PM Kisan Yojanaର ୧୫ତମ କିସ୍ତି ପୂର୍ବରୁ ହେବ ହିତାଧିକାରୀଙ୍କ ସଂଖ୍ୟା ହ୍ରାସ, ଏହି ଲୋକମାନେ ପାଇ ପାରିବେ ନାହିଁ ଟଙ୍କା
ନୂଆଦିଲ୍ଲୀ : ପ୍ରଧାନମନ୍ତ୍ରୀ କିସାନ ଯୋଜନା ଅଧୀନରେ ପ୍ରତିବର୍ଷ ବହୁ ସଂଖ୍ୟକ ଚାଷୀଙ୍କୁ ଟଙ୍କା ଦିଆଯାଉଛି । ଏହି ଯୋଜନା ଆରମ୍ଭରୁ ହିତାଧିକାରୀଙ୍କ ତାଲିକା ଅନୁଯାୟୀ ସମୁଦାୟ ୧୪ କିସ୍ତିରେ ଟଙ୍କା ପଠାଯାଇଛି, କିନ୍ତୁ ଏହି କିସ୍ତି ପ୍ରକାଶ ପାଇବା ପୂର୍ବରୁ ଅନେକ ହିତାଧିକାରୀ ବିଭିନ୍ନ କାରଣରୁ ଏହି ଯୋଜନାରୁ ବାଦ ପଡିଥିଲେ । ୧୪ ତମ କିସ୍ତି ରିଲିଜ ହେବା ପରେ କୃଷକମାନେ 15 ତମ କିସ୍ତି ପାଇଁ ଅପେକ୍ଷା କରିଛନ୍ତି । କିନ୍ତୁ ଅନେକ କୃଷକ ଏହାର ଲାଭ ପାଇ ପରିବେ ନାହିଁ ବୋଲି କୁହାଯାଇଛି । କେତେକ ଗଣମାଧ୍ୟମର ରିପୋର୍ଟ ଅନୁଯାୟୀ, ପ୍ରତ୍ୟେକ କିସ୍ତି ପୂର୍ବରୁ ଜମି ରେକର୍ଡ ଯାଞ୍ଚ ସମୟରେ ଅନେକ କୃଷକ ହିତାଧିକାରୀର ତାଲିକାରୁ ବାଦ ପଡିଛନ୍ତି। ଏଭଳି ପରିସ୍ଥିତିରେ ସଂଖ୍ୟା ମଧ୍ୟ କମ ହୋଇପାରେ । ଏଥି ସହିତ, ଯେଉଁ କୃଷକମାନେ e-KYC କରିନାହାଁନ୍ତି ସେମାନେ ମଧ୍ୟ ତାଲିକାରୁ ବାଦ ପଡି ପାରନ୍ତି ।
ସୂଚନାଯୋଗ୍ୟ ଯେ, ଯଦିଓ ଆପଣ ପିଏମ କିସାନ ଯୋଜନା ଅଧୀନରେ ଯୋଗ୍ୟ, ତେବେ ଆପଣ ଆପଣଙ୍କର ଟଙ୍କା ପାଇ ପାରନ୍ତି । ଆପଣଙ୍କୁ ନିଶ୍ଚିତ କରିବାକୁ ପଡିବ ଯେ ଆପଣ ପୂରଣ କରିଥିବା ଆବେଦନ ଫର୍ମରେ କୌଣସି ତୃଟି ନାହିଁ । ଯଦି ଆବେଦନ ଫର୍ମରେ ଲିଙ୍ଗ, ନାମ, ଠିକଣା ଏବଂ ଆକାଉଣ୍ଟ ନମ୍ବରରେ କୌଣସି ତ୍ରୁଟି ଥାଏ, ତେବେ ଯୋଜନାର କିସ୍ତି ମିଳି ପାରିବ ନାହିଁ । ପ୍ରଧାନମନ୍ତ୍ରୀ କିସାନ ସାମନ ନିଧି ଯୋଜନା ଅଧୀନରେ କୃଷକମାନଙ୍କୁ ପ୍ରତିବର୍ଷ ୬,୦୦୦ଟଙ୍କା ପ୍ରଦାନ କରାଯାଉଛି । ଚାଷ ଏବଂ ଅନ୍ୟାନ୍ୟ ଆବଶ୍ୟକତା ପାଇଁ ଏହା ତିନି କିସ୍ତିରେ କୃଷକମାନଙ୍କୁ ଦିଆଯାଏ । ପ୍ରତ୍ୟେକ କିସ୍ତି ଚାରି ମାସର ବ୍ୟବଧାନରେ ମୁକ୍ତ ହୁଏ ।
ଯଦି ଆପଣ ପିଏମ କିସାନ ଯୋଜନା ଅଧୀନରେ ଜଣେ ହିତାଧିକାରୀ ଅଟନ୍ତି ଏବଂ ଏପର୍ଯ୍ୟନ୍ତ e- KYC କରିନାହାଁନ୍ତି, ତେବେ ଆପଣ ୧୫ତମ କିସ୍ତିରୁ ବଞ୍ଚିତ ହୋଇପାରନ୍ତି । ଏପରି ପରିସ୍ଥିତିରେ, ଆପଣ ତୁରନ୍ତ ଏହି କାମକୁ ସମାପ୍ତ କରିବା ଉଚିତ । ଏଥିପାଇଁ ଆପଣଙ୍କୁ PM Kisan Yojanaର ୱେବସାଇଟ୍ କୁ ଯିବାକୁ ପଡିବ କିମ୍ବା ଆପଣ CSC କେନ୍ଦ୍ରକୁ ଯାଇ ଏହାକୁ ସମାପ୍ତ କରିପାରିବେ । ଯଦି ଏହା ନକରାଯାଏ ତେବେ ଆପଣ ଯୋଜନାର ପରବର୍ତ୍ତୀ କିସ୍ତିରୁ ବଞ୍ଚିତ ହୋଇପାରନ୍ତି ।
