(Video) ୫୦୦ ଲୋକଙ୍କୁ ମୃତ୍ୟୁମୁଖରୁ ଛଡ଼ାଇ ଆଣିଲେ ବୀର ଯବାନ: ବାହାଦୂରୀ ଦେଖାଇଲା Indian Army
ନୂଆଦିଲ୍ଲୀ: ବିଭିନ୍ନ ବିପଦ-ଆପଦରେ ସର୍ବଦା ନିଜର ଶକ୍ତି ଏବଂ ସାହସିକତା ଦେଖାଇଛି ଭାରତୀୟ ସେନାବାହିନୀ । ନିଜ ଜୀବନକୁ ବାଜି ଲଗାଇ ଅନେକ ବିପଦକୁ ସାମ୍ନା କରିଛନ୍ତି ଦେଶର ବୀର ଯବାନ୍ । ଦେଶକୁ ଶତ୍ରୁ କବଳରୁ ରକ୍ଷା କରିବା ହେଉ କି, ଦେଶବାସୀଙ୍କୁ ସମସ୍ୟାରୁ ବାହାର କରିବା ହେଉ, ସବୁ କ୍ଷେତ୍ରରେ ସେନା ଆଗରେ ଛିଡ଼ା ହୋଇଛି । ପଛଘୁଞ୍ଚା ନ ଦେଇ ସମସ୍ତ ବିପଦରେ ଲଢିବା ସହ ବିଜୟ ହାସଲ କରି ସାମର୍ଥ୍ୟ ଦେଖାଇଛନ୍ତି ଦେଶର ବୀର ଯବାନ । ତେବେ ଏଭଳି ଏକ ଘଟଣା ବର୍ତ୍ତମାନ ଦେଖିବାକୁ ମିଳିଛି ସିକିମରେ । ନିଜ ଜୀବନକୁ ବାଜି ଲଗାଇ ଭାରତୀୟ ସେନାର ଯବାନ ପ୍ରାୟ ୫୦୦ ଲୋକଙ୍କୁ ମୃତ୍ୟୁମୁଖରୁ ସୁରକ୍ଷିତ ଭାବରେ ଫେରାଇ ଆଣିଛନ୍ତି ।
ସିକିମର ଭାରତ-ଚୀନ ସୀମା ନାଥୁଲା ଅଞ୍ଚଳରେ ପ୍ରବଳ ତୁଷାରପାତ ଜାରି ରହିଛି । ଏହି ତୁଷାରପାତ ଯୋଗୁଁ ପ୍ରାୟ ୫୦୦ରୁ ଅଧିକ ପର୍ଯ୍ୟଟକ ବରଫ ତଳେ ଫସି ଯାଇଥିଲେ । ତେବେ ଦେବଦୂତ ସାଜି ଘଟଣାସ୍ଥଳରେ ପହଞ୍ଚିବା ସହ ସମସ୍ତଙ୍କୁ ଉଦ୍ଧାର ପାଇଁ ଅପରେସନ୍ ଆରମ୍ଭ କରିଥିଲା ଭାରତୀୟ ସେନା । ସେନାର ତ୍ରିଶକ୍ତି କୋର ଯବାନମାନେ ପୂର୍ବ ସିକିମରେ ଅଚାନକ ହୋଇଥିବା ତୁଷାରପାତରେ ଫସି ରହିଥିବା ୫୦୦ରୁ ଅଧିକ ପର୍ଯ୍ୟଟକଙ୍କୁ ସୁରକ୍ଷିତ ଉଦ୍ଧାର କରିବାରେ ସଫଳ ହୋଇଛନ୍ତି ବୀର ଯବାନ । ସେଠାରୁ ପର୍ଯ୍ୟଟକମାନଙ୍କୁ ଉଦ୍ଧାର କରିବା ସହଜ ନଥିଲେ ମଧ୍ୟ ନିଜ ଜୀବନକୁ ବାଜି ଲଗାଇ ବୀର ଯବାନ୍ ଏହା କରି ଦେଖାଇଛନ୍ତି । ଏଥି ସହ ସେନା ନିଜର ଶକ୍ତି, ସାହସିକତା ଏବଂ ଦେଶପ୍ରେମକୁ ପୁଣିଥରେ ପ୍ରମାଣ କରି ଦେଖାଇଛି ।
𝐒𝐮𝐝𝐝𝐞𝐧 𝐒𝐧𝐨𝐰𝐟𝐚𝐥𝐥 𝐢𝐧 𝐄𝐚𝐬𝐭 𝐒𝐢𝐤𝐤𝐢𝐦, 𝟓𝟎𝟎 𝐒𝐭𝐫𝐚𝐧𝐝𝐞𝐝 𝐓𝐨𝐮𝐫𝐢𝐬𝐭𝐬 𝐑𝐞𝐬𝐜𝐮𝐞𝐝 𝐛𝐲 𝐓𝐫𝐨𝐨𝐩𝐬 𝐨𝐟 𝐓𝐫𝐢𝐬𝐡𝐚𝐤𝐭𝐢 𝐂𝐨𝐫𝐩𝐬 𝐈𝐧𝐝𝐢𝐚𝐧 𝐀𝐫𝐦𝐲
Due to sudden heavy snowfall, approximate 175 vehicles with more than 500 tourists got… pic.twitter.com/vdQTbdQ6jJ
— Trishakticorps_IA (@trishakticorps) February 21, 2024
ଏ ନେଇ ଜଣେ ଅଧିକାରୀ କହିଛନ୍ତି ଯେ, ତ୍ରିଶକ୍ତି କୋର ଯବାନମାନଙ୍କୁ ଏଠାରେ ସମସ୍ତଙ୍କୁ ଉଦ୍ଧାର କରିବା ପାଇଁ ପଠାଯାଇଥିଲା । ଏହାପରେ ସମସ୍ତ ପର୍ଯ୍ୟଟକଙ୍କୁ ଉଦ୍ଧାର କରି ସେମାନଙ୍କୁ ଗରମ ଖାଦ୍ୟ ଓ ଚିକିତ୍ସା ପ୍ରଦାନ କରିବା ସହ ସେମାନଙ୍କ ପାଇଁ ସୁରକ୍ଷିତ ପରିବହନ ଉପଲବ୍ଧ କରାଯାଇଛି । ଏହି ଘଟଣାର କିଛି ଫଟୋ ଏବଂ ଭିଡିଓ ବର୍ତ୍ତମାନ ସୋସିଆଲ ମିଡିଆରେ ଭାଇରାଲ ହେବାରେ ଲାଗିଛି ।