(Video) ବିଚ୍ ରାସ୍ତାରେ ଅଚାନକ ଗୁଳି ବର୍ଷଣ: ଆତଙ୍କୀ ଆକ୍ରମଣରେ ୨୩ ଜଣଙ୍କ ମୃତ୍ୟୁ
ନୂଆଦିଲ୍ଲୀ: ସାରା ବିଶ୍ୱରେ ଏବେ ହିଂସାତ୍ମକ ଘଟଣା ବଢିବାରେ ଲାଗିଛି । ପାକିସ୍ତାନ ଏକ ବଡ଼ ଆତଙ୍କବାଦୀ ଆକ୍ରମଣ ହୋଇଛି । ଦକ୍ଷିଣ-ପଶ୍ଚିମ ପାକିସ୍ତାନରେ ହୋଇଥିବା ଏହି ଆକ୍ରମଣରେ ୨୩ ଜଣଙ୍କ ମୃତ୍ୟୁ ଘଟିଥିବା ଜାଣିବାକୁ ମିଳିଛି । ଅଚାନକ୍ କିଛି ବନ୍ଧୁକ ଧାରୀ ଦୁର୍ବୃତ୍ତ ଗାଡ଼ିରୁ ଓହ୍ଲାଇ ଆଖିବୁଜା ଗୁଳିମାଡ଼ କରିଛନ୍ତି । ଯାହା ଫଳରେ ୨୩ ଜଣ ଯାତ୍ରୀ ପ୍ରାଣ ହରାଇଛନ୍ତି । ଏହି ମାମଲାକୁ ନେଇ ବର୍ତ୍ତମାନ ସାରା ବିଶ୍ୱରେ ଚାଞ୍ଚଲ୍ୟ ସୃଷ୍ଟି ହୋଇଛି ।
ରିପୋର୍ଟ ଅନୁସାରେ, ବଲୁଚିସ୍ତାନର ମୁସାଖେଲର ରାରାଶମ୍ ଅଞ୍ଚଳରେ ଘଟିଯାଇଛି ଏକ ହୃଦୟ ବିଦାରକ ଘଟଣା । ବସ୍ ଏବଂ ଟ୍ରକରୁ ଯାତ୍ରୀମାନଙ୍କୁ ଓହ୍ଲାଇ ନେଇ ମୋଟ ୨୩ ଜଣ ଯାତ୍ରୀଙ୍କୁ ହତ୍ୟା କରିଛନ୍ତି ଦୁର୍ବୃତ୍ତ । କିଛି ବନ୍ଧୁକଧାରୀ ଦୁର୍ବୃତ୍ତ ଯାତ୍ରୀମାନଙ୍କ ଉପରକୁ ଆଖିବୁଜା ଗୁଳିମାଡ଼ କରିବା ସହ ହତ୍ୟା କରିଥିବା ସୂଚନା ଦେଇଛି ପୋଲିସ । ଆତଙ୍କବାଦୀ ବଲୁଚିସ୍ତାନର ମୁସାଖାଇଲ ଜିଲ୍ଲାରେ କିଛି ବସ୍, ଟ୍ରକ ଏବଂ ଭ୍ୟାନ୍ ଅଟକାଇବା ପରେ ଏଭଳି କାଣ୍ଡ କରିଛନ୍ତି । ତେବେ ହତ୍ୟା କରିବା ପୂର୍ବରୁ ଯାତ୍ରୀମାନଙ୍କର ଜାତିଗତ ପରିଚୟ ମାଗିଥିଲେ । ୨୩ ଜଣଙ୍କ ମୃତ୍ୟୁ ପରେ ୫ ଜଣ ଏହି ଆକ୍ରମଣରେ ଆହତ ହୋଇଥିବା ଜଣାଯାଇଛି । ଏହି ଗାଡ଼ିଗୁଡ଼ିକ ପଞ୍ଜାବ ଏବଂ ବଲୁଚିସ୍ତାନକୁ ସଂଯୋଗ କରୁଥିବା ରାଜମାର୍ଗ ଦେଇ ଯିବା ସମୟରେ ଆକ୍ରମଣର ଶିକାର ହୋଇଛି ।
#BREAKING: 23 people from Pak Punjab killed in Balochistan’s Musakhel district after unidentified gunmen offloaded passengers from trucks and buses early Monday morning and shot at them after checking their identities. Balochistan out of control of Pakistan Army & Frontier Corps. pic.twitter.com/ftQyCxNsQp
— Aditya Raj Kaul (@AdityaRajKaul) August 26, 2024
ଏ ନେଇ ମୁସାଖାଇଲର ଜଣେ ବରିଷ୍ଠ ଅଧିକାରୀ ନଜୀବୁଲ୍ଲା କାକର କହିଛନ୍ତି ଯେ, ପଞ୍ଜାବରୁ ଯାତାୟତ କରୁଥିବା ଯାନବାହନକୁ ଯାଞ୍ଚ କରାଯାଇଥିଲା । ଏହାପରେ ପଞ୍ଜାବର ଯାତ୍ରୀମାନଙ୍କୁ ଚିହ୍ନଟ କରାଯାଇ ସେମାନଙ୍କୁ ଗୁଳି କରିଥିଲେ ଦୁର୍ବୃତ୍ତ । ତେବେ ଏହାପରେ ଅନ୍ତର-ପ୍ରାନ୍ତୀୟ ରାଜମାର୍ଗକୁ ବ୍ଲକ୍ କରିବା ସହ ଯାତ୍ରୀମାନଙ୍କୁ ଗାଡ଼ିରୁ ବାହାର କରି ଗୁଳି କରାଯାଇଥିବା ସୂଚନା ମିଳିଛି । ଏହାବ୍ୟତୀତ ୧୦ଟି ଗାଡ଼ିରେ ସେମାନେ ନିଆଁ ଲଗାଇ ଦେଇଛନ୍ତି । ତେବେ ପାକିସ୍ତାନରେ ଏହି ଘଟଣାକୁ ରାଷ୍ଟ୍ରପତି ଆସିଫ ଅଲି ଜରଦାରୀଙ୍କ ସମେତ ପ୍ରଧାନମନ୍ତ୍ରୀ ଶେହବାଜ ଶରୀଫ ମଦ୍ୟ ନିନ୍ଦା କରିଛନ୍ତି । ଏହାସହିତ ପ୍ରାଣ ହରାଇଥିବା ବ୍ୟକ୍ତିମାନଙ୍କ ପାଇଁ ଶୋକ ପ୍ରକାଶ କରିବା ସହ ସେମାନଙ୍କ ପରିବାରକୁ ସମ୍ବେଦନା ଜଣାଇଛନ୍ତି ।
