କେନ୍ଦ୍ର କ୍ରିଡ଼ା ମନ୍ତ୍ରଳାୟର ବଡ଼ କର୍ଯ୍ୟାନୁଷ୍ଠାନ, କୁସ୍ତି ସଂଘର ସହ ସମ୍ପାଦକ ନିଲମ୍ବିତ
ନୂଆଦିଲ୍ଲୀ: ମହିଳା କୁସ୍ତିଯୋଦ୍ଧାଙ୍କୁ ଯୌନ ନିର୍ଯ୍ୟାୟନା ଅଭିଯୋଗରେ ଚାଲିଥିବା ଆନ୍ଦୋଳନ ମଧ୍ୟରେ କୁସ୍ତି ସଂଘର ଅଧିକାରୀମାନେ ଏବେ ଟାର୍ଗେଟ୍ରେ ରହିଛନ୍ତି। କୁସ୍ତିଯୋଦ୍ଧା ମାନଙ୍କ ଅଭିଯୋଗ ମଧ୍ୟରେ କର୍ଯ୍ୟାନୁଷ୍ଠାନ ନେଇଛନ୍ତି କେନ୍ଦ୍ର କ୍ରିଡ଼ା ମନ୍ତ୍ରଳାୟ। ମନ୍ତ୍ରଳାୟ କୁସ୍ତି ସଂଘର ସହକାରୀ ସମ୍ପାଦକ ବିନୋଦ ତୋମାରଙ୍କୁ ନିଲମ୍ବନ କରିଛନ୍ତି। ଏହି ବିବାଦ ଆରମ୍ଭ ହେବା ପରେ ବିନୋଦ ବ୍ରଜଭୁଷଣଙ୍କ ସପକ୍ଷରେ ବୟାନ ଦେଇଥିଲେ।
ବ୍ରଜ ଭୂଷଣ ଶରଣ ସିଂଙ୍କ ସପକ୍ଷରେ ଏକ ବିବୃତ୍ତି ଦେଇ ବିନୋଦ ତୋମାର ଶନିବାର ସନ୍ଧ୍ୟାରେ କହିଥିଲେ ଯେ, ଫେଡେରେଶନର ଅଧିକାଂଶ ଲୋକ ବ୍ରିଜ ଭୂଷଣ ଶରଣ ସିଂଙ୍କ ସହ ଅଛନ୍ତି ଏବଂ ବ୍ୟକ୍ତିଗତ ଭାବେ ମୁଁ ଏହି ଅଭିଯୋଗ ପାଇ ନାହିଁ। ତେବେ ତଦନ୍ତ ରିପୋର୍ଟ ଆସିବା ପର୍ଯ୍ୟନ୍ତ ବ୍ରିଜ ଭୂଷଣ ଶରଣ ସିଂ ଏହି ବିଷୟରେ କିଛି କହିବେ ନାହିଁ ଏବଂ ଏହା ପରେ ସେ ଅଭିଯୋଗ ସମ୍ପର୍କରେ ନିଜର ମତ ଉପସ୍ଥାପନ କରିବେ।
ବିନୋଦ ତୋମାର ଲମ୍ବା ସମୟ ଧରି ଏହି ପଦବୀରେ ନିଯୁକ୍ତ ଥିଲେ। ୨୯ ଅକ୍ଟୋବର ୨୦୦୨ରେ ରେସଲିଂ ଫେଡେରେସନ୍ ଅଫ୍ ଇଣ୍ଡିଆ (ଡବ୍ଲୁଏଫ୍ଆଇ) ଦ୍ୱାରା ବିନୋଦ ତୋମାର ସହକାରୀ ସଚିବ ଭାବରେ ନିଯୁକ୍ତ ହୋଇଥିଲେ। ବିନୋଦ ତୋମାରଙ୍କ ଭୂମିକା ସହିତ WFI ର କାର୍ଯ୍ୟକାରିତା ବିଷୟରେ ମନ୍ତ୍ରଣାଳୟ ଧ୍ୟାନ ଦେଇଥିଲା। ଏହି ରିପୋର୍ଟଗୁଡିକରେ, ମନ୍ତ୍ରଣାଳୟ ଜାଣିବାକୁ ପାଇଲା ଯେ ବିନୋଦ ତୋମା ଙ୍କ ଉପସ୍ଥିତି ଅନୁଶାସନ ପାଇଁ କ୍ଷତିକାରକ। କ୍ରୀଡା ମନ୍ତ୍ରଣାଳୟ ସହକାରୀ ସଚିବ ବିନୋଦ ତୋମାରଙ୍କୁ କ୍ରୀଡ଼ା ସଂକେତ ୨୦୧୧ (ଧାରା- ୯) ଅନୁଯାୟୀ ତୁରନ୍ତ ନିଲମ୍ବନ କରିବାକୁ ନିଷ୍ପତ୍ତି ନେଇଛି।
Ministry of Sports suspends Vinod Tomar, Assistant Secretary of the Wrestling Federation of India (WFI)
(File pic) pic.twitter.com/SnM7Ltn6VS
— ANI (@ANI) January 21, 2023
