାହାର କରିଥାନ୍ତି ଯାହାଦ୍ୱାରା ସ୍କାମର୍ସଙ୍କୁ ଏହାର ଆକ୍ସେସ ମିଳିଯାଏ । ଏହାପରେ ଖୁବ ସହଜରେ ଏହି ନମ୍ବର ସହିତ କନେକ୍ଟ ହୋଇଥିବା ବ୍ୟାଙ୍କ ଆକାଉଣ୍ଟରୁ କୁବ ସହଜରେ ଟଙ୍କା ଉଠାଇ ନିଅନ୍ତି ସ୍କାମର୍ସ ।

5జీ పేరుతో లింక్లు పంపుతున్న సైబర్ మోసగాళ్లు..
లింక్ ఓపెన్ చేస్తే ఫోన్ హ్యాక్ అయ్యే ప్రమాదం
అలర్ట్ గా లేకపోతే ఆపదలో పడ్డట్టే..

4జీ నుంచి 5జీ సిమ్ అప్డేట్ చేసుకోవాలంటూ లింకులు పంపించి అకౌంట్స్ ఖాళీ చేస్తున్నారు.
ఆయా టెలికాం కంపెనీల పేర్లతో మొబైల్ యూజర్లకు లింక్స్ పంపిస్తున్నారు. pic.twitter.com/hwB7iVQEr1

— Cyberabad Police (@cyberabadpolice) October 7, 2022

ଏହି ମାମଲାକୁ ନେଇ ଅନେକ ଅଭିଯୋଗ ଆସିଥିବା ପୋଲିସ ସୂଚନା ଦେଇଛି । ୟୁଜର୍ସମାନଙ୍କ ଫୋନକୁ ଆସିଥିବା ଲିଙ୍କରେ କ୍ଲିକ କରିବାରୁ ଅନେକ ଲୋକଙ୍କ ଆକାଉଣ୍ଟରୁ ଟଙ୍କା କଯିଯାଇଛି । ତେଣୁ ଅନ୍ୟ ଲୋକମାନଙ୍କୁ ଏଥିରୁ ନିବୃତ୍ତ ରହିବା ପାଇଁ ଏବଂ ସାବଧାନ ରହିବା ପାଇଁ ଚେତାବନୀ ଜାରି କରିଛି ହାଇଦ୍ରାବାଦ ପୋଲିସ ।