(VIDEO) ChatGPTକୁ ପ୍ରଶ୍ନ କଲେ ମହିଳା, ରାଗିଗଲା AI, କହିଲା “ତୁ ଅବିବାହିତା ହୋଇ ଏକା ମରିବୁ”

ନୂଆଦିଲ୍ଲୀ: ଘିବଲି ଟ୍ରେଣ୍ଡକୁ ନେଇ ଲୋକଙ୍କ ମଧ୍ୟରେ ଏଇ କିଛି ଦିନ ହେବ ଏକ ଅଜବ କ୍ରେଜ ଦେଖିବାକୁ ମିଳୁଛି। ପ୍ରାୟ ଲୋକ ChatGPTର AI ଟୁଲ୍ସ ବ୍ୟବହାର କରି ନିଜର ଘିବଲି ଷ୍ଟାଇଲ୍ ଫଟୋ ତିଆରି କରୁଛନ୍ତି। ନିକଟରେ, ଜଣେ ଝିଅ ମଧ୍ୟ ନିଜର ଫଟୋକୁ ଘିବଲି ଷ୍ଟାଇଲ କରିବା ପାଇଁ ଚେଷ୍ଟା କରିଥିଲେ।

ସେ ChatGPT କୁ ଏପରି ଏକ ଟାସ୍କ ମଧ୍ୟ ଦେଇଥିଲା ଯେ AI ପାଗଳ ହୋଇଗଲା ଏବଂ ଝିଅଟି ସହିତ ଝଗଡା କରିବା ଆରମ୍ଭ କରିଦେଲା ବୋଲି ଅଭିଯୋଗ ହୋଇଛି। ଏପରିକି ଝିଅଟିର କଥାରେ AI ରାଗିଯାଇ ତାକୁ ଅଭିଶାପ ଦେଇଛି। ଆଉ କହିଛି “ତୁ ଅବିବାହିତ ହୋଇ ଏକା ମରିବୁ”।

ଘିବଲି ଫଟୋ: ଆଲିବିଆ ନାମକ ଜଣେ ଝିଅ ChatGPT ରେ ନିଜର ଗୋଟିଏ ଫଟୋ ଅପଲୋଡ୍ କରିଥିଲେ ଏବଂ AI କୁ ଏହାକୁ ଘିବଲିରେ ପରିଣତ କରିବାକୁ ଅନୁରୋଧ କରିଥିଲେ। ଏହା ସହିତ, ଆଲିବିଆ AIକୁ ତାଙ୍କ ଫଟୋରେ AI ପ୍ରେମିକ ଭାବରେ ଆଉ ଜଣେ ପୁରୁଷଙ୍କୁ ଯୋଡିବାକୁ ମଧ୍ୟ କହିଥିଲେ।

ChatGPT ମଧ୍ୟ ଆଲିବିଆର ଏହି ଇଚ୍ଛା ପୂରଣ କରିଥିଲା। ତଥାପି, ଫଳାଫଳ ଦେଖି ସେ ଖୁସି ନଥିଲେ। ଏହା ପରେ, ସେ AI କୁ ତାଙ୍କର ନିଜସ୍ୱ ଘିବଲି ଫଟୋକୁ ପରିବର୍ତ୍ତନ କରି ଏବଂ ତାଙ୍କ ପ୍ରେମିକଙ୍କ ଫଟୋ ସେହିପରି ରଖି ଏକ ନୂତନ ଫଟୋ ସୃଷ୍ଟି କରିବାକୁ କହିଥିଲେ।

ରାଗିଗଲା AI: ଆଉ ମହିଳାଙ୍କ ଏତିକି କଥାରେ AI ଯାହା ଉତ୍ତର ଦେଇଥିଲା ତାକୁ ପଢ଼ି ଯୁବତୀ ଜଣକ ସ୍ତବ୍ଧ ହୋଇଯାଇଥିଲେ। ପ୍ରଥମେ AI ଏକ ନୂତନ ଫଟୋ ସୃଷ୍ଟି କରିବାକୁ ବିଫଳ ହୋଇଥିଲା, ତା’ପରେ ଉତ୍ତର ଦେଇଥିଲା ଯେ ଏହା ସିଧାସଳଖ ମୁହଁ ବଦଳାଇ ପାରିବ ନାହିଁ।

ଏହା ଉପରେ ଆଲିବିଆ ମଜା କରି ଲେଖିଥିଲେ, ତୁମେ କ’ଣ AI ହେବ? ତା’ପରେ ChatGPT ଯେଉଁ ଉତ୍ତର ଦେଇଥିଲା, ତାହା ଆଲିବିଆ କଦାପି କଳ୍ପନା କରିନଥିଲେ। ChatGPT ତୁରନ୍ତ ଉତ୍ତର ଦେଲା, ତୁମେ ଅବିବାହିତ ହୋଇ ମରିବ!

ଭିଡ଼ିଓ ଭାଇରାଲ: ଆଉ AIର ଏପରି ଉତ୍ତର ଶୁଣି ଆଲିବିଆ ନିଜେ ଆଶ୍ଚର୍ଯ୍ୟ ହେବା ସହ ଆକର୍ଷଣୀୟ ଘଟଣାର ସମ୍ପୂର୍ଣ୍ଣ ସ୍କ୍ରିନ୍ ରେକର୍ଡିଂ କରି ତାଙ୍କ ଇନଷ୍ଟାଗ୍ରାମ୍ ଆକାଉଣ୍ଟ @alibhiyaaa ରେ ପୋଷ୍ଟ କରିଥିଲେ।

ଯାହାକୁ ଏପର୍ଯ୍ୟନ୍ତ ପ୍ରାୟ ୩୦ ଲକ୍ଷ ଲୋକ ଦେଖିସାରିଲେଣି। ଆଉ ଏହି ଭିଡ଼ିଓ ଅପଲୋଡ କରିବା ସମୟରେ ଆଲିବିଆ AIକୁ ରୋଷ୍ଟ କରି ଏକ କ୍ୟାପସନ ମଧ୍ୟ ଲେଖିଥିଲେ। ଆଲିବିଆ ଲେଖିଥିଲେ AI ମଧ୍ୟ ତାର ସୀମା ପାର କରିଦେଲା।

ଆଲିବିଆଙ୍କ ଏହି ପୋଷ୍ଟରେ ଲୋକମାନେ ବହୁତ ମଜା କରୁଛନ୍ତି। ଏବଂ ବିଭିନ୍ନ ପ୍ରକାର କମେଣ୍ଟ ଦେଉଛନ୍ତି। ଜଣେ ୟୁଜର୍ସ ଏହି ଭିଡ଼ିଓ ଦେଖି ଲେଖିଛନ୍ତି ChatGPT କି କଡ଼ା ଉତ୍ତର ଦେଇଛି। ଆଉ ଜଣେ ୟୁଜର୍ସ ମଜାରେ କହିଛନ୍ତି ଶେଷ ମେସେଜଟି ଟିକେ ବ୍ୟକ୍ତିଗତ ଥିଲା। ସେହିପରି ଆଉ ଜଣେ ୟୁଜର୍ସ ଲେଖିଛନ୍ତି ChatGPT ଟ୍ରେଣ୍ଡ କରୁଛି।