ଏ କେମିତିକା ବାପା.. ଯୌନ ଲାଳସା ପାଇଁ ପାଗଳ ହୋଇ ସମ୍ପର୍କ ଭୁଲିଗଲା, 15ଦିନର ଛୁଆକୁ ବଣରେ ଛାଡିଦେଲା
ନୂଆଦିଲ୍ଲୀ: ଥାଇଲାଣ୍ଡରୁ ଏକ ଆଶ୍ଚର୍ଯ୍ୟଜନକ ଘଟଣା ସାମ୍ନାକୁ ଆସିଛି । ଜଣେ ପିତା ରାଗରେ ନିଜ 15ଦିନର ସନ୍ତାନକୁ ନେଇ ଜଙ୍ଗଲରେ ଛାଡି ଚାଲିଯାଇଥିବା ଜଣାପଡିଛି । ଏହାର କାରଣ ଶୁଣିଲେ ଆପଣ ମଧ୍ୟ ଆଶ୍ଚର୍ଯ୍ୟ ହୋଇଯିବେ । ସ୍ତ୍ରୀ ଯୌନ ସମ୍ପର୍କ ରଖିବାକୁ ମନା କରିବାକୁ ପ୍ରତିଶୋଧ ସ୍ୱରୂପ ଏକ ଦୁର୍ଗମ ଅଞ୍ଚଳରେ ତାଙ୍କ ଛୁଆକୁ ଛାଡି ଚାଲିଯାଇଥିଲେ ।
ରିପୋର୍ଟ ଅନୁସାରେ, ମାର୍ଚ୍ଚ 21 ତାରିଖରେ ତାଙ୍କ ସ୍ତ୍ରୀ 22 ବର୍ଷୀୟ ଓରାଥାଇଙ୍କ ଦ୍ୱାରା ତାଙ୍କ ଦୁଇ ସପ୍ତାହର ପୁଅ ସହିତ ଜଡିତ ଏକ ବିବ୍ରତକର ଘଟଣା ପ୍ରକାଶ ପାଇଥିଲା । ଏହା ପରେ ଜଣେ 21 ବର୍ଷୀୟ ୱୁଟିଚାଇକୁ ଗିରଫ କରିଛି ପୋଲିସ ।
ଘଟଣାଟି ସେତେବେଳେ ଜଣାପଡ଼ିଲା ଯେତେବେଳେ ୱୁଟିଚାଇ ସେମାନଙ୍କ ନବଜାତ ଶିଶୁକୁ ନିକଟସ୍ଥ କଦଳୀ ବଗିଚାକୁ ନେଇଗଲେ, ମାଟିରେ ଏକା ପଡ଼ିଥିବା ଶିଶୁଟିର ଫଟୋ ଉଠାଇଲେ । ସେହି ସମୟରେ ତାଙ୍କ ବନ୍ଧୁଙ୍କୁ ଭେଟିବାକୁ ଆସିଥିବା ଓରାଥାଇଙ୍କୁ ଫଟୋ ପଠାଇଲେ । ଏହାର ଅର୍ଥ ହେଉଛି ଯେ ସେ ସେମାନଙ୍କ ପିଲାଟିକୁ ପରିତ୍ୟାଗ କରିଦେଇଥିଲେ ।
ବାର୍ତ୍ତାଟିରେ ଭୟଭୀତ ହୋଇ ଓରାଥାଇ ତୁରନ୍ତ ଗ୍ରାମ ମୁଖ୍ୟଙ୍କ ସହିତ ଯୋଗାଯୋଗ କଲେ ଏବଂ ତାଙ୍କ ସ୍ୱାମୀଙ୍କ ଆଚରଣ ବିଷୟରେ କହିବା ପାଇଁ ସେମାନଙ୍କ କଥାବାର୍ତ୍ତାର ସ୍କ୍ରିନସଟ୍ ଅନଲାଇନରେ ସର୍ବସାଧାରଣରେ ସେୟାର କଲେ । ସୌଭାଗ୍ୟବଶତଃ, ୱୁଟିଚାଇ ପରେ ଶିଶୁଟିକୁ ଅକ୍ଷତ ଭାବରେ ଘରକୁ ଆଣିଲେ । ଏହି ଲୋମ ଟାଙ୍କୁରା ଘଟଣା ବର୍ତ୍ତମାନ ଅଞ୍ଚଳରେ ଚର୍ଚ୍ଚାର ବିଷୟ ସାଜିଛି ।