ମଧ୍ୟାହ୍ନ ଭୋଜନରେ ଅଣ୍ଡା ଦେଖି ସ୍କୁଲ ଛାଡ଼ିଦେଲେ ୮୪ ପିଲା

ବେଙ୍ଗାଲୁରୁ: ସ୍କୁଲରେ ଦିଆଯାଉଛି ଅଣ୍ଡା ଆଉ ଯିବିନି ସ୍କୁଲ। ଏଭଳି କହି ସ୍କଲୁ ଛାଡ଼ିଲେ ୮୪ଜଣ ପିଲା

କର୍ଣ୍ଣାଟକର ଆଲକେରେ ଗାଁରେ, ସିଝା ଅଣ୍ଡାକୁ ନେଇ ଏକ ବିବାଦ ଦେଖାଦେଇଛି। ଯାହା ପ୍ରତିବାଦରେ ୮୪ ଜଣ ଛାତ୍ରଙ୍କୁ ସେମାନଙ୍କ ସରକାରୀ ସ୍କୁଲ ଛାଡିବାକୁ ବାଧ୍ୟ ହୋଇଛନ୍ତିି।

ତୁମାକୁରୁ ଜିଲ୍ଲାର ଟିପତର ବ୍ଲକର ସରକାରୀ ଉଚ୍ଚ ପ୍ରାଥମିକ ବିଦ୍ୟାଳୟରେ ୧୨୪ ଜଣ ଛାତ୍ର ପାଠ ପଢ଼ୁଥିଲେ। କିନ୍ତୁ ମଧ୍ୟାହ୍ନ ଭୋଜନରେ ଅଣ୍ଡା ନିୟମିତ ଭାବରେ ଦିଆଯିବାରୁ ତାହା ପରଠାରୁ ଉତ୍ତେଜନା ଲାଗି ରହିଥିଲା। ଲିଙ୍ଗାୟତ ସମ୍ପ୍ରଦାୟର ଅଭିଭାବକମାନେ ଏହି ବିରୋ କରିଥିଲେ।

ଏମାନଙ୍କର ଭଗବାନ ଶିବ ପ୍ରତି ରହିଥାଏ ଅତୁଟ ଭଲ ପାଇବା ଓ ଭକ୍ତି। ଯାହା ପାଇଁ ଏମାନେ ନିରାମିଶ ଖାଆନ୍ତି।ସ୍କୁଲରେ ଅଣ୍ଡା ରନ୍ଧା ହେଉଥିବାର ପ୍ରତିବାଦ ପ୍ରସଙ୍ଗ ଶେଷରେ ଉଗ୍ର ରୂପ ନେଇଛି।

କର୍ଣ୍ଣାଟକ ସରକାର ଛାତ୍ରଛାତ୍ରୀମାନଙ୍କୁ ସିଝା ଅଣ୍ଡା, କଦଳୀ କିମ୍ବା ଚିକି ମଧ୍ୟରୁ ଗୋଟିଏ ବାଛିବାକୁ ପ୍ରସ୍ତାବ ଦେଇଥିଲେ। ଅଣ୍ଡା ବିତର୍କ ବଡ଼ ହେବାକୁ ଲାଗିଲା।

ଯାହା ପାଇଁ ୮୪ ପିଲାଙ୍କ ପିତା, ମାତା ତାଙ୍କ ସ୍କୁଲ ବଦଳାଇଦେଇଥିଲେ। ଅନ୍ୟ ସ୍କୁଲକୁ ପିଲାଙ୍କୁ ସ୍ଥାନାନ୍ତର କରିଥିଲେ ବୋଲୀ ମାଣ୍ଡ୍ୟା ବିଧାୟକ ରବିକୁମାର ଗୌଡା କହିଛନ୍ତି।

ସ୍କୁଲ କର୍ତ୍ତୃପକ୍ଷ କୌଣସି ଲାଭ ନ ପାଇ ମଧ୍ୟସ୍ଥତା କରିବାକୁ ଚେଷ୍ଟା କରିଥିଲେ। ଆମେ ଲୋକଙ୍କ ମାନସିକତାକୁ ପରିବର୍ତ୍ତନ କରିପାରିବୁ ନାହିଁ, ଏବଂ ଆମକୁ ନିୟମ ପାଳନ କରିବାକୁ ପଡିବ, ଗୌଡା କହିଥିଲେ।

କର୍ଣ୍ଣାଟକ ଶିକ୍ଷା ମନ୍ତ୍ରୀ ମଧୁ ବାଙ୍ଗାରପ୍ପା ବିଧାନସଭାରେ କହିଛନ୍ତି ଯେ ଏପରି ପରିସ୍ଥିତିକୁ ଏଡାଇବା ପାଇଁ ଏବେ ବିଦ୍ୟାଳୟରେ ପିଲାଙ୍କ ପ୍ରବେଶ ସମୟରେ ପିତାମାତାଙ୍କ ପସନ୍ଦ ରେକର୍ଡ କରାଯିବ।

ବିଜେପି ବିଧାୟକ ଏନ. ରବିକୁମାରଙ୍କ ଏକ ବିବୃତ୍ତି ଅଣ୍ଡା ବିବାଦକୁ ଆହୁରି ବଢ଼ାଇ ଦେଇଛି। ରବିକୁମାର ବିଧାନସଭାରେ ସୂଚନା ଦେଇଛନ୍ତି ଯେ ମଧ୍ୟାହ୍ନ ଭୋଜନ ଯୋଜନାର ଅଂଶ ସ୍ୱରୂପ।

ସ୍କୁଲ ପିଲାମାନଙ୍କୁ ଅଣ୍ଡା ଯୋଗାଇବା ପାଇଁ ଅଜିମ ପ୍ରେମଜୀ ଫାଉଣ୍ଡେସନ ତିନି ବର୍ଷ ମଧ୍ୟରେ ୧,୫୦୦ କୋଟି ଟଙ୍କା ପ୍ରଦାନ କରିବାକୁ ପ୍ରତିଶ୍ରୁତି ଦେଇଛି।

ସେ ଅଭିଯୋଗ କରିଛନ୍ତି ଯେ ସ୍କୁଲଗୁଡ଼ିକର ଅଚାନକ ଯାଞ୍ଚରୁ ଜଣାପଡ଼ିଛି ଯେ ପିଲାମାନେ ଅଣ୍ଡା ପାଉନାହାଁନ୍ତି।