ହୁତୁହୁତୁ ହୋଇ ଜଳିଗଲା ଆମ୍ବୁଲାନ୍ସ, ୪ ଗୁରୁତର
ଭୁବନେଶ୍ୱର: ଆଜି ସକାଳୁ ଜଳେଶ୍ୱର ଅଞ୍ଚଳର ଏନଏଚ-୧୬ ନିକଟସ୍ଥ ମିଗିରିମୁଣ୍ଡା ଛକ ନିକଟରେ ଘଟିଛି ସଡକ ଦୁର୍ଘଟଣା । ମିଗିରିମୁଣ୍ଡା ଛକରେ ଏକ ଭରିଯାନ ଟ୍ରକଟି ଆମ୍ବୁଲାନ୍ସକୁ ପଛପଟରୁ ଶକ୍ତଧକ୍କା ଦେଇଛି । ଏହି ଦୁର୍ଘଟଣା ପରେ ଆମ୍ବୁଲାନ୍ସଟି ହୁତୁହୁତୁ ଜଳିବାର ଦେଖିବାକୁ ମିଳିଥିଲା । ଏହି ଆମ୍ବୁଲାନ୍ସରେ ୪ଜଣ ବ୍ୟକ୍ତିଙ୍କୁ ଗୁରୁତର ଅବସ୍ଥାରେ ଉଦ୍ଧାର କରାଯାଇ ଡାକ୍ତରଖାନାରେ ଭର୍ତ୍ତି କରାଯାଇଥିଲା ।
ସୂଚନା ଅନୁଯାୟୀ, ବସ୍ତାରୁ ରୋଗୀଙ୍କୁ ନେଇ ଆମ୍ବୁଲାନ୍ସଟି ବାଲେଶ୍ୱର ଅଭିମୁଖେ ଆସିବାବେଳେ ଏନଏଚ-୧୬ ମିଗିରିମୁଣ୍ଡା ଛକରେ ଦୁର୍ଘଟଣାଟି ଘଟିଥିଲା । ସେହି ସ୍ଥାନରୁ ଧକ୍କା ଦେଇଥିବା ଟ୍ରକ ଡ୍ରାଇଭରଟି ଫେରାର ହୋଇଯାଇଥିଲା । ଘଟଣାର ତଦନ୍ତ ପାଇଁ ନିକତସ୍ଥ ରୁପସା ଥାନାର ପୋଲିସ ଟିମ୍ ଆଖପାଖ ଅଞ୍ଚଳରେ ଛାନଭିନ କରୁଛି ।
