ନିଜ କୁଣ୍ଡଳୀର ‘ମଙ୍ଗଳ ଦୋଷ’ କାଟିବା ପାଇଁ ସ୍ୱାମୀ ରାଜା ରଘୁବଂଶୀଙ୍କୁ ହତ୍ୟା କରିଛି ନରହନ୍ତା ସ୍ତ୍ରୀ ସୋନମ !

ମଧ୍ୟପ୍ରଦେଶ: ଶିକ୍ଷିତ ସୋନମ କ’ଣ ‘ମଙ୍ଗଳ ଦୋଷ’ ଯୋଗୁଁ ତାଙ୍କ ସ୍ୱାମୀ ରାଜା ରଘୁବଂଶୀଙ୍କୁ ହତ୍ୟା କରିଥିଲେ? ଇନ୍ଦୋରର ବ୍ୟବସାୟୀ ରାଜା ହତ୍ୟା ମାମଲାରେ ପ୍ରତିଦିନ ନୂଆ ନୂଆ ଖୁଲାସା ହେଉଛି।

ପୁଅକୁ ହରାଇ ଭାଙ୍ଗିପଡିଥିବା ରାଜାଙ୍କ ବାପା ସୋନମଙ୍କ କୁଣ୍ଡଳୀରୁ ‘ମଙ୍ଗଳ ଦୋଷ’ ହଟାଇବା ପାଇଁ ତାଙ୍କ ସ୍ୱାମୀଙ୍କୁ ହତ୍ୟା କରିଥିବା ଅଭିଯୋଗ କରିଛନ୍ତି। ତାଙ୍କ କହିବା କଥା, ସୋନମ ତାଙ୍କ ପ୍ରେମିକ ରାଜ କୁଶୱାହାଙ୍କୁ ବିବାହ କରିବା ପାଇଁ ଏପରି କରିଥିଲେ।

ମଙ୍ଗଳ ଦୋଷ ପାଇଁ ହତ୍ୟା: ରାଜାଙ୍କ ବାପା ମଙ୍ଗଳବାର ଦିନ ଗଣମାଧ୍ୟମକୁ ପ୍ରତିକ୍ରିୟା ଦେଇ କହିଛନ୍ତି ଯେ, ତାଙ୍କ ପୁଅର ହତ୍ୟାକାରୀମାନଙ୍କୁ ମୃତ୍ୟୁଦଣ୍ଡ ଦିଆଯାଉ। କାରଣ ସୋନମ କାଳେ ତାର ପ୍ରେମିକ ରାଜକୁ ବିବାହ କରିବାକୁ ଚାହୁଁଥିଲାଷ

ହେଲେ ତାର କୌଣସି ମଙ୍ଗଳ ଦୋଷ ଥିଲା। ତେଣୁ ସେ ପ୍ରଥମେ ରାଜାକୁ ବିବାହ କରିବା ପରେ ତାର ହତ୍ୟା କରି ମଙ୍ଗଳ ଦୋଷ କାଟିବା ପରେ ରାଜ ସହ ବିବାହ କରିବାର ପ୍ଲାନ କରିଥିଲା।

ଅଭିଯୁକ୍ତଙ୍କୁ ମିଳୁ ମୃତ୍ୟୁଦଣ୍ଡ: ଅଧିକାରୀମାନେ କହିଛନ୍ତି ଯେ ରବିବାର ବିଳମ୍ବିତ ରାତିରେ ସୋନମ ଉତ୍ତର ପ୍ରଦେଶର ଗାଜିପୁର ଜିଲ୍ଲାରେ ପୋଲିସ ନିକଟରେ ଆତ୍ମସମର୍ପଣ କରିଛନ୍ତି। କୁଶୱାହା ସମେତ ଚାରି ଅଭିଯୁକ୍ତଙ୍କୁ ମଧ୍ୟ ପ୍ରଦେଶ ଏବଂ ଉତ୍ତର ପ୍ରଦେଶର ବିଭିନ୍ନ ଅଞ୍ଚଳରୁ ଗିରଫ କରାଯାଇଛି।

ଅଭିଯୋଗ ହୋଇଛି ଯେ ସୋନମ ତାଙ୍କ ପ୍ରେମିକ ରାଜ କୁଶୱାହାଙ୍କ ସହିତ ମିଶି ଭଡାଟିଆ ହତ୍ୟାକାରୀଙ୍କ ମାଧ୍ୟମରେ ତାଙ୍କ ସ୍ୱାମୀ ରାଜା ରଘୁବଂଶୀଙ୍କୁ ହତ୍ୟା କରିଥିଲେ। ରାଜା ରଘୁବଂଶୀଙ୍କ ମୃତ୍ୟୁ ପାଇଁ ଶୋକ ପ୍ରକାଶ କରୁଥିବା ତାଙ୍କ ପିତା ଅଶୋକ ରଘୁବଂଶୀ କହିଛନ୍ତି, ‘ମୋ ପୁଅ ଯନ୍ତ୍ରଣାରେ ଛଟପଟ ହୋଇ ମରିଗଲା।

ତେଣୁ ମୋ ପୁଅକୁ ଯେଉଁଭଳି ହନ୍ତସନ୍ତ କରି ମାରିଛନ୍ତି, ସେହିପରି ଅଭିଯୁକ୍ତମାନଙ୍କୁ ସେମିତି ହନ୍ତସନ୍ତ କରି ମାରନ୍ତୁ। ସେମାନଙ୍କୁ ଫାଶୀ ଦେଇ ଦିଅନ୍ତୁ ବୋଲି ଦାବି କରିଛନ୍ତି ରାଜାଙ୍କ ବାପା। ଯାହାଦ୍ୱାରା ଉଦାହରଣ ସୃଷ୍ଟି ହେବ ଏବଂ ଭବିଷ୍ୟତରେ କୌଣସି ବାପା-ମାଆଙ୍କୁ ଏପରି ନିଜ ପୁଅକୁ ହରାଇବାକୁ ପଡ଼ିବ ନାହିଁ।

କଫିନ୍ ପିନ୍ଧି ଘରକୁ ଫେରିଲେ: ରାଜାଙ୍କ ବାପା ଭାବପ୍ରବଣ ହୋଇ କୁହନ୍ତି ଯେ ତାଙ୍କ ପୁଅ, ଯିଏକି ହନିମୁନ ପାଇଁ ଅତି ଖୁସିରେ ଘରୁ ବାହାରକୁ ଯାଇଥିଲା, ଶେଷରେ ଏକ କଫିନ୍ ପିନ୍ଧି ଘରକୁ ଫେରିଲା।

ଅତି ବିଭତ୍ସ ହତ୍ୟାକାଣ୍ଡ ଯୋଗୁଁ ମୋ ପୁଅର ଶରୀର ବିକୃତ ହୋଇଯାଇଥିଲା। ମୁଁ ଜଣେ ହୃଦରୋଗୀ, ତେଣୁ ମୋ ସ୍ୱାସ୍ଥ୍ୟ ପାଇଁ ଚିନ୍ତା କରି, ମୋ ପରିବାର ସଦସ୍ୟମାନେ କଫିନ୍ ଖୋଲି ମୋ ପୁଅକୁ ଶେଷ ଥର ପାଇଁ ଦେଖିବାରୁ ମୋତେ ଦେଲେନାହିଁ।

ମଙ୍ଗଳ ଦୋଷ ଦୂର କରେନାହିଁ: ରଘୁବଂଶୀ ଏହା ମଧ୍ୟ ଦାବି କରିଛନ୍ତି ଯେ ରାଜାଙ୍କ ପତ୍ନୀ ସୋନମ ତାଙ୍କ କୁଣ୍ଡଳୀରେ ଥିବା ‘ମଙ୍ଗଳ ଦୋଷ’ ଦୂର କରିବା ପାଇଁ ତାଙ୍କ ସ୍ୱାମୀଙ୍କୁ ହତ୍ୟା କରିଥିଲେ ଯାହାଫଳରେ ସେ ପରେ ତାଙ୍କ କଥିତ ପ୍ରେମିକ ରାଜ କୁଶୱାହାଙ୍କୁ ବିବାହ କରିପାରିବେ।

ତଥାପି, ସ୍ଥାନୀୟ ଜ୍ୟୋତିଷ ଧୀରଜ ଦୀକ୍ଷିତ ଏହାକୁ ଏକ ମିଥ୍ୟା ବୋଲି କହିଛନ୍ତି ଏବଂ କହିଛନ୍ତି ଯେ ଜଣେ ବ୍ୟକ୍ତିର ଜୀବନସାଥୀଙ୍କ ମୃତ୍ୟୁ ତାଙ୍କ ‘ମଙ୍ଗଳ ଦୋଷ’ ଦୂର କରେ ନାହିଁ।

ପ୍ରାରମ୍ଭରେ, ରାଜା ରଘୁବଂଶୀଙ୍କ ପରିବାର ମେଘାଳୟ ସରକାରଙ୍କୁ ପ୍ରଶ୍ନ କରିଥିଲେ, ତାଙ୍କ ହତ୍ୟା ମାମଲାର ତଦନ୍ତରେ ଅବହେଳା ଅଭିଯୋଗ କରିଥିଲେ, କିନ୍ତୁ ହତ୍ୟାର ପର୍ଦ୍ଦାଫାସ ପରେ, ଏହି ପରିବାରର ସ୍ୱର ବଦଳି ଯାଇଛି।

ରାଜା ରଘୁବଂଶୀଙ୍କ ବଡ଼ ଭାଇ ବିପିନ ରଘୁବଂଶୀ କହିଛନ୍ତି ଯେ ସେ ମେଘାଳୟ ସରକାରଙ୍କ ବିରୁଦ୍ଧରେ ଦେଇଥିବା ବୟାନ ପାଇଁ କ୍ଷମା ମାଗିବାକୁ ଚାହାଁନ୍ତି। ସେ କହିଛନ୍ତି, ‘ଆମେ ଜାଣି ନଥିଲୁ ଯେ ମେଘାଳୟ ପୋଲିସ ରାଜାଙ୍କ ହତ୍ୟାକାରୀମାନଙ୍କୁ ଧରିବା ପାଇଁ ଏକ ଗୁପ୍ତ ଅଭିଯାନ ଚଳାଇଛି।

ଆମର ମେଘାଳୟ ସରକାରଙ୍କୁ ବଦନାମ କରିବାର କୌଣସି ଉଦ୍ଦେଶ୍ୟ ନଥିଲା। କଷ୍ଟକର ସମୟରେ ଆମକୁ ସମର୍ଥନ କରିବା ପାଇଁ ଆମେ ମଧ୍ୟ ପ୍ରଦେଶ ସରକାରଙ୍କ ପ୍ରତି ମଧ୍ୟ କୃତଜ୍ଞ।’