ଶେଖ୍ ହସୀନା: ଭାରତ ପରି ବନ୍ଧୁ ପାଇ ଆମେ ନିଜକୁ ଭାଗ୍ୟଶାଳୀ ମନେ କରୁଛୁ
ଢ଼ାକା: ଆଜି ବାଂଲାଦେଶରେ ସକାଳ ୮ଟାରୁ ଭୋଟ ଗ୍ରହଣ ଆରମ୍ଭ ହୋଇସାରିଛି । ମୁଖ୍ୟ ବିରୋଧୀ ଦଳ ବାଂଲାଦେଶ ନ୍ୟାସନାଲିଷ୍ଟ ପାର୍ଟି(ବିଏନପି) ଏହି ନିର୍ବାଚନକୁ ବହିଷ୍କାର କରିଥିବା ଯୋଗୁଁ ପ୍ରଧାନମନ୍ତ୍ରୀ ଶେଖ୍ ହସୀନା କ୍ରମାଗତ ୫ମ ଥର ପାଇଁ ଜିତିବେ ବୋଲି ଆଶା କରାଯାଉଛି । ଏହି କ୍ରମରେ ଶେଖ୍ ହସୀନା ପ୍ରଥମେ ନିଜ ଭୋଟ୍ ଦେଇଥିଲେ । ଏହା ପରେ ଭାରତର ପ୍ରଶଂସା କରି କହିଥିଲେ, ‘ଭାରତ ପରି ବିଶ୍ୱସ୍ତ ବନ୍ଧୁ ପାଇ ଆମେ ନିଜକୁ ବହୁତ ଭାଗ୍ୟଶାଳୀ ମନେ କରୁଛୁ । ମୁକ୍ତି ସଂଗ୍ରାମ ସମୟରେ ଭାରତ ଆମର ସହଯୋଗ କରିଥିଲା । ୧୯୭୫ ମସିହରେ ଆମେ ପୁରା ପରିବାର ହରାଇବା ପରେ ଭାରତ ଆମକୁ ଆଶ୍ରୟ ଦେଇଥିଲା । ଭାରତବାସୀଙ୍କୁ ମୋର ଶୁଭକାମନା ।’ ଏନେଇ ଏଏନ୍ଆଇ ସୋସିଆଲ ମିଡ଼ିଆ ପ୍ଲାଟଫର୍ମ ‘ଏକ୍ସ’ରେ ଏକ ପୋଷ୍ଟ ଶେୟାର କରିଛି ।
ବାଂଲାଦେଶ ସଂସଦର ୩୦୦ଟି ଆସନ ପାଇଁ ଭୋଟ ଗ୍ରହଣ ହେଉଥିବା ବେଳେ ୧୭ କୋଟିରୁ ଉଦ୍ଧ୍ୱର୍ ଭୋଟର ପଞ୍ଜିକୃତ ହୋଇଛନ୍ତି । ଭୋଟ୍ ଗ୍ରହଣ ଶେଷ ହେବା ପରେ ସୋମବାର ସୁଦ୍ଧା ଫଳାଫଳ ପ୍ରକାଶ ପାଇବାର ସମ୍ଭାବନା ରହିଛି । ଏହି ସାଧାରଣ ନିର୍ବାଚନରେ ୨୭ଟି ରାଜନୈତିକ ଦଳର ୧୫୦୦ରୁ ଉଦ୍ଧ୍ୱ ର୍ ପ୍ରାର୍ଥୀ ମଇଦାନକୁ ଓହ୍ଲାଇଥିବା ବେଳେ ସେମାନଙ୍କ ବ୍ୟତୀତ ୪୩୬ ଜଣ ସ୍ୱାଧୀନ ପ୍ରାର୍ଥୀ ମଧ୍ୟ ଅଛନ୍ତି ।
#WATCH | Dhaka: In her message to India, Bangladesh Prime Minister Sheikh Hasina says, ''You are most welcome. We are very lucky…India is our trusted friend. During our liberation war, they supported us…After 1975, when we lost our whole family…they gave us shelter. So our… pic.twitter.com/3Z0NC5BVeD
— ANI (@ANI) January 7, 2024
