‘ଭାରତୀୟ ମହିଳା ଶକ୍ତି ଓ ସାହସର ପ୍ରତୀକ’: ଜନ୍ମ ବାର୍ଷିକୀରେ ରାଣୀ ଲକ୍ଷ୍ମୀବାଇଙ୍କୁ ଶ୍ରଦ୍ଧାଞ୍ଜଳି ଅର୍ପଣ କଲେ ପ୍ରଧାନମନ୍ତ୍ରୀ
ନୂଆଦିଲ୍ଲୀ: ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀ ଏବଂ କଂଗ୍ରେସ ସଭାପତି ମଲ୍ଲିକାର୍ଜୁନ ଖାର୍ଗେ ରବିବାର ଦିନ ରାନୀ ଲକ୍ଷ୍ମୀବାଇଙ୍କୁ ତାଙ୍କ ଜନ୍ମ ବାର୍ଷିକୀରେ ଶ୍ରଦ୍ଧାଞ୍ଜଳି ଅର୍ପଣ କରିଛନ୍ତି। ତେବେ ଏ ନେଇ ପ୍ରଧାନମନ୍ତ୍ରୀ ସୋସିଆଲ ମିଡିଆ ପ୍ଲାଟଫର୍ମ ରେ ଏକ ପୋଷ୍ଟ କରିଛନ୍ତି ।
ରାଣୀ ଲକ୍ଷ୍ମୀବାଇଙ୍କ ଜନ୍ମ ବାର୍ଷିକୀ ନଭେମ୍ବର ୧୯ ତାରିଖରେ ପ୍ରତିବର୍ଷ ଝାନସୀରେ ଶହୀଦ ଦିବସ ଭାବରେ ପାଳନ କରାଯାଏ । ୧୮୫୭ ବିଦ୍ରୋହରେ ହଜିଯାଇଥିବା ଶହୀଦ ଲକ୍ଷ୍ମୀବାଈଙ୍କୁ ସମ୍ମାନ ଦେବା ପାଇଁ ଏହି ଶହୀଦ ଦିବସ ପାଳନ କରାଯାଇଥାଏ । ତେବେ ଏହି ଅବସରରେ ଆଜି ପ୍ରଧାନମନ୍ତ୍ରୀ ନରେନ୍ଦ୍ର ମୋଦିଙ୍କ ସମେତ କଂଗ୍ରେସ ନେତା ମଲ୍ଲିକାର୍ଜୁନ ଖାର୍ଗେ ଏବଂ ଅନ୍ୟାନ୍ୟ ବ୍ୟକ୍ତି ବିଶେଷ ଆଜି ତାଙ୍କୁ ଶ୍ରଦ୍ଧାଞ୍ଜଳି ଜଣାଇଛନ୍ତି ।
ପ୍ରଧାନମନ୍ତ୍ରୀ ମୋଦୀ Xରେ ଏକ ପୋଷ୍ଟରେ କହିଛନ୍ତି, “ତାଙ୍କ ଜନ୍ମ ବାର୍ଷିକୀରେ ଭାରତୀୟ ମହିଳା ଶକ୍ତିର ସାହସର ପ୍ରତୀକ ରାଣୀ ଲକ୍ଷ୍ମୀବାଇଙ୍କୁ ମୋର ହୃଦୟରୁ ଶ୍ରଦ୍ଧାଞ୍ଜଳି। ଇଂରେଜ ଶାସନ ଓ ଅତ୍ୟାଚାର ବିରୁଦ୍ଧରେ ତାଙ୍କର ସାହସ, ସଂଗ୍ରାମ ଏବଂ ବଳିଦାନର କାହାଣୀ ସମସ୍ତଙ୍କୁ ପ୍ରେରଣା ଦେବ। ଦେଶର ପ୍ରତ୍ୟେକ ପିଢ଼ି ତାଙ୍କ ଜୀବନୀରୁ ପ୍ରେରିତ ହେବ।”
କଂଗ୍ରେସ ନେତା ଖାର୍ଗେ ମଧ୍ୟ ତାଙ୍କ ଜନ୍ମ ବାର୍ଷିକୀରେ ରାଣୀ ଲକ୍ଷ୍ମୀବାଇଙ୍କୁ ଶ୍ରଦ୍ଧାଞ୍ଜଳି ଅର୍ପଣ କରିଛନ୍ତି । ସେ କହିଛନ୍ତି “୧୮୫୭ ମସିହାରେ ପ୍ରଥମ ଭାରତୀୟ ସ୍ୱାଧୀନତା ସଂଗ୍ରାମରେ ବ୍ରିଟିଶ ଶାସନ ବିରୁଦ୍ଧରେ ପତାକା ଉତ୍ତୋଳନ କରିଥିବା ଅନନ୍ୟ ସାହସ, ସାହସିକତା ଏବଂ ଅଦୃଶ୍ୟ ସାହସର ପ୍ରତୀକ, ଝାନସୀର ମହାନ ଯୋଦ୍ଧା ରାଣୀ ଲକ୍ଷ୍ମୀବାଇଙ୍କ ଜନ୍ମ ବାର୍ଷିକୀରେ ଆମେ ତାଙ୍କୁ ଗଭୀର ସମ୍ମାନ ଜଣାଉଛୁ।”
